Read Библия Церковнославянская а҃ паралипоме́нѡнъ 6 Bible Online

а҃ паралипоме́нѡнъ 6 - Библия Церковнославянская bible

а҃ паралипоме́нѡнъ 6

¹Сы́нове леѵі́и: герсѡ́нъ, каа́ѳъ и҆ мера́рї.

²Сы́нове же каа́ѳѡвы: а҆мра́мъ и҆ ї҆ссаа́ръ, хеврѡ́нъ и҆ ѻ҆зїи́лъ.

³Сы́нове же а҆мра҄мли: а҆арѡ́нъ и҆ мѡѷсе́й и҆ марїа́мъ. Сы́нове же а҆арѡ́нѡвы: нада́въ и҆ а҆вїѹ́дъ, є҆леаза́ръ и҆ ї҆ѳама́ръ.

⁴И҆ є҆леаза́ръ родѝ фїнее́са, и҆ фїнее́съ родѝ а҆вїѹ́да,

⁵и҆ а҆вїѹ́дъ родѝ воккі́а, и҆ воккі́й родѝ ѻ҆зі́ю,

⁶ѻ҆зі́а же родѝ саре́а, и҆ саре́й родѝ марїѡ́ѳа,

⁷марїѡ́ѳъ же родѝ а҆марі́ю, а҆марі́а же родѝ а҆хїтѡ́ва,

⁸а҆хїтѡ́въ же родѝ садѡ́ка, и҆ садѡ́къ родѝ а҆хїмаа́са,

⁹а҆хїмаа́съ же родѝ а҆за́рїю и҆ а҆за́рїа родѝ ї҆ѡана́на,

¹⁰ї҆ѡана́нъ же родѝ а҆за́рїю, то́й є҆́сть а҆за́рїа, и҆́же свѧще́нствова въ домѹ̀, є҆го́же созда̀ соломѡ́нъ во ї҆ер҇ли́мѣ.

¹¹Роди́ же а҆за́рїа а҆марі́ю, и҆ а҆марі́а родѝ а҆хїтѡ́ва,

¹²а҆хїтѡ́въ же родѝ садѡ́ка, и҆ садѡ́къ родѝ селлѹ́ма,

¹³и҆ селлѹ́мъ родѝ хелкі́ю, и҆ хелкі́а родѝ а҆за́рїю,

¹⁴и҆ а҆за́рїа родѝ саре́а, и҆ саре́й родѝ ї҆ѡседе́ка.

¹⁵Ї҆ѡседе́къ же и҆зы́де, є҆гда̀ преселѝ гд҇ь ї҆ѹ́дѹ и҆ ї҆ер҇ли́ма рѹко́ю навѹходоно́сора въ вавѷлѡ́нъ.

¹⁶Сы́нове же леѵі́ини: герсѡ́нъ, каа́ѳъ и҆ мера́рї.

¹⁷И҆ сїѧ҄ и҆мена̀ сынѡ́въ герсѡ́нихъ: ловені́й и҆ семе́й.

¹⁸Сы́нове же каа́ѳѡвы: а҆мра́мъ и҆ ї҆ссаа́ръ, хеврѡ́нъ и҆ ѻ҆зїи́лъ.

¹⁹Сы́нове же мера҄рїны: моолї̀ и҆ мѹсї̀. И҆ сі́и ро́ди леѵі́ини по ѻ҆те́чествѡмъ и҆́хъ.

²⁰Герсѡ́нови: ловені́й сы́нъ є҆гѡ̀, ї҆е́ѳъ сы́нъ є҆гѡ̀, се́мна сы́нъ є҆гѡ̀,

²¹ї҆ѡ́ла сы́нъ є҆гѡ̀, а҆́ддо сы́нъ є҆гѡ̀, за́ра сы́нъ є҆гѡ̀, ї҆еѳрї̀ сы́нъ є҆гѡ̀.

²²Сы́нове каа́ѳѡвы: и҆ссаа́ръ сы́нъ є҆гѡ̀, а҆мїнада́въ сы́нъ є҆гѡ̀, коре́й сы́нъ є҆гѡ̀, а҆си́ръ сы́нъ є҆гѡ̀,

²³є҆лка́на сы́нъ є҆гѡ̀, а҆вїса́фъ сы́нъ є҆гѡ̀, а҆си́ръ сы́нъ є҆гѡ̀,

²⁴каа́ѳъ сы́нъ є҆гѡ̀, ѹ҆рїи́лъ сы́нъ є҆гѡ̀, ѻ҆зі́а сы́нъ є҆гѡ̀, саѹ́лъ сы́нъ є҆гѡ̀.

