Read Библия Церковнославянская Ѱалти́рь 141 Bible Online

Ѱалти́рь 141 - Библия Церковнославянская bible

Ѱалти́рь 141

¹Ра́зѹма дв҃дѹ, внегда̀ бы́ти є҆мѹ̀ въ верте́пѣ молѧ́щемѹсѧ,

²Гла́сомъ мои́мъ ко гд҇ѹ воззва́хъ, гла́сомъ мои́мъ ко гд҇ѹ помоли́хсѧ.

³Пролїю̀ пред̾ ни́мъ моле́нїе моѐ, печа́ль мою̀ пред̾ ни́мъ возвѣщѹ̀.

⁴Внегда̀ и҆зчеза́ти ѿ менє̀ дѹ́хѹ моемѹ̀, и҆ ты̀ позна́лъ є҆сѝ стєзѝ моѧ҄: на пѹтѝ се́мъ, по немѹ́же хожда́хъ, скры́ша сѣ́ть мнѣ̀.

⁵Сматрѧ́хъ ѡ҆деснѹ́ю и҆ возглѧ́дахъ, и҆ не бѣ̀ зна́ѧй менѐ: поги́бе бѣ́гство ѿ менє̀, и҆ нѣ́сть взыска́ѧй дѹ́шѹ мою̀.

⁶Воззва́хъ къ тебѣ̀, гд҇и, рѣ́хъ: ты̀ є҆сѝ ѹ҆пова́нїе моѐ, ча́сть моѧ̀ є҆сѝ на землѝ живы́хъ.

⁷Вонмѝ моле́нїю моемѹ̀, ѩ҆́кѡ смири́хсѧ ѕѣлѡ̀: и҆зба́ви мѧ̀ ѿ гонѧ́щихъ мѧ̀, ѩ҆́кѡ ѹ҆крепи́шасѧ па́че менє̀.

⁸И҆зведѝ и҆з̾ темни́цы дѹ́шѹ мою̀, и҆сповѣ́датисѧ и҆́мени твоемѹ̀: менѐ ждѹ́тъ првдницы, до́ндеже возда́си мнѣ̀.