Read Библия Церковнославянская Ѱалти́рь 115 Bible Online

Ѱалти́рь 115 - Библия Церковнославянская bible

Ѱалти́рь 115

¹ Вѣ́ровахъ, тѣ́мже возглаго́лахъ: а҆́зъ же смири́хсѧ ѕѣлѡ̀.

²А҆́зъ же рѣ́хъ во и҆зстѹпле́нїи мое́мъ: всѧ́къ человѣ́къ ло́жъ.

³Что̀ возда́мъ гд҇еви ѡ҆ всѣ́хъ, ѩ҆̀же воздаде́ ми;

⁴Ча́шѹ сп҇нїѧ прїимѹ̀ и҆ и҆́мѧ гд҇не призовѹ̀:

⁵моли҄твы моѧ҄ гд҇еви возда́мъ пред̾ всѣ́ми людьмѝ є҆гѡ̀.

⁶Чт҇на̀ пред̾ гд҇емъ сме́рть прпдбныхъ є҆гѡ̀.

⁷Ѽ, гд҇и, а҆́зъ ра́бъ тво́й, а҆́зъ ра́бъ тво́й и҆ сы́нъ рабы́ни твоеѧ̀: растерза́лъ є҆сѝ ѹ҆́зы моѧ҄.

⁸Тебѣ̀ пожрѹ̀ же́ртвѹ хвалы̀, и҆ во и҆́мѧ гд҇не призовѹ̀.

⁹Моли҄твы моѧ҄ гд҇еви возда́мъ пред̾ всѣ́ми людьмѝ є҆гѡ̀,

¹⁰во дво́рѣхъ до́мѹ гд҇нѧ, посредѣ̀ тебє̀, ї҆ер҇ли́ме.