Read Библия Церковнославянская Ѱалти́рь 123 Bible Online

Ѱалти́рь 123 - Библия Церковнославянская bible

Ѱалти́рь 123

¹ ѩ҆́кѡ а҆́ще не гд҇ь бы бы́лъ въ на́съ, да рече́тъ ѹ҆́бѡ ї҆и҃ль:

²ѩ҆́кѡ а҆́ще не гд҇ь бы бы́лъ въ на́съ, внегда̀ воста́ти человѣ́кѡмъ на ны̀, ѹ҆̀бо живы́хъ поже́рли бы́ша на́съ:

³внегда̀ прогнѣ́ватисѧ ѩ҆́рости и҆́хъ на ны̀, ѹ҆̀бо вода̀ потопи́ла бы на́съ.

⁴Пото́къ пре́йде дѹша̀ на́ша:

⁵ѹ҆̀бо пре́йде дѹша̀ на́ша во́дѹ непостоѧ́ннѹю.

⁶Блг҇ве́нъ гд҇ь, и҆́же не дадѐ на́съ въ лови́твѹ зѹбѡ́мъ и҆́хъ.

⁷Дѹша̀ на́ша ѩ҆́кѡ пти́ца и҆зба́висѧ ѿ сѣ́ти ловѧ́щихъ: сѣ́ть сокрѹши́сѧ, и҆ мы̀ и҆зба́влени бы́хомъ.

⁸По́мощь на́ша во и҆́мѧ гд҇а, сотво́ршагѡ не́бо и҆ зе́млю.