Read Библия Церковнославянская а҃ е҆́здры 2 Bible Online

а҃ е҆́здры 2 - Библия Церковнославянская bible

а҃ е҆́здры 2

¹Сі́и же сѹ́ть сы́нове страны̀, и҆̀же взыдо́ша ѿ плѣ́на преселе́нїѧ, и҆̀хже преселѝ навѹходоно́соръ ца́рь вавѷлѡ́нскїй въ вавѷлѡ́нъ: и҆ возврати́шасѧ во ї҆ер҇ли́мъ и҆ ї҆ѹде́ю кі́йждо мѹ́жъ во гра́дъ сво́й.

²И҆́же прїидо́ша съ зорова́велемъ: ї҆исѹ́съ, неемі́а, сараі́а, реелі́а, мардохе́й, валаса́нъ, масфа́ръ, вагѹ́й, реѹ́мъ, ваана̀. Сїѐ число̀ мѹжє́мъ люді́й ї҆и҃левыхъ:

³сы́нове фаре́сѡвы двѣ̀ ты́сѧщы сто̀ се́дмьдесѧтъ и҆ два̀,

⁴сы́нове сафаті́євы три́ста се́дмьдесѧтъ два̀,

⁵сы́нове а҆ре́сѡвы се́дмь сѡ́тъ се́дмьдесѧтъ пѧ́ть,

⁶сы́нове фаа́ѳъ-мѡа҄вли ѿ сынѡ́въ ї҆исѹ́евѹхъ и҆ ї҆ѡа́влихъ двѣ̀ ты́сѧщы ѻ҆́смь сѡ́тъ двана́десѧть,

