Read CHUYA QELLQA La Biblia en Quechua de Ayacucho 2012 Jueces 15 Bible Online

Jueces 15 - CHUYA QELLQA La Biblia en Quechua de Ayacucho 2012 bible

Jueces 15

¹Unaymantañam trigo rutuy tiem-popi, cabrachata aparikuspan warmin Sansonqa watukuq rirqa. Chaya-ruspanmi suegronta nirqa: Warmiypa kasqan cuartomanmi yayku-saq, nispa. Suegronñataqmi yaykunanta mana munaspan

²nirqa: Ñoqaqa manañachá kuyanñachu nis-paymi amigoykiwanña casararachirqani. Aswanqa sullka ñañanmi kachkan paymantapas aswan buenamozaraq, paywanñayá mayorninpa rantinpi casarakuruy, nispa.

³Hinaptinmi Sansón nirqa: Filisteokunata kunan mana allinta ruwaruspayqa mana huchayuqmi kasaq, nispa.

⁴Chaymi Sansonqa campoman pasaspan kimsa pachak atoqkunata hapiramurqa, hinaspam chupanmantakama iska-iskayta tinkinaruspan chaprata chawpinman wataykurqa.

⁵Chaymantam chapraman ninata rataykachispan filisteokunapa kawsayninman atoqkunata kachaykurqa, chaymi montonasqa gavillakunatawan sayaq kawsaykunata ruparurqa, ruparurqataqmi uvaskunatawan aceituna sachakunatapas.

⁶Hinaptinmi filisteokunañataq nirqaku: ¿Pitaq kayta ruwarun? nispanku. Chaymi nirqaku: Timnat llaqtayuq runapa masan Sanson-mi, warminta qechuruspan hukwanña casararachisqanrayku, nispanku. Chaymi filisteokuna hamuruspanku Sansonpa suegronta churintinta kañaykurqaku.

⁷Sansonñataqmi paykunata nirqa: Kay ruwasqaykichikmantaqa vengakunaykamam mana samaykusaqchu, nispa.

⁸Hinaspanmi mana llakipayaspa man-charikuypaqta wañurachirqa, tullun-kutapas pakiparurqam. Chaymanta pasakuspanmi Etam qaqa machaypi yacharqa.

⁹Filisteokunam hamuruspanku Judá lawmanta Lehi lawkama campamentonkuta sayarachirqaku.

¹⁰Chaymi Judá lawpi yachaqkuna paykunata tapurqaku: ¿Imanasqataq contraykupi peleaq hamurunkichik? nispanku. Chaymi filisteokunañataq nirqaku: Imam ruwawasqankuman hina ruwanaykupaqmi Sansonta chaqnaq hamuniku, nispanku.

¹¹Hinaptinmi Judá lawmanta kimsa waranqa qarikuna Etam qaqa machayman rispanku Sansonta nimurqaku: ¿Manachum yachanki filisteokuna ñoqanchikpi munaychakusqanta? ¿Imanasqataq kayta ruwaruwankiku? nispanku. Chaymi Sansón nirqa: Paykunapa imaynam ruwawasqanta hinam ñoqapas paykunata ruwarqani, nispa.

¹²Chaymi Judá runakuna nirqaku: Ñoqaykum hamuniku qamta chaqnaspayku filisteokunapa makinman qoykunaykupaq, nispanku. Hinaptinmi Sansonñataq nirqa: Ama wañuchiwanaykichikpaq Jura-mentawaychik, nispa.

¹³Chaymi paykunañataq nirqaku: Manam wañuchisqaykikuchu, chaqnaruspallaykum filisteokunaman qoykusqaykiku, nispanku. Hinaspam iskay musoq waskakunawan chaqnaruspanku qaqamanta pusamurqaku.

¹⁴Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

¹⁵Chaymantam wañusqa asnopa kakichunta tariruspa, chaywan waranqa filisteokunata wañurachirqa.

¹⁶Hinaspanmi Sansón nirqa: Asnopa kakichunwanmi waranqantin runata wañurachini, hinaspaymi huk montonta iskay montonta ruwaruni, nispa.

¹⁷Rimayta tukuruspanmi asnopa kakichunta wischuruspan chay sitiota [3]“Ramat-lehi” nispa suticharqa.

¹⁸Chaymantam Sansonqa sinchita yakunayaruptin Tayta Diosta kaynata qayakurqa: ¿Kaynaña runata vencerachiwachkas-pachu kunanñataq yakumanta wañurachiwankiman kay mana reqsisuqniki runakunapa makinpi? nispa.

¹⁹Chaymi Lehi lawpi uchkumanta yakuta Tayta Dios lloqsirachimuptin tomaykuspa Sansón kallpanchakururqa. Chayraykum chay sitiota “[4]En-hacore” nispa suticharqa, chay pukyuqa kunankamapas hinallam Lehi lawpi kachkan.

²⁰Sansonmi Israel nacionpi iskay chunka wata kamachikurqa, kamachikurqaqa filisteokunapa munaychakusqan watakunapim.