Read Библия Церковнославянская Ѱалти́рь 3 Bible Online

Ѱалти́рь 3 - Библия Церковнославянская bible

Ѱалти́рь 3

¹Ѱало́мъ дв҃дѹ, внегда̀ ѿбѣга́ше ѿ лица̀ а҆вессалѡ́ма сы́на своегѡ̀,

²Гд҇и, что́ сѧ ѹ҆мно́жиша стѹжа́ющїи мѝ; мно́зи востаю́тъ на мѧ̀,

³мно́зи глаго́лютъ дѹшѝ мое́й: нѣ́сть сп҇нїѧ є҆мѹ̀ въ бз҃ѣ є҆гѡ̀.

⁴Ты́ же, гд҇и, застѹ́пникъ мо́й є҆сѝ, сла́ва моѧ̀, и҆ возносѧ́й главѹ̀ мою̀.

⁵Гла́сомъ мои́мъ ко гд҇ѹ воззва́хъ, и҆ ѹ҆слы́ша мѧ̀ ѿ горы̀ ст҃ы́ѧ своеѧ̀.

⁶А҆́зъ ѹ҆снѹ́хъ, и҆ спа́хъ, воста́хъ, ѩ҆́кѡ гд҇ь застѹ́питъ мѧ̀.

⁷Не ѹ҆бою́сѧ ѿ те́мъ люді́й, ѡ҆́крестъ напа́дающихъ на мѧ̀.

⁸Воскр҇нѝ, гд҇и, сп҃си́ мѧ, бж҃е мо́й: ѩ҆́кѡ ты̀ порази́лъ є҆сѝ всѧ҄ враждѹ́ющыѧ мѝ всѹ́е, зѹ́бы грѣ́шникѡвъ сокрѹши́лъ є҆сѝ.

⁹Гд҇не є҆́сть сп҇нїе, и҆ на лю́дехъ твои́хъ блг҇ве́нїе твоѐ.