⁷сы́нове є҆ла҄мли ты́сѧща двѣ́сти пѧтьдесѧ́тъ четы́ри,

⁸сы́нове заѳѹ́євы де́вѧть сѡ́тъ четы́редесѧть пѧ́ть,

⁹сы́нове закха҄ни се́дмь сѡ́тъ шестьдесѧ́тъ,

¹⁰сы́нове ванѹ́євы ше́сть сѡ́тъ четы́редесѧть два̀,

¹¹сы́нове вава́євы ше́сть сѡ́тъ два́десѧть трѝ,

¹²сы́нове а҆вга́дѡвы ты́сѧща двѣ́сти два́десѧть два̀,

¹³сы́нове а҆дѡнїка́мѡвы ше́сть сѡ́тъ шестьдесѧ́тъ ше́сть,

¹⁴сы́нове вагѹ́євы двѣ̀ ты́сѧщы пѧтьдесѧ́тъ ше́сть,

¹⁵сы́нове а҆́дины четы́риста пѧтьдесѧ́тъ четы́ри,

¹⁶сы́нове а҆ти́рѡвы, и҆̀же бѧ́хѹ ѿ є҆зекі́и, де́вѧтьдесѧтъ ѻ҆́смь,

¹⁷сы́нове вассѹ́євы три́ста два́десѧть трѝ,

¹⁸сы́нове ї҆ѡра́вѡвы сто̀ двана́десѧть,

¹⁹сы́нове а҆сѹ҄мли двѣ́сти два́десѧть трѝ,

²⁰сы́нове гаве́рѡвы де́вѧтьдесѧтъ пѧ́ть,

²¹сы́нове веѳлає́мли сто̀ два́десѧть трѝ,

²²сы́нове нетѡфа́євы пѧтьдесѧ́тъ ше́сть,

²³сы́нове а҆наѳѡ́ѳѡвы сто̀ два́десѧть ѻ҆́смь,

²⁴сы́нове а҆змѡ́ѳѡвы четы́редесѧть трѝ,

²⁵сы́нове карїаѳїарї҄мли, хафїра̀ и҆ вирѡ́ѳъ, се́дмь сѡ́тъ четы́редесѧть трѝ,

²⁶сы́нове ѿ ра́мы и҆ гаваѝ ше́сть сѡ́тъ два́десѧть є҆ди́нъ,

²⁷мѹже́й махма́скихъ сто̀ два́десѧть два̀,

²⁸мѹже́й веѳи́лскихъ и҆ га́йскихъ четы́реста два́десѧть трѝ,

²⁹сы́нове ѿ навы̀ пѧтьдесѧ́тъ два̀,

³⁰сы́нове магеві́сѡвы сто̀ пѧтьдесѧ́тъ ше́сть,

³¹сы́нове и҆лама́рѡвы ты́сѧща двѣ́сти пѧтьдесѧ́тъ четы́ри,

³²сы́нове и҆ра҄мли три́ста два́десѧть,

³³сы́нове лѷддѡ́нѡвы, лодаді́дѡвы и҆ ѡ҆́нѡвы се́дмь сѡ́тъ два́десѧть пѧ́ть,

³⁴сы́нове ї҆ерїхѡ҄ни три́ста четы́редесѧть пѧ́ть,

³⁵сы́нове сеннаа́євы трѝ ты́сѧщы ше́сть сѡ́тъ три́десѧть.

³⁶Свѧще́нницы же: сы́нове ї҆едѹ́євы въ домѹ̀ ї҆исѹ́евѣ де́вѧть сѡ́тъ се́дмьдесѧтъ трѝ,

³⁷сы́нове є҆мми́рѡвы ты́сѧща пѧтьдесѧ́тъ два̀,

³⁸сы́нове фассѹ́рѡвы ты́сѧща двѣ́сти четы́редесѧть се́дмь,

³⁹сы́нове и҆рє́мли ты́сѧща седмьна́десѧть.

⁴⁰Леѵі́ти же сы́нове ї҆исѹ́євы и҆ кадмїи҄ли ѿ сынѡ́въ ѡ҆дѹі́евыхъ се́дмьдесѧтъ четы́ри.

⁴¹Пѣвцы́ же сы́нове а҆са́фѡвы сто̀ два́десѧть ѻ҆́смь.

⁴²Сы́нове две́рникѡвъ: сы́нове селлѹ҄мли, сы́нове а҆ти́рѡы, сы́нове телмѡ́нѡвы, сы́нове а҆кѹ́вѡвы, сы́нове а҆ті́тѡвы, сы́нове сѡваі́євы, всѣ́хъ сто̀ три́десѧть де́вѧть.

⁴³Наѳїне́є: сы́нове сѹа҄вли, сы́нове сѹфа́тѡвы, сы́нове тавваѡ҄ѳли,

⁴⁴сы́нове кира́сѡвы, сы́нове сїрса҄вли, сы́нове фадѡ҄нины,

⁴⁵сы́нове лава́нѡвы, сы́нове а҆га́вѡвы, сы́нове а҆кѹ́вѡвы,

⁴⁶сы́нове а҆га́вѡвы, сы́нове селамї҄ины, сы́нове а҆на́нѡвы,

⁴⁷сы́нове гедди҄лины, сы́нове гаа́рѡвы, сы́нове раїа́євы,

⁴⁸сы́нове расѡ́нѡвы, сы́нове некѡ́дѡвы, сы́нове газє́мли,

⁴⁹сы́нове а҆зѡ́кѡвы, сы́нове фасі́євы, сы́нове расї҄ины,

⁵⁰сы́нове а҆сена́євы, сы́нове мѹнни́нѡвы, сы́нове нефѹсї҄мли,

⁵¹сы́нове ваквѹ́кѡвы, сы́нове а҆кѹфа́євы, сы́нове а҆нѹ́рѡвы,

⁵²сы́нове васалѡ́ѳѡвы, сы́нове мїда́нѡвы, сы́нове а҆рса́нѡвы,

⁵³сы́нове варко́сѡвы, сы́нове сїса҄рины, сы́нове ѳема҄вли,

⁵⁴сы́нове наѳі́євы, сы́нове а҆ті́фѡвы.

