Read Библия Церковнославянская Ѱалти́рь 11 Bible Online

Ѱалти́рь 11 - Библия Церковнославянская bible

Ѱалти́рь 11

¹Въ коне́цъ, ѡ҆ ѻ҆смѣ́й, ѱало́мъ дв҃дѹ,

²Сп҃си́ мѧ, гд҇и, ѩ҆́кѡ ѡ҆скѹдѣ̀ прпдбный: ѩ҆́кѡ ѹ҆ма́лишасѧ и҆́стины ѿ сынѡ́въ человѣ́ческихъ.

³Сѹ́єтнаѧ глаго́ла кі́йждо ко и҆́скреннемѹ своемѹ̀: ѹ҆стнѣ̀ льсти҄выѧ въ се́рдцы, и҆ въ се́рдцы глаго́лаша ѕла҄ѧ.

⁴Потреби́тъ гд҇ь всѧ҄ ѹ҆стны̀ льсти҄выѧ, ѧ҆зы́къ велерѣ́чивый,

⁵ре́кшыѧ: ѧ҆зы́къ на́шъ возвели́чимъ, ѹ҆стны̀ на҄ша при на́съ сѹ́ть: кто̀ на́мъ гд҇ь є҆́сть;

⁶Стра́сти ра́ди ни́щихъ и҆ воздыха́нїѧ ѹ҆бо́гихъ нн҃ѣ воскр҇нѹ̀, гл҃етъ гд҇ь: положѹ́сѧ во сп҇нїе, не ѡ҆биню́сѧ ѡ҆ не́мъ.

⁷Словеса̀ гд҇нѧ словеса̀ чи҄ста, сребро̀ разжже́но, и҆скѹше́но землѝ, ѡ҆чище́но седмери́цею.

⁸Ты̀, гд҇и, сохрани́ши ны̀ и҆ соблюде́ши ны̀ ѿ ро́да сегѡ̀ и҆ во вѣ́къ.

⁹Ѡ҆́крестъ нечести́вїи хо́дѧтъ: по высотѣ̀ твое́й ѹ҆мно́жилъ є҆сѝ сы́ны человѣ́чєскїѧ.