Read Библия Церковнославянская Ѱалти́рь 96 Bible Online

Ѱалти́рь 96 - Библия Церковнославянская bible

Ѱалти́рь 96

¹ Гд҇ь воцр҃и́сѧ, да ра́дѹетсѧ землѧ̀, да веселѧ́тсѧ ѻ҆́строви мно́зи.

²Ѡ҆́блакъ и҆ мра́къ ѡ҆́крестъ є҆гѡ̀: пра́вда и҆ сѹдба̀ и҆справле́нїе пр҇то́ла є҆гѡ̀.

³Ѻ҆́гнь пред̾ ни́мъ пред̾и́детъ и҆ попали́тъ ѡ҆́крестъ врагѝ є҆гѡ̀.

⁴Ѡ҆свѣти́ша мѡ́лнїѧ є҆гѡ̀ вселе́ннѹю: ви́дѣ и҆ подви́жесѧ землѧ̀.

⁵Го́ры ѩ҆́кѡ во́скъ раста́ѧша ѿ лица̀ гд҇нѧ, ѿ лица̀ гд҇а всеѧ̀ землѝ.

⁶Возвѣсти́ша нб҃са̀ пра́вдѹ є҆гѡ̀, и҆ ви́дѣша всѝ лю́дїе сла́вѹ є҆гѡ̀.

⁷Да постыдѧ́тсѧ всѝ кла́нѧющїисѧ и҆стѹка҄ннымъ, хва́лѧщїисѧ ѡ҆ їдѡлѣхъ свои́хъ: поклони́тесѧ є҆мѹ̀, всѝ а҆́гг҃ли є҆гѡ̀.

⁸Слы́ша и҆ возвесели́сѧ сїѡ́нъ, и҆ возра́довашасѧ дщє́ри ї҆ѹдє́йскїѧ, сѹде́бъ ра́ди твои́хъ, гд҇и:

⁹ѩ҆́кѡ ты̀ гд҇ь вы́шнїй над̾ все́ю земле́ю, ѕѣлѡ̀ превозне́слсѧ є҆сѝ над̾ всѣ́ми бѡ́ги.

¹⁰Лю́бѧщїи гд҇а, ненави́дите ѕла҄ѧ: храни́тъ гд҇ь дѹ́шы прпдбныхъ свои́хъ, и҆з̾ рѹкѝ грѣ́шничи и҆зба́витъ ѧ҆̀.

¹¹Свѣ́тъ возсїѧ̀ првдникѹ, и҆ пра҄вымъ срдцемъ весе́лїе.

¹²Весели́тесѧ, првднїи, ѡ҆ гд҇ѣ, и҆ и҆сповѣ́дайте па́мѧть ст҃ы́ни є҆гѡ̀.