Read Библия Церковнославянская Тѡві́т 9 Bible Online

Тѡві́т 9 - Библия Церковнославянская bible

Тѡві́т 9

¹И҆ призва̀ тѡві́а рафаи́ла и҆ рече́ є҆мѹ̀:

²а҆зарі́а бра́те возмѝ съ собо́ю ѻ҆́трока и҆ два̀ велблю҄да, и҆ пойдѝ въ ра҄ги мидї҄искїѧ ко гаваи́лѹ, и҆ принесѝ мѝ сребро̀, и҆ самого̀ приведѝ мѝ на бра́къ,

³поне́же заклѧ̀ рагѹи́лъ не и҆сходи́ти мѝ,

⁴а҆ ѻ҆те́цъ мо́й сочислѧ́етъ дни҄, и҆ а҆́ще преме́длю мно́гѡ, скорбѣ́ти бѹ́детъ ѕѣлѡ̀.

⁵И҆ и҆́де рафаи́лъ, и҆ пребы́сть ѹ҆ гаваи́ла, и҆ дадѐ є҆мѹ̀ рѹкописа́нїе: ѻ҆́нъ же и҆знесѐ мѣшцы̀ съ печа́тьми и҆ вдадѐ є҆мѹ̀.

⁶И҆ ѡ҆бѹ́треневаста кѹ́пнѡ и҆ прїидо́ста на бра́къ. И҆ благословѝ тѡві́а женѹ̀ свою̀.