Read Библия Церковнославянская Ѱалти́рь 10 Bible Online

Ѱалти́рь 10 - Библия Церковнославянская bible

Ѱалти́рь 10

¹На гд҇а ѹ҆пова́хъ, ка́кѡ рече́те дѹшѝ мое́й: превита́й по гора́мъ, ѩ҆́кѡ пти́ца;

²ѩ҆́кѡ сѐ, грѣ҄шницы налѧко́ша лѹ́къ, ѹ҆гото́ваша стрѣ́лы въ тѹ́лѣ, сострѣлѧ́ти во мра́цѣ пра҄выѧ се́рдцемъ.

³Занѐ ѩ҆̀же ты̀ соверши́лъ є҆сѝ, ѻ҆нѝ разрѹши́ша: првдникъ же что̀ сотворѝ;

⁴Гд҇ь во хра́мѣ ст҃ѣ́мъ свое́мъ. Гд҇ь, на нб҃сѝ пр҇то́лъ є҆гѡ̀: ѻ҆́чи є҆гѡ̀ на ни́щаго призира́етѣ, вѣ҄жди є҆гѡ̀ и҆спыта́етѣ сы́ны человѣ́чєскїѧ.

⁵Гд҇ь и҆спыта́етъ првднаго и҆ нечести́ваго: любѧ́й же непра́вдѹ ненави́дитъ свою̀ дѹ́шѹ.

⁶Ѡ҆дожди́тъ на грѣ́шники сѣ҄ти: ѻ҆́гнь и҆ жѹ́пелъ, и҆ дѹ́хъ бѹ́ренъ ча́сть ча́ши и҆́хъ.

⁷ѩ҆́кѡ првднъ гд҇ь и҆ пра҄вды возлюбѝ: правѡты҄ ви́дѣ лицѐ є҆гѡ̀.