Read Библия Церковнославянская Ѱалти́рь 55 Bible Online

Ѱалти́рь 55 - Библия Церковнославянская bible

Ѱалти́рь 55

¹Въ коне́цъ, ѡ҆ лю́дехъ ѿ ст҃ы́хъ ѹ҆дале́нныхъ, дв҃дѹ въ столпописа́нїе, внегда̀ ѹ҆держа́ша и҆̀ и҆ноплемє́нницы въ ге́ѳѣ, ѱало́мъ,

²Поми́лѹй мѧ̀, бж҃е, ѩ҆́кѡ попра́ мѧ человѣ́къ: ве́сь де́нь борѧ̀ стѹжи́ ми.

³Попра́ша мѧ̀ вразѝ моѝ ве́сь де́нь: ѩ҆́кѡ мно́зи борю́щїи мѧ̀ съ высоты̀.

⁴Въ де́нь не {се́й рѣ́чи [не] въ нѣ́кїихъ не и҆мѣ́етсѧ} ѹ҆бою́сѧ, а҆́зъ же ѹ҆пова́ю на тѧ̀.

⁵Ѡ҆ бз҃ѣ похвалю̀ словеса̀ моѧ҄: на бг҃а ѹ҆пова́хъ, не ѹ҆бою́сѧ: что̀ сотвори́тъ мнѣ̀ пло́ть;

⁶Ве́сь де́нь слове́съ мои́хъ гнѹша́хѹсѧ: на мѧ̀ всѧ҄ помышлє́нїѧ и҆́хъ на ѕло̀.

⁷Вселѧ́тсѧ и҆ скры́ютъ, ті́и пѧ́тѹ мою̀ сохранѧ́тъ, ѩ҆́коже потерпѣ́ша дѹ́шѹ мою̀ {ті́и пѧ́тѹ мою̀ наблюда́ти бѹ́дѹтъ, ѩ҆́коже жда́хѹ дѹшѝ моеѧ̀}.

⁸Ни ѡ҆ чесо́мже ѿри́неши ѧ҆̀, гнѣ́вомъ лю́ди низведе́ши.

⁹Бж҃е, живо́тъ мо́й возвѣсти́хъ тебѣ̀: положи́лъ є҆сѝ сле́зы моѧ҄ пред̾ тобо́ю, ѩ҆́кѡ и҆ во ѡ҆бѣтова́нїи твое́мъ.

¹⁰Да возвратѧ́тсѧ вразѝ моѝ вспѧ́ть, въ ѻ҆́ньже а҆́ще де́нь призовѹ́ тѧ: сѐ, позна́хъ, ѩ҆́кѡ бг҃ъ мо́й є҆сѝ ты̀.

¹¹Ѡ҆ бз҃ѣ похвалю̀ гл҃го́лъ, ѡ҆ гд҇ѣ похвалю̀ сло́во.

¹²На бг҃а ѹ҆пова́хъ, не ѹ҆бою́сѧ: что̀ сотвори́тъ мнѣ̀ человѣ́къ;

¹³Во мнѣ̀, бж҃е, моли́твы, ѩ҆̀же возда́мъ хвалы̀ твоеѧ̀:

¹⁴ѩ҆́кѡ и҆зба́вилъ є҆сѝ дѹ́шѹ мою̀ ѿ сме́рти, ѻ҆́чи моѝ ѿ сле́зъ и҆ но́зѣ моѝ ѿ поползнове́нїѧ: благоѹгождѹ̀ пред̾ гд҇емъ во свѣ́тѣ живы́хъ.