Read Библия Церковнославянская Тѡві́т 2 Bible Online

Тѡві́т 2 - Библия Церковнославянская bible

Тѡві́т 2

¹Е҆гда́ же прїидо́хъ въ до́мъ мо́й, и҆ ѿдана̀ бы́сть мнѣ̀ а҆́нна жена̀ моѧ̀ и҆ тѡві́а сы́нъ мо́й, въ пра́здникъ пѧтьдесѧ́тницы, и҆̀же є҆́сть ст҃ъ се́дмь седми́цъ, бы́сть ѡ҆бѣ́дъ до́бръ мнѣ̀, и҆ возлего́хъ, є҆́же ѩ҆́сти.

²И҆ ѹ҆зрѣ́хъ снѣ҄ди мнѡ́ги и҆ рѣ́хъ сы́нѹ моемѹ̀: и҆ди́ и҆ приведѝ, є҆го́же а҆́ще ѡ҆брѧ́щеши ѿ бра́тїи на́шеѧ ни́щаго, и҆́же по́мнитъ гд҇а, и҆ сѐ, ѡ҆жида́ю тебѐ.

³И҆ прише́дъ речѐ: ѻ҆́тче, є҆ди́нъ ѿ ро́да на́шегѡ ѹ҆давле́нъ пове́рженъ є҆́сть на то́ржищи.

⁴И҆ а҆́зъ, пре́жде не́же вкѹси́ти мѝ, взѧ́хъ є҆го̀ въ нѣ́кїй до́мъ, доне́лѣже за́йде со́лнце:

⁵и҆ возврати́всѧ ѹ҆мы́хсѧ и҆ ѩ҆до́хъ хлѣ́бъ мо́й въ ско́рби,

⁶и҆ помѧнѹ́хъ пр?о҇ро́чество а҆мѡ́са, ѩ҆́коже речѐ: ѡ҆братѧ́тсѧ дні́е ва́ши въ пла́чь, и҆ всѧ҄ весє́лїѧ ва҄ша въ сѣ́тованїе:

⁷и҆ пла́кахсѧ: и҆ є҆гда̀ за́йде со́лнце, поидо́хъ и҆ и҆скопа́въ погребо́хъ є҆го̀.

⁸Бли́жнїи же посмѣва́хѹсѧ, глаго́люще: є҆щѐ не бои́тсѧ ѹ҆бїе́нъ бы́ти за дѣ́ло сїѐ: и҆ бѣжа̀, и҆ сѐ, па́ки погреба́етъ мє́ртвыѧ.

⁹И҆ въ тѹ̀ но́щь, є҆гда̀ погребо́хъ, возврати́хсѧ и҆ лего́хъ ѡ҆́скверне́нъ при стѣнѣ̀ двора̀, и҆ лицѐ моѐ ѿкрове́но бѣ̀:

¹⁰не ви́дѣхъ же, ѩ҆́кѡ вра҄бїѧ на стѣнѣ̀ сѹ́ть, и҆ ѻ҆чесе́мъ мои҄мъ ѿвє́рстымъ сѹ́щымъ, и҆спѹсти́ша вра҄бїѧ те́плое на ѻ҆чеса̀ моѧ҄, и҆ бы́ша бѣ́льма на ѻ҆чесѣ́хъ мои́хъ: и҆ и҆до́хъ ко врачє́мъ и҆ не по́льзоваша мѧ̀: а҆хїа́харъ же пита́ше мѧ̀, до́ндеже ѿидо́хъ во є҆лѷмаі́дѹ.

¹¹А҆ жена̀ моѧ̀ а҆́нна во́лнѹ прѧдѧ́ше въ домѣ́хъ же́нскихъ

¹²и҆ посыла́ше госпо́дїємъ: даѧ́хѹ же є҆́й и҆ ѻ҆нѝ мздѹ̀, прида́вше и҆ козлѧ̀.

¹³Е҆гда́ же прїи́де ко мнѣ̀, нача̀ вопи́ти: и҆ рѣ́хъ є҆́й: ѿкѹ́дѹ козлѧ̀; не ѹ҆кра́дено ли є҆́сть; ѿда́ждь є҆̀ госпо́дїємъ: не бо̀ лѣ́по є҆́сть ѩ҆́сти кра́деное.

¹⁴Ѻ҆на́ же речѐ: да́ръ даде́сѧ мѝ над̾ мздѹ̀. И҆ не вѣ́ровахъ є҆́й и҆ глаго̀лахъ ѿда́ти є҆̀ госпо́дїємъ, и҆ стыдѧ́хсѧ пред̾ не́ю. Ѻ҆на́ же ѿвѣща́вши речѐ мѝ: гдѣ̀ сѹ́ть ми́лѡстыни твоѧ҄ и҆ пра҄вды твоѧ҄; сѐ, вѣ́дѡма всѧ҄ съ тобо́ю.