Read Библия Церковнославянская I҆еремі́и 45 Bible Online

I҆еремі́и 45 - Библия Церковнославянская bible

I҆еремі́и 45

¹Сло́во, є҆́же глаго́ла ї҆еремі́а про҇ро́къ къ варѹ́хѹ сы́нѹ нирі́евѹ, є҆гда̀ вписа̀ словеса̀ сїѧ҄ въ кни́гѹ ѿ ѹ҆́стъ ї҆еремі́иныхъ, въ четве́ртое лѣ́то ї҆ѡакі́ма, сы́на ї҆ѡсі́ина, царѧ̀ ї҆ѹ́дина, глаго́лѧ:

²та́кѡ гл҃етъ гд҇ь вседержи́тель ѡ҆ тебѣ̀, варѹ́ше:

³ѩ҆́кѡ ре́клъ є҆сѝ: ѽ, лю́тѣ мнѣ̀! ѽ, лю́тѣ мнѣ̀! ѩ҆́кѡ приложѝ гд҇ь трѹ́дъ къ болѣ́зни мое́й, ѹ҆спо́хъ со стена́нїемъ, поко́ѧ не ѡ҆брѣто́хъ.

⁴Рцы̀ є҆мѹ̀, си́це гл҃етъ гд҇ь: сѐ, ѩ҆̀же а҆́зъ согради́хъ, а҆́зъ разорю̀: и҆ ѩ҆̀же насади́хъ а҆́зъ, и҆сто́ргнѹ, и҆ всю̀ зе́млю мою̀.

⁵И҆ ты́ ли взы́щеши себѣ̀ вели́кихъ; не и҆щѝ: ѩ҆́кѡ сѐ, а҆́зъ наведѹ̀ ѕла҄ѧ на всѧ́кѹ пло́ть, гл҃етъ гд҇ь, и҆ да́мъ дѹ́шѹ твою̀ въ коры́сть во всѧ́цѣмъ мѣ́стѣ, а҆́може а҆́ще по́йдеши.