Read CHUYA QELLQA La Biblia en Quechua de Ayacucho 2012 1~Juan 4 Bible Online

1~Juan 4 - CHUYA QELLQA La Biblia en Quechua de Ayacucho 2012 bible

1~Juan 4

¹Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

²Kaynapim reqsinkichik Diospa Espiritunwan kaq runataqa: “Jesucristom kay pachaman hamuspan cheqap runa karqa” nispa niqkunam Diospa Espiritunwan kachkan.

³Jesucristota aychapi hamusqanta mana chaskiqqa manam Diospa Espiritunwanchu kachkan, payqa anticristopa espiritunwanmi kachkan. Chay anticristopa hamunanmantaqa ñam uyarirqankichikña, payqa kay pachapiñam kachkan.

⁴Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

⁵Paykunaqa kay pachapi kaqkunallam, chayraykum kay pachapi kaqkunallamanta rimanku, kay pachapi kaqkunañataqmi uyarinku.

⁶Ñoqanchikmi ichaqa Diospa churinña kanchik, haykam Diosta reqsiqqa uyariwanchikmi, Diosta mana reqsiqmi ichaqa mana uyariwanchikchu. Chaywanmi reqsinchik cheqap espíritu otaq pantachikuq espíritu kasqantapas.

⁷Kuyasqallaykuna, kuyanakusunchikyá, kuyakuyqa Diosmantam hamun. Pipas kuyakuqqa Diospa churinmi, payqa Diostam reqsin.

⁸Mana kuyakuqqa Diostapas manam reqsinchu, Diosqa llumpay kuyakuqllañam.

⁹Dios-ninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.

¹⁰Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

¹¹Kuyasqallaykuna, sichum Diosnin-chik kuyawachkaptinchikqa, ñoqan-chikpas chaynatam kuyanakunanchik.

¹²Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.

¹³Espiritun qowasqan-chikwanmi yachanchik Diospi takyas-qanchikta chaynataq paypas ñoqan-chikpi kasqanta

¹⁴Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

¹⁵Jesucristoqa Diospa Churinmi nispa willakuqqa Diospim takyan, Diospas paypitaqmi takyan.

¹⁶Chaynapim Diospa kuyawasqanchikta creenchik hinaspa yachanchik. Diosqa llumpay kuyakuqmi, pipas kuyakuypi takyaqqa Diospim takyan, Diospas paypitaqmi takyan.

¹⁷Chaynatam ñoqanchikpi qawachikun Diospa kuyakuynin, juicio punchawpi confianzawan kananchikpaq, imaynam Jesucristo chaynam ñoqanchikpas kay pachapi kanchik.

¹⁸Cheqap kuyakuypiqa manam manchakuyqa kanchu, cheqap kuyakuyqa chinkachinmi manchakuytaqa. Manchakuyqa castigotam apamun. Manchakuqqa manaraqmi cheqap kuyakuytaqa yachanraqchu.

¹⁹Diostaqa kuyanchik paypuni puntata kuyawasqanchikraykum.

²⁰Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

²¹Jesucristom kaynata kamachi-warqanchik: “Diosta kuyaqqa runamasintapas kuyachunyá”, nispa.