Read Библия Церковнославянская Ѱалти́рь 127 Bible Online

Ѱалти́рь 127 - Библия Церковнославянская bible

Ѱалти́рь 127

¹ Бл҃же́ни всѝ боѧ́щїисѧ гд҇а, ходѧ́щїи въ пѹте́хъ є҆гѡ̀:

²трѹды̀ плодѡ́въ {рѹ́къ} твои́хъ снѣ́си: бл҃же́нъ є҆сѝ, и҆ добро̀ тебѣ̀ бѹ́детъ.

³Жена̀ твоѧ̀ ѩ҆́кѡ лоза̀ плодови́та въ страна́хъ до́мѹ твоегѡ̀:

⁴сы́нове твоѝ ѩ҆́кѡ новосаждє́нїѧ ма҄сличнаѧ ѡ҆́крестъ трапе́зы твоеѧ̀.

⁵Сѐ, та́кѡ бл҃гослови́тсѧ человѣ́къ боѧ́йсѧ гд҇а.

⁶Блг҇ви́тъ тѧ̀ гд҇ь ѿ сїѡ́на, и҆ ѹ҆́зриши бл҃га҄ѧ ї҆ер҇ли́ма всѧ҄ дни҄ живота̀ твоегѡ̀,

⁷и҆ ѹ҆́зриши сы́ны сынѡ́въ твои́хъ: ми́ръ на ї҆и҃лѧ.