Read Библия Церковнославянская Ѱалти́рь 66 Bible Online

Ѱалти́рь 66 - Библия Церковнославянская bible

Ѱалти́рь 66

¹Въ коне́цъ, въ пѣ́снехъ, ѱало́мъ пѣ́сни дв҃дѹ,

²Бж҃е, ѹ҆ще́дри ны̀ и҆ блг҇ви́ ны, просвѣтѝ лицѐ твоѐ на ны̀ и҆ поми́лѹй ны̀:

³позна́ти на землѝ пѹ́ть тво́й, во всѣ́хъ ѩ҆зы́цѣхъ сп҇нїе твоѐ.

⁴Да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ.

⁵Да возвеселѧ́тсѧ и҆ да возра́дѹютсѧ ѩ҆зы́цы: ѩ҆́кѡ сѹ́диши лю́демъ правото́ю, и҆ ѩ҆зы́ки на землѝ наста́виши.

⁶Да и҆сповѣ́дѧтсѧ тебѣ̀ лю́дїе, бж҃е, да и҆сповѣ́дѧтсѧ тебѣ̀ лю́дїе всѝ.

⁷Землѧ̀ дадѐ пло́дъ сво́й: блг҇ви́ ны, бж҃е, бж҃е на́шъ,

⁸блг҇ви́ ны, бж҃е: и҆ да ѹ҆боѧ́тсѧ є҆гѡ̀ всѝ концы҄ землѝ.