Read Библия Церковнославянская Ѱалти́рь 112 Bible Online

Ѱалти́рь 112 - Библия Церковнославянская bible

Ѱалти́рь 112

¹ Хвали́те, ѻ҆́троцы, гд҇а, хвали́те и҆́мѧ гд҇не.

²Бѹ́ди и҆́мѧ гд҇не бл҃гослове́но ѿнн҃ѣ и҆ до вѣ́ка.

³Ѿ востѡ́къ со́лнца до за҄падъ хва́льно и҆́мѧ гд҇не.

⁴Высо́къ над̾ всѣ́ми ѩ҆зы҄ки гд҇ь: над̾ нб҃сы̀ сла́ва є҆гѡ̀.

⁵Кто̀ ѩ҆́кѡ гд҇ь бг҃ъ на́шъ; на высо́кихъ живы́й,

⁶и҆ на смирє́нныѧ призира́ѧй на нб҃сѝ и҆ на землѝ:

⁷воздвиза́ѧй ѿ землѝ ни́ща, и҆ ѿ гно́ища возвыша́ѧй ѹ҆бо́га:

⁸посади́ти є҆го̀ съ кнѧ҄зи, съ кнѧ҄зи люді́й свои́хъ:

⁹вселѧ́ѧ непло́довь въ до́мъ, ма́терь ѡ҆ ча́дѣхъ веселѧ́щѹсѧ.