⁵⁵Сы́нове слѹ́гъ соломѡ́новыхъ: сы́нове сѡта́євы, сы́нове сефи҄рины, сы́нове фадѹ́рѡвы,

⁵⁶сы́нове ї҆еала́євы, сы́нове деркѡ́нѡвы, сы́нове гедди҄лины,

⁵⁷сы́нове сафаті́євы, сы́нове а҆тті́лєвы, сы́нове фахера́ѳѡвы, сы́нове а҆севѡї҄мли, сы́нове и҆ме́євы:

⁵⁸всѝ наѳані́мѡвы и҆ сы́нове слѹ́гъ соломѡ́новыхъ три́ста де́вѧтьдесѧтъ два̀.

⁵⁹И҆ сі́и, и҆̀же восхожда́хѹ ѿ ѳелмеле́ха, ѳелариса̀, херѹ́въ, и҆да́нъ, є҆мми́ръ, и҆ не мого́ша сказа́ти до́мѹ ѻ҆те́чества своегѡ̀ и҆ сѣ́мене своегѡ̀, ѿ ї҆и҃лѧ ли бы́ша:

⁶⁰сы́нове далаі́євы, сы́нове тѡві́євы, сы́нове некѡда́євы, ше́сть сѡ́тъ пѧтьдесѧ́тъ два̀:

⁶¹и҆ ѿ сынѡ́въ свѧще́нническихъ сы́нове ѻ҆ваі́євы, сы́нове а҆ккѹ́сѡвы, сы́нове верзелла́євы, и҆́же поѧ̀ ѿ дще́рей верзелла́а галааді́тина женѹ̀ и҆ нарече́сѧ и҆́менемъ и҆́хъ:

⁶²ті́и и҆ска́ша писа́нїѧ ро́дѹ своемѹ̀ и҆ не ѡ҆брѣто́ша, и҆ и҆згна́ни сѹ́ть ѿ свѧще́нства.

⁶³И҆ речѐ а҆ѳерсаѳа̀ и҆̀мъ, да не ѩ҆дѧ́тъ ѿ ст҃а́гѡ ст҃ы́хъ, до́ндеже воста́нетъ свѧще́нникъ со и҆з̾ѧвле́нїемъ и҆ и҆́стиною.

⁶⁴Все́ же мно́жество кѹ́пнѡ ѩ҆́кѡ четы́ри тмы҄ двѣ̀ ты́сѧщы три́ста шестьдесѧ́тъ,

⁶⁵кромѣ̀ рабѡ́въ и҆́хъ и҆ рабы́нь и҆́хъ, си́хъ се́дмь ты́сѧщъ три́ста три́десѧть се́дмь: и҆ сі́и пѣвцы̀ и҆ пѣвни҄цы двѣ́сти.

⁶⁶Ко́ней и҆́хъ се́дмь сѡ́тъ три́десѧть ше́сть, мскѡ́въ и҆́хъ двѣ́сти четы́редесѧть пѧ́ть,

⁶⁷велблю́дѡвъ и҆́хъ четы́реста три́десѧть пѧ́ть, ѻ҆слѡ́въ и҆́хъ ше́сть ты́сѧщъ се́дмь сѡ́тъ два́десѧть.

⁶⁸И҆ ѿ кнѧзе́й ѻ҆те́чествъ, є҆гда̀ вхожда́хѹ ті́и въ це́рковь гд҇ню, ѩ҆́же во ї҆ер҇ли́мѣ, доброво́льнѡ принесо́ша въ до́мъ бж҃їй, поста́вити є҆го̀ на ѡ҆снова́нїи є҆гѡ̀:

⁶⁹по си́лѣ свое́й да́ша въ росхо́дъ дѣ́ла, зла́та дра́хмъ шестьдесѧ́тъ ты́сѧщъ и҆ ты́сѧщѹ, и҆ сребра̀ мна҄съ пѧ́ть ты́сѧщъ, и҆ ѡ҆дѣѧ́нїй свѧще́нническихъ сто̀.

⁷⁰И҆ сѣдо́ша свѧще́нницы и҆ леѵі́ти, и҆ и҆̀же ѿ люді́й, и҆ пѣвцы̀ и҆ двє́рницы и҆ наѳїні́млѧне во градѣ́хъ свои́хъ, и҆ ве́сь ї҆и҃ль во градѣ́хъ свои́хъ.