²⁵Сы́нове же є҆лка́нѡвы: а҆масї̀ сы́нъ є҆гѡ̀, а҆мїѡ́ѳъ сы́нъ є҆гѡ̀,

²⁶є҆лка́на сы́нъ є҆гѡ̀, сѹфі́й сы́нъ є҆гѡ̀, и҆ наа́ѳъ сы́нъ є҆гѡ̀,

²⁷є҆лїа́въ сы́нъ є҆гѡ̀, ї҆еремеи́лъ сы́нъ є҆гѡ̀, є҆лка́на сы́нъ є҆гѡ̀, самѹи́лъ сы́нъ є҆гѡ̀.

²⁸Сы́нове же самѹи҄ли: пе́рвенецъ є҆гѡ̀ ї҆ѡи́ль и҆ вторы́й а҆ві́а.

²⁹Сы́нове же мера҄рїны: моолї̀ сы́нъ є҆гѡ̀, ловені́й си́мъ є҆гѡ̀, семе́й сы́нъ є҆гѡ̀, ѻ҆зі́а сы́нъ є҆гѡ̀,

³⁰саммаа̀ сы́нъ є҆гѡ̀, а҆на́нїй сы́нъ є҆гѡ̀, а҆саі́а сы́нъ є҆гѡ̀.

³¹Сі́и же сѹ́ть, и҆̀хже поста́ви даві́дъ над̾ пѣвцы҄ въ домѹ̀ гд҇ни, є҆гда̀ поста́ви кївѡ́тъ:

³²и҆ бѧ́хѹ слѹжа́ще пред̾ ски́нїею до́мѹ свидѣ́нїѧ въ пѣ́нїи, до́ндеже созда̀ соломѡ́нъ до́мъ гд҇ень во ї҆ер҇ли́мѣ, и҆ стоѧ́хѹ по чи́нѹ своемѹ̀ въ слѹже́нїи свое́мъ.

³³И҆ сі́и предстоѧ́щїи и҆ сы́нове и҆́хъ ѿ сынѡ́въ каа́ѳовыхъ: є҆ма́нъ пѣве́цъ сы́нъ ї҆ѡи́лѧ, сы́на самѹи́лева,

³⁴сы́на є҆лка́нова, сы́на є҆ремеи́лева, сы́на є҆лїа́влѧ, сы́на наа́ѳова,

³⁵сы́на сѹ́фова, сы́на є҆лкана́ева, сы́на а҆мїѡ́ѳова, сы́на а҆ма́сова,

³⁶сы́на є҆лка́нова, сы́на ї҆ѡи́лева, сы́на а҆зарі́ева, сы́на сафані́ева,

³⁷сы́на маа́ѳова, сы́на а҆ссе́рова, сы́на а҆вїаса́фова, сы́на а҆си́рова, сы́на коре́ова,

³⁸сы́на а҆мїнада́вова, сы́на ї҆саа́рова, сы́на каа́ѳова, сы́на леѵі́ина, сы́на ї҆и҃лева:

³⁹и҆ бра́тъ є҆гѡ̀ а҆са́фъ, и҆́же стоѧ́ша ѡ҆деснѹ́ю є҆гѡ̀: а҆са́фъ сы́нъ варахі́и, сы́на самаа́ева,

⁴⁰сы́на мїхаи́лова, сы́на масі́лова, сы́на мелхі́ева,

⁴¹сы́на а҆ѳані́ева, сы́на зара́ева, сы́на а҆даі́ева,

⁴²сы́на и҆ѳа́мова, сы́на земми́на, сы́на семеі́ева,

⁴³сы́на ї҆ее́ѳова, сы́на герсѡ́нова, сы́на леѵі́ина.

⁴⁴Сы́нове же мера҄рїны бра́тїѧ и҆́хъ ѡ҆шѹ́юю: є҆ѳа́мъ сы́нъ хѹсі́и, сы́на а҆вді́ина, сы́на малѡ́хова,

⁴⁵сы́на саві́ева, сы́на а҆масі́ева, сы́на хелкі́ева,

⁴⁶сы́на а҆масі́ева, сы́на вані́ина, сы́на семи́рова,

⁴⁷сы́на моолі́ина, сы́на мѹсі́ева, сы́на мера́рїна, сы́на леѵі́ина.

