Read Библия Церковнославянская Ѱалти́рь 150 Bible Online

Ѱалти́рь 150 - Библия Церковнославянская bible

Ѱалти́рь 150

¹ Хвали́те бг҃а во ст҃ы́хъ є҆гѡ̀, хвали́те є҆го̀ во ѹ҆тверже́нїи си́лы є҆гѡ̀:

²хвали́те є҆го̀ на си́лахъ {въ си́лахъ} є҆гѡ̀, хвали́те є҆го̀ по мно́жествѹ вели́чествїѧ є҆гѡ̀:

³хвали́те є҆го̀ во гла́сѣ трѹ́бнѣмъ, хвали́те є҆го̀ во ѱалти́ри и҆ гѹ́слехъ:

⁴хвали́те є҆го̀ въ тѷмпа́нѣ и҆ ли́цѣ, хвали́те є҆го̀ во стрѹ́нахъ и҆ ѻ҆рга́нѣ:

⁵хвали́те є҆го̀ въ кѷмва́лѣхъ доброгла́сныхъ, хвали́те є҆го̀ въ кѷмва́лѣхъ восклица́нїѧ.

⁶Всѧ́кое дыха́нїе да хва́литъ гд҇а.