Read Библия Церковнославянская Ѱалти́рь 97 Bible Online

Ѱалти́рь 97 - Библия Церковнославянская bible

Ѱалти́рь 97

¹ Воспо́йте гд҇еви пѣ́снь но́вѹ, ѩ҆́кѡ ди҄вна сотворѝ гд҇ь: сп҃сѐ є҆го̀ десни́ца є҆гѡ̀ и҆ мы́шца ст҃а́ѧ є҆гѡ̀.

²Сказа̀ гд҇ь сп҇нїе своѐ, пред̾ ѩ҆зы҄ки ѿкры̀ пра́вдѹ свою̀.

³Помѧнѹ̀ мл҇ть свою̀ ї҆а́кѡвѹ и҆ и҆́стинѹ свою̀ до́мѹ ї҆и҃левѹ: ви́дѣша всѝ концы҄ землѝ сп҇нїе бг҃а на́шегѡ.

⁴Воскли́кните бг҃ови, всѧ̀ землѧ̀, воспо́йте и҆ ра́дѹйтесѧ и҆ по́йте.

⁵По́йте гд҇еви въ гѹ́слехъ, въ гѹ́слехъ и҆ гла́сѣ ѱало́мстѣ,

⁶въ трѹба́хъ ко́ваныхъ и҆ гла́сомъ трѹбы̀ ро́жаны: вострѹби́те пред̾ цр҃е́мъ гд҇емъ.

⁷Да подви́житсѧ мо́ре и҆ и҆сполне́нїе є҆гѡ̀, вселе́ннаѧ и҆ всѝ живѹ́щїи на не́й.

⁸Рѣ́ки воспле́щѹтъ рѹко́ю вкѹ́пѣ, го́ры возра́дѹютсѧ

⁹ѿ лица̀ гд҇нѧ, ѩ҆́кѡ грѧде́тъ, ѩ҆́кѡ и҆́детъ сѹди́ти землѝ: сѹди́ти вселе́ннѣй въ пра́вдѹ, и҆ лю́демъ пра́востїю.