⁴⁸Бра́тїѧ же и҆́хъ по домѡ́мъ ѻ҆те́чествъ и҆́хъ, леѵі́тѧне даны̀ во всѧ́кое дѣ́ло слѹже́нїѧ ски́нїи до́мѹ бж҃їѧ:

⁴⁹и҆ а҆арѡ́нъ и҆ сы́нове є҆гѡ̀ кадѧ́хѹ над̾ ѻ҆лтаре́мъ всесожже́нїй и҆ над̾ ѻ҆лтаре́мъ ѳѷмїа́ма во всѧ́кое дѣ́ло ст҃ы́хъ ст҃ы҄мъ, и҆ да мо́лѧтсѧ за ї҆и҃лѧ по всемѹ̀, є҆ли҄ка повелѣ̀ мѡѷсе́й ра́бъ бж҃їй.

⁵⁰Сі́и же сы́нове а҆арѡ҄ни: є҆леаза́ръ сы́нъ є҆гѡ̀, фїнее́съ сы́нъ є҆гѡ̀, а҆вїѹ́дъ сы́нъ є҆гѡ̀,

⁵¹вѡкхі́й сы́нъ є҆гѡ̀, ѻ҆зі́й сы́нъ є҆гѡ̀, саре́й сы́нъ є҆гѡ̀,

⁵²марїо́ѳъ сы́нъ є҆гѡ̀, а҆марі́а сы́нъ є҆гѡ̀, а҆хїтѡ́въ сы́нъ є҆гѡ̀,

⁵³садѡ́къ сы́нъ є҆гѡ̀, а҆хїмаа́съ сы́нъ є҆гѡ̀.

⁵⁴И҆ сїѧ҄ ѡ҆бита҄нїѧ и҆́хъ, по се́ламъ и҆́хъ и҆ въ предѣ́лѣхъ и҆́хъ, сынѡ́мъ а҆арѡ҄нимъ пле́мени каа́ѳовѹ, тѣ҄мъ бо бы́сть жре́бїй:

⁵⁵и҆ да́ша и҆̀мъ хеврѡ́нъ въ землѝ ї҆ѹ́динѣ и҆ подгра҄дїѧ є҆гѡ̀ ѡ҆́крестъ є҆гѡ̀:

⁵⁶и҆ се́ла гра́да и҆ вє́си є҆гѡ̀ да́ша хале́вѹ сы́нѹ ї҆ефонні́инѹ.

⁵⁷Сынѡ́мъ же а҆арѡ҄нимъ да́ша гра́ды ѹ҆бѣ́жищъ: хеврѡ́нъ и҆ подгра҄дїѧ є҆гѡ̀, и҆ ло́внѹ и҆ подгра҄дїѧ є҆ѧ̀, и҆ а҆ло́мъ и҆ ѡ҆крє́стнаѧ є҆гѡ̀,

⁵⁸и҆ кело́мъ и҆ ѡ҆крє́стнаѧ є҆гѡ̀, и҆ даві́ръ и҆ ѡ҆крє́стнаѧ є҆гѡ̀,

⁵⁹и҆ а҆са́нъ и҆ подгра҄дїѧ є҆гѡ̀, и҆ веѳсамѵ́съ и҆ подгра҄дїѧ є҆гѡ̀, и҆ веѳсѹ́ръ и҆ подгра҄дїѧ є҆гѡ̀:

⁶⁰ѿ колѣ́на же венїамі́нова гаваѡ́нъ и҆ подгра҄дїѧ є҆гѡ̀, и҆ є҆ламо́ѳъ и҆ подгра҄дїѧ є҆гѡ̀, и҆ є҆ламве́й и҆ подгра҄дїѧ є҆гѡ̀, и҆ а҆наѳѡ́ѳъ и҆ подгра҄дїѧ є҆гѡ̀: всѣ́хъ градѡ́въ и҆́хъ трина́десѧть, градѡ́въ по племенє́мъ и҆́хъ.

⁶¹И҆ сынѡ́мъ каа́ѳѡвымъ ѡ҆ста́вшымсѧ ѿ пле́мене ро́да, ѿ полѹпле́мене манассі́ина, да́ша по жре́бїю де́сѧть градѡ́въ.

⁶²И҆ сынѡ́мъ герсѡ҄нимъ по пле́менємъ и҆́хъ ѿ колѣ́на ї҆ссаха́рова и҆ ѿ колѣ́на а҆си́рова, и҆ ѿ колѣ́на нефѳалі́мова и҆ ѿ колѣ́на манассі́ина въ васа́нѣ, гра́ды трина́десѧть.

⁶³И҆ сынѡ́мъ мера҄рїнымъ по пле́менємъ и҆́хъ ѿ колѣ́на рѹви́мова и҆ ѿ колѣ́на га́дова и҆ ѿ колѣ́на завѹлѡ́нѧ да́ша по жре́бїю градѡ́въ двана́десѧть.

