Read Библия Церковнославянская Ѱалти́рь 101 Bible Online

Ѱалти́рь 101 - Библия Церковнославянская bible

Ѱалти́рь 101

¹Моли́тва ни́щагѡ, є҆гда̀ ѹ҆ны́етъ и҆ пред̾ гд҇емъ пролїе́тъ моле́нїе своѐ,

²Гд҇и, ѹ҆слы́ши моли́твѹ мою̀, и҆ во́пль мо́й къ тебѣ̀ да прїи́детъ.

³Не ѿвратѝ лица̀ твоегѡ̀ ѿ менє̀: въ ѻ҆́ньже а҆́ще де́нь скорблю̀, приклонѝ ко мнѣ̀ ѹ҆́хо твоѐ: въ ѻ҆́ньже а҆́ще де́нь призовѹ́ тѧ, ско́рѡ ѹ҆слы́ши мѧ̀.

⁴ѩ҆́кѡ и҆зчезо́ша ѩ҆́кѡ ды́мъ дні́е моѝ, и҆ кѡ́сти моѧ҄ ѩ҆́кѡ сѹши́ло сосхо́шасѧ.

⁵Ѹ҆ѧ́звленъ бы́хъ ѩ҆́кѡ трава̀, и҆ и҆́зсше се́рдце моѐ, ѩ҆́кѡ забы́хъ снѣ́сти хлѣ́бъ мо́й.

⁶Ѿ гла́са воздыха́нїѧ моегѡ̀ прильпѐ ко́сть моѧ̀ пло́ти мое́й.

⁷Ѹ҆подо́бихсѧ неѧ́сыти пѹсты́ннѣй, бы́хъ ѩ҆́кѡ нощны́й вра́нъ на ны́рищи {на разва́линѣ}.

⁸Бдѣ́хъ и҆ бы́хъ ѩа́етъ и҆ вразѹмлѧ́етъ младе́нцы.

⁹Ѹ҆ста̀ моѧ҄ ѿверзо́хъ и҆ привлеко́хъ дѹ́хъ, ꙗ҆́кѡ за́повѣдїй твои́хъ жела́хъ.

¹⁰При́зри на мѧ̀ и҆ поми́лѹй мѧ̀, по сѹдѹ̀ лю́бѧщихъ иӑѩ҆́кѡ хлѣ́бъ ѩ҆дѧ́хъ и҆ питїѐ моѐ съ пла́чемъ растворѧ́хъ,

¹¹ѿ лица̀ гнѣ́ва твоегѡ̀ и҆ ѩ҆́рости твоеѧ̀: ѩ҆́кѡ возне́съ низве́рглъ мѧ̀ є҆сѝ.

¹²Дні́е моѝ ѩ҆́кѡ сѣ́нь ѹ҆клони́шасѧ, и҆ а҆́зъ ѩ҆́кѡ сѣ́нѡ и҆зсхо́хъ.

¹³Ты́ же, гд҇и, во вѣ́къ пребыва́еши, и҆ па́мѧть твоѧ̀ въ ро́дъ и҆ ро́дъ.

¹⁴Ты̀ воскр҃съ ѹ҆ще́дриши сїѡ́на: ѩ҆́кѡ вре́мѧ ѹ҆ще́дрити є҆го̀, ѩ҆́кѡ прїи́де вре́мѧ.

¹⁵ѩ҆́кѡ благоволи́ша рабѝ твоѝ ка́менїе {ѡ҆ ка́менїи} є҆гѡ̀, и҆ пе́рсть є҆гѡ̀ ѹ҆ще́дрѧтъ.

¹⁶И҆ ѹ҆боѧ́тсѧ ѩ҆зы́цы и҆́мене гд҇нѧ, и҆ всѝ ца́рїе зе́мстїи сла́вы твоеѧ̀:

¹⁷ѩ҆́кѡ сози́ждетъ гд҇ь сїѡ́на и҆ ѩ҆ви́тсѧ во сла́вѣ свое́й.

¹⁸Призрѣ̀ на моли́твѹ смире́нныхъ и҆ не ѹ҆ничижѝ моле́нїѧ и҆́хъ.

¹⁹Да напи́шетсѧ сїѐ въ ро́дъ и҆́нъ, и҆ лю́дїе зи́ждемїи восхва́лѧтъ гд҇а:

²⁰ѩ҆́кѡ прини́че съ высоты̀ ст҃ы́ѧ своеѧ̀, гд҇ь съ нб҃сѐ на зе́млю призрѣ̀,

²¹ѹ҆слы́шати воздыха́нїе ѡ҆кова́нныхъ, разрѣши́ти сы́ны ѹ҆мерщвле́нныхъ:

²²возвѣсти́ти въ сїѡ́нѣ и҆́мѧ гд҇не и҆ хвалѹ̀ є҆гѡ̀ во ї҆ер҇ли́мѣ,

²³внегда̀ собра́тисѧ лю́демъ вкѹ́пѣ и҆ царє́мъ, є҆́же рабо́тати гд҇еви.

²⁴Ѿвѣща̀ є҆мѹ̀ на пѹтѝ крѣ́пости є҆гѡ̀: ѹ҆мале́нїе дні́й мои́хъ возвѣсти́ ми:

²⁵не возведѝ менѐ во преполове́нїе дні́й мои́хъ: въ ро́дѣ родѡ́въ лѣ҄та твоѧ҄.

²⁶Въ нача́лѣхъ ты̀, гд҇и, зе́млю ѡ҆снова́лъ є҆сѝ, и҆ дѣла̀ рѹкѹ̀ твоє́ю сѹ́ть небеса̀.

²⁷Та҄ поги́бнѹтъ, ты́ же пребыва́еши: и҆ всѧ҄ ѩ҆́кѡ ри́за ѡ҆бетша́ютъ, и҆ ѩ҆́кѡ ѻ҆де́ждѹ свїе́ши ѧ҆̀, и҆ и҆змѣнѧ́тсѧ.

²⁸Ты́ же то́йжде є҆сѝ, и҆ лѣ҄та твоѧ҄ не ѡ҆скѹдѣ́ютъ.

²⁹Сы́нове ра҄бъ твои́хъ вселѧ́тсѧ, и҆ сѣ́мѧ и҆́хъ во вѣ́къ и҆спра́витсѧ.