Read Библия Церковнославянская Ѱалти́рь 149 Bible Online

Ѱалти́рь 149 - Библия Церковнославянская bible

Ѱалти́рь 149

¹ Воспо́йте гд҇еви пѣ́снь но́вѹ: хвале́нїе є҆гѡ̀ въ цр҃кви прпдбныхъ.

²Да возвесели́тсѧ ї҆и҃ль ѡ҆ сотво́ршемъ є҆го̀, и҆ сы́нове сїѡ́ни возра́дѹютсѧ ѡ҆ цр҃ѝ свое́мъ.

³Да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мѹ̀.

⁴ѩ҆́кѡ бл҃говоли́тъ гд҇ь въ лю́дехъ свои́хъ, и҆ вознесе́тъ крѡ́ткїѧ во сп҇нїе.

⁵Восхва́лѧтсѧ прпдбнїи во сла́вѣ и҆ возра́дѹютсѧ на ло́жахъ свои́хъ.

⁶Возношє́нїѧ бж҃їѧ въ горта́ни и҆́хъ, и҆ мечи҄ ѻ҆бою́дѹ ѻ҆стры̀ въ рѹка́хъ и҆́хъ:

⁷сотвори́ти ѿмще́нїе во ѩ҆зы́цѣхъ, ѡ҆бличє́нїѧ въ лю́дехъ:

⁸свѧза́ти цари҄ и҆́хъ пѹ҄ты, и҆ сла҄вныѧ и҆́хъ рѹчны́ми ѡ҆кѡ́вы желѣ́зными:

⁹сотвори́ти въ ни́хъ сѹ́дъ напи́санъ. Сла́ва сїѧ̀ бѹ́детъ всѣ҄мъ прпдбнымъ є҆гѡ̀.