Read CHUYA QELLQA La Biblia en Quechua de Ayacucho 2012 Hebreos 13 Bible Online

Hebreos 13 - CHUYA QELLQA La Biblia en Quechua de Ayacucho 2012 bible

Hebreos 13

¹Wawqe-panintin kuyanakuytaqa amayá saqeruychikchu.

²Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

³Presokunamantayá yuyariychik, imay-nam qamkunapas paykunawan preso kachkawaqchikpas hina. Ñakariqkuna-mantapas yuyariychikyá imaynam qamkunapas ñakarichkawaqchik hina.

⁴Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

⁵Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

⁶Chaynaqa, confianzawanmi ninan-chik: “Señormi ñoqapa yanapawaqniyqa manam manchakusaqchu, runapa imapas ruwawanantaqa manam manchakusaqchu”, nispanchik.

⁷Diospa palabranta yachachispa puntaman pusasuqnikichik michiqnikichikkunatayá yuyariychik. Imaynam kawsasqankuta qawarispayá iñiyninkuta qatipakuychik.

⁸Jesucristoqa qaynapas, kunanpas, wiña-wiñaypaq hina kaqllam.

⁹Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

¹⁰Ñoqanchikpaqa huk altarmi kapuwachkanchik, chay altarmantaqa ñawpaq altarpi servikuq sacerdotekunaqa manam mikunmankuchu.

¹¹Sumo sacerdoteqa hucha pampachasqa kananpaqmi animalkunapa yawarninta Chuyay-chuyay lugarman apaykuq, aychantañataqmi campamentopa hawa lawninpi kañaq.

¹²Chaynataqmi Jesuspas kikinpa ya-warninwan runankunata chuyanchaspa Diospaq sapaqchananpaq, llaqtapa hawa lawninpi wañukurqa.

¹³Chaynayá ñoqanchikpas campamentomanta lloq-sispa Jesusta qatisunchik payta imayna kamisqankuta hina kamiwaptinchik ñakarispapas.

¹⁴Kay pachapiqa manam wiñaypaq llaqtanchikqa kanchu, chay-mi hamuq llaqtata suyachkanchik.

¹⁵Chaynaqa, kañasqa ofrendata hinayá takikunata Jesucristontakama Diosman tukuy tiempo ofrecesunchik, chayku-naqa kanan sutinmanta siminchik-pa yupaychayninkunam.

¹⁶Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

¹⁷Michiqnikichikta kasukuspa paykunaman sujetakuychik. Paykunam almaykichikmanta nanachikunku, hi-naspam Diosman cuentata qonqaku. Kasukuptikichikqa mana hukmanyaspam kusisqalla pusasunkichik, mana chayqa manam allinnikichikpaqchu kanman.

¹⁸Ñoqaykupaqyá Diosta maña-kuychik, ñoqaykupa sonqoykuqa hawkallam kachkan, tukuy kawsayniykupipas hawkalla kaytataqmi munaniku.

¹⁹Tukuy-manta llalliqtaqa qamkunaman chaylla kutichimuwananpaqyá Diosta mañakuychik.

²⁰Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

²¹munasqanman hina ruwanaykichikpaq tukuy allin kaqkunata qosunkichik. Jesucristoraykuyá Diospa agradonpaq ruwawasun. ¡Jesucristoyá wiña-wiñaypaq yupaychasqa kachun! Amén.

²²Wawqe-panikuna, ruegakuykichikmi, kallpanchanaypaq qellqamusqaytayá aslla kaptinpas pacienciawan qawaykuychik.

²³Yachaychikyá, wawqenchik Timoteoqa ñam carcelmanta lloqsirunña, chaylla hamuptinqa paywan kuskam qawaykuqnikichik hamusaq.

²⁴Michiqnikichikkunatayá rimaykuy-chik, rimaykuychiktaqyá llapallan iñiq-kunatapas. Italiapi kaqkunam rimay-kamusunkichik.

²⁵Diospa kuyakuyninyá qamkunawan kachun. Amén.