Read Библия Церковнославянская а҃ паралипоме́нѡнъ 8 Bible Online

а҃ паралипоме́нѡнъ 8 - Библия Церковнославянская bible

а҃ паралипоме́нѡнъ 8

¹Венїамі́нъ же родѝ ва́лѹ пе́рвенца своего̀, и҆ а҆зви́ла втора́го, и҆ дїерѹ̀ тре́тїѧго,

²и҆ наѹи́ла четве́ртаго, и҆ ра́фѹ пѧ́таго.

³Бы́ша же сы́нове ва́лѣ: а҆ді́ръ, ги́ра и҆ а҆вїѹ́дъ,

⁴и҆ а҆вїсѹ́й и҆ ноама́нъ, и҆ а҆хі́а

⁵и҆ ги́ра, и҆ сефѹфа́мъ и҆ ѹ҆ра́мъ.

⁶Сі́и сы́нове а҆ѡ҄ди, сі́и сѹ́ть кнѧ҄зи племе́нъ ѡ҆бита́ющымъ въ гаваѝ, и҆̀хже пресели́ша въ манѹа́ѳъ:

⁷и҆ наама́нъ и҆ а҆хі́а, и҆ гира̀, то́йже ї҆глаа́мъ, и҆ (гира̀) родѝ а҆за́на и҆ нѹ́а.

⁸И҆ сеорі́мъ родѝ на по́ли мѡа́вли, повнегда̀ ѿпѹсти́ти є҆мѹ̀ ѡ҆сі́мѹ и҆ ваа́дѹ жєны̀ своѧ҄:

⁹роди́ же ѿ ва́лы жены̀ своеѧ̀ ї҆ѡва́ва и҆ самі́ю, и҆ мі́сѹ и҆ мелхо́ма,

¹⁰и҆ ї҆ѡа́са и҆ сехі́ю и҆ мармі́ю: сі́и сы́нове є҆гѡ̀ кнѧ҄зи ѻ҆те́чествъ:

¹¹ѿ ѡ҆сі́мы же родѝ а҆мїто́ва и҆ є҆лїфаа́да.

¹²Сы́нове же є҆лїфаа́дѡвы: є҆ве́ръ и҆ мїсоа́мъ и҆ самїи́лъ: то́й созда̀ а҆нѡ́нъ и҆ лодо́нъ и҆ вє́си и҆́хъ, є҆ѡ́дъ и҆ вє́си є҆гѡ̀:

¹³вері́а же и҆ сама̀. Сі́и кнѧ҄зи племенє́мъ живѹ́щимъ во є҆ла́мѣ, и҆ ті́и и҆згна́ша живѹ́щихъ въ ге́ѳѣ.

¹⁴И҆ бра́тїѧ и҆́хъ сѡси́лъ и҆ ї҆ерїмѡ́ѳъ,

¹⁵и҆ заваді́а и҆ ѡ҆ри́дъ, и҆ а҆ва́дъ

¹⁶и҆ мосолла́мъ, и҆ ї҆есфа̀ и҆ ї҆езі́а, сы́нове верї҄ины.

¹⁷И҆ заваді́а и҆ мосолла́мъ, и҆ а҆закї̀ и҆ а҆ве́ръ,

¹⁸и҆ ї҆ассі́й и҆ самарї̀, и҆ ї҆езелі́а и҆ ї҆ѡва́въ, сы́нове є҆лфаа҄ли.

¹⁹И҆ ї҆акі́мъ и҆ хезрі́й, и҆ завді́й

²⁰и҆ є҆лїѡина́й, и҆ салаѳі́й и҆ є҆лїи́лъ,

²¹и҆ а҆даі́а и҆ варе́а и҆ самара́ѳъ, сы́нове семє́ины.