⁶⁴Да́ша же сы́нове ї҆и҃лєвы леѵі́тѡмъ гра́ды и҆ подгра҄дїѧ и҆́хъ.

⁶⁵Да́ша же по жре́бїю ѿ колѣ́на сынѡ́въ ї҆ѹ́диныхъ и҆ ѿ колѣ́на сынѡ́въ сѷмеѡ́нихъ и҆ ѿ колѣ́на сынѡ́въ венїамі́нихъ гра́ды сїѧ҄, и҆̀хже назва́ша и҆мены̀ (свои́ми).

⁶⁶И҆ ѿ племе́нъ сынѡ́въ каа́ѳовыхъ, и҆ бы́ша гра́ды предѣ́лѡвъ и҆́хъ ѿ колѣ́на є҆фре́мова:

⁶⁷и҆ да́ша и҆̀мъ гра́ды ѹ҆бѣ́жищъ: сѷхе́мъ съ подгра́дїѧми є҆гѡ̀ въ горѣ̀ є҆фре́мовѣ и҆ газе́ръ съ подгра́дїѧми є҆гѡ̀,

⁶⁸и҆ є҆кмаа́нъ съ подгра́дїѧми є҆гѡ̀, и҆ веѳѡрѡ́нъ и҆ подгра́дїе є҆гѡ̀,

⁶⁹и҆ є҆лѡ́нъ съ подгра́дїѧми є҆гѡ̀, и҆ геѳремѡ́нъ съ подгра́дїѧми є҆гѡ̀:

⁷⁰и҆ ѿ полови́ны колѣ́на манассі́ина а҆неи́ръ и҆ подгра҄дїѧ є҆гѡ̀, и҆ ї҆евлаа́мъ и҆ подгра҄днаѧ є҆гѡ̀, по пле́мени сынѡ́мъ каа́ѳѡвымъ ѡ҆ста́вшымсѧ.

⁷¹Сынѡ́мъ герсѡ҄нимъ ѿ ѻ҆те́чествъ полѹпле́мене манассі́ина гаѵлѡ́нъ ѿ васа́на и҆ подгра҄днаѧ є҆гѡ̀, и҆ а҆сирѡ́ѳъ съ подгра́дными є҆гѡ̀:

⁷²и҆ ѿ колѣ́на ї҆ссаха́рова кеде́съ съ подгра́дными є҆гѡ̀, и҆ нада́ръ съ подгра́дными є҆гѡ̀,

⁷³и҆ рамѡ́ѳъ и҆ подгра҄днаѧ є҆гѡ̀, и҆ є҆на́нъ съ подгра́дными є҆гѡ̀:

⁷⁴и҆ ѿ колѣ́на а҆си́рова масі́ю съ подгра́дными є҆гѡ̀, и҆ рамѡ́ѳъ и҆ подгра́дїе є҆гѡ̀,

⁷⁵и҆ а҆ка́къ и҆ подгра́дїе є҆гѡ̀, и҆ роѡ́въ съ подгра́дными є҆гѡ̀:

⁷⁶и҆ ѿ колѣ́на нефѳалі́млѧ ка́дисъ въ галїле́и и҆ подгра҄днаѧ є҆гѡ̀, и҆ хамѡ́ѳъ съ подгра́дными є҆гѡ̀, и҆ карїаѳаі́мъ и҆ подгра҄днаѧ є҆гѡ̀.

⁷⁷И҆ сынѡ́мъ мера҄рїнымъ ѡ҆ста́вшымсѧ ѿ колѣ́на завѹлѡ́нѧ реммѡ́нъ и҆ подгра҄днаѧ є҆гѡ̀, и҆ ѳавѡ́ръ съ подгра́дными є҆гѡ̀,

⁷⁸и҆ за ї҆ѻрда́номъ ї҆ерїхѡ́нъ проти́вѹ восто́ка ї҆ѻрда́нова: ѿ колѣ́на рѹви́мова восо́ръ въ пѹсты́ни съ подгра́дными є҆гѡ̀, и҆ є҆́сса съ подгра́дными є҆гѡ̀,

⁷⁹и҆ кадимѡ́ѳъ и҆ подгра҄днаѧ є҆гѡ̀, и҆ моаѱа́ѳъ съ подгра́дными є҆гѡ̀:

⁸⁰и҆ ѿ колѣ́на га́дова раммѡ́ѳъ галаа́дскїй и҆ подгра҄днаѧ є҆гѡ̀, и҆ наи́мъ съ подгра́дными є҆гѡ̀,

⁸¹и҆ є҆севѡ́нъ съ подгра́дными є҆гѡ̀, и҆ ї҆ази́ръ съ подгра́дными є҆гѡ̀.