Read Библия Церковнославянская а҃ паралипоме́нѡнъ 3 Bible Online

а҃ паралипоме́нѡнъ 3 - Библия Церковнославянская bible

а҃ паралипоме́нѡнъ 3

¹Сі́и же бы́ша сы́нове даві́дѡвы, и҆̀же роди́шасѧ є҆мѹ̀ въ хеврѡ́нѣ: перворожде́нный а҆мнѡ́нъ ѿ а҆хїнаа́мы ї҆езраилі́тїды: вторы́й далѹі́а ѿ а҆вїге́и карми́лскїѧ:

²тре́тїй а҆вессалѡ́мъ сы́нъ маа́хи, дще́ре ѳоломі́а царѧ̀ гесѹ́рска: четве́ртый а҆дѡ́нїа сы́нъ а҆ггі́ѳинъ:

³пѧ́тый сафаті́а ѿ а҆вїта́лы: шесты́й ї҆еѳраа́мъ ѿ а҆гла́и жены̀ є҆гѡ̀:

⁴ше́сть роди́шасѧ є҆мѹ̀ въ хеврѡ́нѣ, и҆дѣ́же ца́рствова се́дмь лѣ́тъ и҆ ше́сть мц҇ъ: и҆ три́десѧть трѝ лѣ҄та ца́рствова во ї҆ер҇ли́мѣ.

⁵И҆ сі́и роди́шасѧ є҆мѹ̀ во ї҆ер҇ли́мѣ: самаа̀ и҆ сѡва́въ, и҆ наѳа́нъ и҆ соломѡ́нъ, четы́ри ѿ вирсаві́и дще́ре а҆мїи́ловы:

⁶и҆ є҆ва́ръ и҆ є҆лїсама̀, и҆ є҆лїфале́тъ

⁷и҆ наги́съ, и҆ нафе́къ и҆ ї҆афїѐ,

⁸и҆ є҆лїсама̀ и҆ є҆лїада́къ и҆ є҆лїфале́тъ, де́вѧть.

⁹Всѝ сы́нове даві́дѡва кромѣ̀ сынѡ́въ подло́жничихъ и҆ ѳама́ры сєстры̀ и҆́хъ.

¹⁰Сы́нове же соломѡ́ни: ровоа́мъ, а҆ві́а сы́нъ є҆гѡ̀, а҆́са сы́нъ є҆гѡ̀, ї҆ѡсафа́тъ сы́нъ є҆гѡ̀,

¹¹ї҆ѡра́мъ сы́нъ є҆гѡ̀, ѻ҆хозі́а сы́нъ є҆гѡ̀, ї҆ѡа́съ сы́нъ є҆гѡ̀,

¹²а҆масі́а сы́нъ є҆гѡ̀, ѻ҆зі́а сы́нъ є҆гѡ̀, ї҆ѡаѳа́мъ сы́нъ є҆гѡ̀,

¹³а҆ха́зъ сы́нъ є҆гѡ̀, є҆зекі́а сы́нъ є҆гѡ̀, манассі́а сы́нъ є҆гѡ̀,

¹⁴а҆мѡ́нъ сы́нъ є҆гѡ̀, ї҆ѡсі́а сы́нъ є҆гѡ̀.

¹⁵Сы́нове же ї҆ѡсї҄ины: пе́рвенецъ ї҆ѡаха́зъ, вторы́й ї҆ѡакі́мъ, тре́тїй седекі́а, четве́ртый селлѹ́мъ.

¹⁶Сы́нове же ї҆ѡакі́мѡвы: ї҆ехоні́а сы́нъ є҆гѡ̀, седекі́а сы́нъ є҆гѡ̀.

¹⁷Сы́нове же ї҆ехонї҄ины: а҆сі́ръ, салаѳїи́ль сы́нъ є҆гѡ̀,

¹⁸мелхїра́мъ, фадаі́а и҆ а҆неса́ръ, и҆ ї҆езекі́а и҆ ѡ҆самѡ́нъ и҆ саваді́а.

¹⁹Сы́нове же салаѳїи́лєвы: зорова́вель и҆ семе́й. Сы́нове же зорова́велєвы: мосолла́мъ и҆ а҆нані́а, и҆ салїми́нъ сестра̀ и҆́хъ,

²⁰и҆ а҆сѹве́а и҆ ѻ҆е́лъ, и҆ варахі́а и҆ а҆саді́а и҆ а҆сове́дъ, пѧ́ть.

²¹Сы́нове же а҆нанї҄ины: фалтїа́съ, и҆ ї҆есі́а сы́нъ є҆гѡ̀, рафа́лъ сы́нъ є҆гѡ̀, ѻ҆рна̀ сы́нъ є҆гѡ̀, а҆вді́а сы́нъ є҆гѡ̀, сехені́а сы́нъ є҆гѡ̀,

²²и҆ сы́нъ сехені́инъ саме́а. И҆ сы́нове самє́ины: хаттѹ́съ и҆ ї҆ѡи́лъ, и҆ веррі́а и҆ нѡаді́а и҆ са́фъ, ше́сть.

²³И҆ сы́нове нѡадї҄ины: є҆лїоне́й и҆ є҆зекі́а и҆ є҆зрїка́мъ, трїѐ.

²⁴Сы́нове є҆лїоне́євы: ѹ҆аді́а и҆ є҆лїасевѡ́нъ, и҆ фадаі́а и҆ а҆каѹ́мъ, и҆ ї҆ѡана́нъ и҆ дале́а и҆ а҆на́нъ, се́дмь..