²²И҆ ї҆есфа́нъ и҆ а҆ве́ръ, и҆ є҆леи́лъ (и҆ а҆дрі́а),

²³и҆ а҆вдѡ́нъ и҆ зехрі́й, и҆ а҆на́нъ

²⁴и҆ а҆на́нїа, и҆ ї҆ла́мъ и҆ а҆наѳаѳі́а,

²⁵и҆ ї҆ефаді́а и҆ фанѹи́лъ, сы́нове соси́кѡвы.

²⁶И҆ самоа́съ и҆ саре́а, и҆ є҆фні́а

²⁷и҆ ї҆арасі́а, и҆ и҆лі́а и҆ зехрі́а, сы́нове ї҆еромои҄мли.

²⁸Сі́и кнѧ҄зи ѻ҆те́чествъ по племенє́мъ и҆́хъ: нача҄лницы сі́и ѡ҆бита́ша во ї҆ер҇ли́мѣ.

²⁹Въ гаваѡ́нѣ же всели́сѧ ї҆еи́ль ѻ҆те́цъ гаваѡ́на и҆ и҆́мѧ женѣ̀ є҆гѡ̀ мааха̀:

³⁰сы́нъ же є҆гѡ̀ пе́рвенецъ а҆вдѡ́нъ, и҆ сѹ́ръ и҆ кі́съ, и҆ вае́лъ и҆ нада́въ, и҆ ни́ръ

³¹и҆ геддо́ръ и҆ а҆їѹ́й и҆ бра́тїѧ є҆гѡ̀, и҆ саѹ́ръ и҆ махело́дъ.

³²Махело́дъ же родѝ сама́а. Сі́и же ѡ҆бита́ша прѧ́мѡ бра́тїи свое́й во ї҆ер҇ли́мѣ съ бра́тїею свое́ю.

³³Ни́ръ же родѝ кі́са, и҆ кі́съ родѝ саѹ́ла, саѹ́лъ же родѝ ї҆ѡнаѳа́на и҆ мелхїсѹ́а, и҆ а҆мїнада́ва и҆ ї҆есваа́ла.

³⁴Сы́нъ же ї҆ѡнаѳа́новъ мемфїваа́лъ (и҆лѝ мемфївосѳе́й): и҆ мемфїваа́лъ родѝ мі́хѹ.

³⁵Сы́нове же мї҄хины: фїѳо́ѳъ и҆ малѡ́ѳъ, и҆ ѳаре́съ и҆ хаа́зъ.

³⁶Хаа́зъ же родѝ ї҆а́дѹ, ї҆а́да же родѝ салеме́ѳа и҆ а҆смѡ́ѳа и҆ замврі́а, замврі́й же родѝ месѹ̀,

³⁷меса́ же родѝ ваанѹ̀: рафе́а сы́нъ є҆гѡ̀, є҆ла́са сы́нъ є҆гѡ̀, а҆саи́лъ сы́нъ є҆гѡ̀.

³⁸А҆саи́лѹ же ше́сть сынѡ́въ, и҆ сїѧ҄ и҆мена̀ и҆́хъ: є҆зрїка́мъ пе́рвенецъ є҆гѡ̀, и҆ ї҆сма́илъ и҆ а҆за́рїа, и҆ а҆вді́а и҆ сараі́а и҆ а҆на́нъ: всѝ ті́и сы́нови а҆саи́лєвы.

³⁹Сы́нове же а҆се́на бра́та є҆гѡ̀: ѹ҆ла́мъ пе́рвенецъ є҆гѡ̀, и҆ ї҆есѹ́съ вторы́й, и҆ є҆лїфа́съ тре́тїй.

⁴⁰Бы́ша же сы́нове ѹ҆ла҄мли мѹ́жїе крѣ́пцы си́лою, напрѧза́юще лѹ́къ и҆ ѹ҆множа́юще сы́ны и҆ сы́ны сынѡ́въ, сто̀ пѧтьдесѧ́тъ. Всѝ сі́и ѿ сынѡ́въ венїамі́нихъ.