Read Библия Церковнославянская I҆ѡ́на 2 Bible Online

I҆ѡ́на 2 - Библия Церковнославянская bible

I҆ѡ́на 2

¹И҆ повелѣ̀ гд҇ь ки́тѹ вели́комѹ пожре́ти ї҆ѡ́нѹ. И҆ бѣ̀ ї҆ѡ́на во чре́вѣ ки́товѣ трѝ дни҄ и҆ трѝ нѡ́щи.

²И҆ помоли́сѧ ї҆ѡ́на ко гд҇ѹ бг҃ѹ своемѹ̀ ѿ чре́ва ки́това

³и҆ речѐ: возопи́хъ въ ско́рби мое́й ко гд҇ѹ бг҃ѹ моемѹ̀, и҆ ѹ҆слы́ша мѧ̀: и҆з̾ чре́ва а҆́дова во́пль мо́й, ѹ҆слы́шалъ є҆сѝ гла́съ мо́й:

⁴ѿве́рглъ мѧ̀ є҆сѝ во глѹбины҄ се́рдца морска́гѡ, и҆ рѣ́ки ѡ҆быдо́ша мѧ̀: всѧ҄ высоты̀ твоѧ҄ и҆ вѡ́лны твоѧ҄ на мнѣ̀ преидо́ша.

⁵И҆ а҆́зъ рѣ́хъ: ѿри́нѹсѧ ѿ ѻ҆́чїю твое́ю є҆да̀ приложѹ̀ призрѣ́ти мѝ ко хра́мѹ ст҃о́мѹ твоемѹ̀;

⁶Возлїѧ́сѧ на мѧ̀ вода̀ до дѹшѝ моеѧ̀, бе́здна ѡ҆бы́де мѧ̀ послѣ́днѧѧ, понрѐ глава̀ моѧ̀ въ разсѣ҄лины го́ръ,

⁷снидо́хъ въ зе́млю, є҆ѧ́же верєѝ є҆ѧ̀ закле́пи вѣ́чнїи: и҆ да взы́детъ и҆з̾ и҆стлѣ́нїѧ живо́тъ мо́й къ тебѣ̀, гд҇и бж҃е мо́й.

⁸Внегда̀ скончава́тисѧ ѿ менє̀ дѹшѝ мое́й, гд҇а помѧнѹ́хъ, и҆ да прїи́детъ къ тебѣ̀ моли́тва моѧ̀ ко хра́мѹ ст҃о́мѹ твоемѹ̀.

⁹Хранѧ́щїи сѹ́єтнаѧ и҆ лѡ́жнаѧ мл҇ть свою̀ ѡ҆ста́виша

¹⁰а҆́зъ же со гла́сомъ хвале́нїѧ и҆ и҆сповѣ́данїѧ пожрѹ̀ тебѣ̀, є҆ли҄ка ѡ҆бѣща́хъ, возда́мъ тебѣ̀ во сп҇нїе моѐ гд҇еви.

¹¹И҆ повелѣ̀ гд҇ь ки́тови, и҆ и҆зве́рже ї҆ѡ́нѹ на сѹ́шѹ.