Read CHUYA QELLQA La Biblia en Quechua de Ayacucho 2012 Filemón 1 Bible Online

Filemón 1 - CHUYA QELLQA La Biblia en Quechua de Ayacucho 2012 bible

Filemón 1

¹Kuyasqay llamkaqmasiyku Filemón, Cristo Jesusrayku preso kaq ñoqa Pablom iñiqmasinchik Timoteopiwan rimayka-muykiku.

²Rimaykamunikutaqmi kuyasqanchik paninchik Apiatapas hinaspa peleaqmasinchik Arquipotapas chaynataq wasikipi huñunakuq llapallan iñiqkunatapas.

³Dios Taytanchikwan Señorninchik Jesucristoyá kuyakuynintawan hawkayayninta qamkunaman qosunkichik.

⁴Qanmanta tukuy tiempo yuyarispaymi Diosniyta mañakuspay graciasta qoni.

⁵Qanmantam uyarini Señorninchik Jesucristo kuyasqaykita hinaspa paypi hapipakusqaykita, chaynallataq iñiqmasinchikkuna kuyasqaykitapas.

⁶Diostam mañakuchkani iñiqmasiyku kaspayki kuyasqayki Cristorayku tukuy allinkuna ruway atisqanchikta yachanaykipaq,

⁷kuyakuyniyuq kasqaykiwanmi llumpay kusisqa hinaspa kallpanchasqa kachkani. Wawqelláy, qanmi iñiqmasinchikkunapa sonqonta kusikuywan kallpanchaykurqanki.

⁸Cristopa apostolnin kasqayraykuqa kanmi derechoy imam ruwanayki kamachinaypaq,

⁹ichaqa kuyakuywanmi ruegakamuyki. Ñoqa Pabloqa machuñam kani, kunanñataqmi Jesucristorayku preso kaspay

¹⁰churiy Onesimopaq ruegakamuyki, payqa carcelpi kaspa iñichisqaymi.

¹¹Ñawpaqtaqa mana imapaq servisuqniki esclavom karqa, kunanmi ichaqa qampaqpas ñoqapaqpas servikuqña.

¹²Chaynaqa, kunanmi kutichimuyki, ñoqata chaskiwachkaq hinayá chaskiykuy.

¹³Munaymanmi ñoqawanña kananta chaynapi Cristomanta allin noticiata willakusqayrayku preso kasqaypi qampa rantikipi yanapawananta.

¹⁴Ichaqa manam imatapas ruwaymanchu mana simikiwanqa, chaynapi allin ruwasqaykiqa mana obligasqa kaspa sonqoykimanta kananpaq.

¹⁵Ichapas Onesimoqa chaypaq qanmanta karunchakururqa, chaynaqa chaskiykuyá wiñaypaqña qanwan kananpaq,

¹⁶amaña esclavota hinañachu aswanqa kuyasqayki wawqekita hinaña. Ñoqapas wawqeyta hinam kuyani chaynaqa qamqa astawanraqchá kuyanki, manam runamasinchik kasqanraykullachu aswanqa Señorninchikpi iñiqmasinchik kasqanraykum.

¹⁷Sichum iñiqmasikipaq hapiwaspaykiqa paytapas ñoqata hinayá chaskiykuy.

¹⁸Icha imapipas piñachisurqanki otaq manukusurqankipas hinaptinqa ñoqapa cuentaymanyá churaykuy.

¹⁹Ñoqa Pablom makiywanpuni qellqamuchkayki: “Ñoqam pagapusqayki”, nispa. Allilla rimaypiqa tukuy imayuq kasqaykimantawan pim kasqaykimantaqa qampas debewankim.

²⁰Chaynaqa, wawqelláy, Señorninchikman iñiqmasiy kasqaykiraykuyá kay valekusqayta arí niykullaway. Cristopi wawqey kasqaykiraykuyá sonqoyta tiyaykachiy.

²¹Qellqamuchkaykiqa kasukunaykita hinaspa kay nimusqaykunamantapas aswanraq ruwanaykita yachaspaymi.

²²Chaynaqa, hamuspay samaykunaypaqyá wasikita allichaykapuwachkay, Dios mañakusqaykichikman hinam huktawan qamkunaman watukuq hamuyta munachkani.

²³Cristorayku presomasiy Epafrasmi rimaykamusunki,

²⁴rimaykamusun-kitaqmi llamkaqmasiy Marcospas, Aristarcopas, Demaspas hinaspa Lu-caspas.

²⁵Señorninchik Jesucristoyá kuyakuyninta qamkunaman chaqchurimuchun. Amén.