Read Библия Церковнославянская Ѱалти́рь 121 Bible Online

Ѱалти́рь 121 - Библия Церковнославянская bible

Ѱалти́рь 121

¹ Возвесели́хсѧ ѡ҆ ре́кшихъ мнѣ̀: въ до́мъ гд҇ень по́йдемъ.

²Стоѧ́ще бѧ́хѹ но́ги на́шѧ во дво́рѣхъ твои́хъ, ї҆ер҇ли́ме.

³Ї҆ер҇ли́мъ зи́ждемый ѩ҆́кѡ гра́дъ, є҆мѹ́же прича́стїе є҆гѡ̀ вкѹ́пѣ.

⁴Та́мѡ бо взыдо́ша кѡлѣ́на, кѡлѣ́на гд҇нѧ, свидѣ́нїе ї҆и҃лево, и҆сповѣ́датисѧ и҆́мени гд҇ню:

⁵ѩ҆́кѡ та́мѡ сѣдо́ша престо́ли на сѹ́дъ, престо́ли въ домѹ̀ дв҃довѣ.

⁶Вопроси́те же ѩ҆̀же ѡ҆ ми́рѣ ї҆ер҇ли́ма: и҆ ѻ҆би́лїе лю́бѧщымъ тѧ̀.

⁷Бѹ́ди же ми́ръ въ си́лѣ твое́й, и҆ ѻ҆би́лїе въ столпостѣна́хъ твои́хъ.

⁸Ра́ди бра́тїй мои́хъ и҆ бли́жнихъ мои́хъ глаго́лахъ ѹ҆́бѡ ми́ръ ѡ҆ тебѣ̀.

⁹До́мѹ ра́ди гд҇а бг҃а на́шегѡ взыска́хъ бл҃га҄ѧ тебѣ̀.