Read Библия Церковнославянская в҃ маккавей́скаѧ 2 Bible Online

в҃ маккавей́скаѧ 2 - Библия Церковнославянская bible

в҃ маккавей́скаѧ 2

¹Ѡ҆брѣта́етсѧ же во ѡ҆писа́нщхъ ї҆еремі́и про҇ро́ка, ѩ҆́кѡ повелѣ̀ ѻ҆гнѧ̀ взѧ́ти преселѧ́ющымсѧ, ѩ҆́коже зна́меновасѧ,

²и҆ ѩ҆́коже заповѣ́да преселѧ́ющымсѧ про҇ро́къ, да́въ и҆̀мъ зако́нъ, да не забыва́ютъ повелѣ́нїй гд҇нихъ и҆ да не прельстѧ́тсѧ ѹ҆мы҄, ви́дѧще їдѡлы зла҄ты и҆ срє́брѧны и҆ сѹ́щѹю ѡ҆́крестъ и҆́хъ ѹ҆́тварь.

³И҆ и҆́на такова҄ глаго́лѧ, молѧ́ше, да не ѿстѹ́питъ зако́нъ ѿ се́рдца и҆́хъ.

⁴Бѣ́ же въ писа́нщ, ѩ҆́кѡ ски́нщ и҆ кївѡ́тѹ повелѣ̀ про҇ро́къ по бж҃твенномѹ ѿвѣ́тѹ бы́вшемѹ є҆мѹ̀ послѣ́дствовати, до́ндеже взы́де въ го́рѹ на ню́же мѡѷсе́й возше́дъ, ви́дѣ бж҃їе наслѣ́дїе.

⁵И҆ прише́дъ ї҆еремі́а ѡ҆брѣ́те пеще́рѹ и҆ жили́ще, и҆ ски́нїю и҆ кївѡ́тъ, и҆ ѻ҆лта́рь ѳѷмїа́ма внесѐ та́мѡ, и҆ двє́ри заградѝ.

⁶И҆ пристѹпи́ша нѣ́цыи ѿ послѣ́дствѹющихъ, да назна́менаютъ себѣ̀ пѹ́ть, и҆ не мого́ша ѡ҆брѣстѝ.

⁷Е҆гда́ же позна̀ ї҆еремі́а, ѹ҆кори́въ и҆̀хъ, речѐ: ѩ҆́кѡ невѣ́домо бѹ́детъ мѣ́сто, до́ндеже собере́тъ бг҃ъ собра́нїе люді́й и҆ мл҇тивъ бѹ́детъ:

⁸и҆ тогда̀ гд҇ь пока́жетъ сїѧ҄, и҆ ѩ҆ви́тсѧ сла́ва гд҇нѧ и҆ ѡ҆́блакъ, ѩ҆́коже и҆ при мѡѷсе́и ѩ҆влѧ́шесѧ, ѩ҆́коже и҆ соломѡ́нъ молѝ, да мѣ́сто ѡ҆ст҃и́тсѧ вельмѝ.

⁹ѩ҆влѧ́шесѧ же, и҆ ѩ҆́кѡ премѹ́дрость и҆мѣ́ѧ вознесѐ же́ртвѹ ѡ҆бновленїѧ и҆ соверше́нїѧ це́ркве.

¹⁰ѩ҆́коже и҆ мѡѷсе́й молѧ́шесѧ ко гд҇ѹ, и҆ сни́де ѻ҆́гнь съ небесѐ и҆ поѧдѐ жє́ртвы: та́кожде и҆ соломѡ́нъ моли́сѧ, и҆ сни́де ѻ҆́гнь съ небесѐ и҆ пожжѐ всесожжє́нїѧ.

¹¹И҆ речѐ мѡѷсе́й: поне́же не снѣде́но бы́сть сѹ́щее за грѣ́хъ, попали́сѧ.

¹²Та́кожде и҆ соломѡ́нъ ѻ҆́смь дні́й пра́зднова.

¹³Повѣ́дашасѧ же и҆ въ написа́нщхъ и҆ въ памѧтописа́нщхъ бы́вшихъ при неемі́и та҄ѧжде: и҆ ка́кѡ стро́ѧщь книгополо́жницѹ собра̀ кни҄ги, ѩ҆̀же ѡ҆ царе́хъ и҆ ѡ҆ про҇ро́цѣхъ и҆ ѡ҆ даві́дѣ, и҆ є҆пїстѡ́лщ царе́й ѡ҆ приноше́нщхъ.

¹⁴Та́кожде и҆ ї҆ѹ́да, па҄дшаѧ бра́нїю бы́вшею на́мъ, собра̀ всѧ҄, и҆ сѹ́ть при на́съ.

¹⁵Сихъ ѹ҆̀бо а҆́ще тре́бѹете, приносѧ́щихъ ва́мъ посли́те.

¹⁶Хотѧ́ще ѹ҆̀бо пра́здновати ѡ҆чище́нїе, писа́хомъ ва́мъ: бла́гѡ ѹ҆̀бо сотворитѐ пра́зднѹюще дни҄.

¹⁷Бг҃ъ же сп҃сы́й всѧ҄ лю́ди своѧ҄ и҆ возда́вый наслѣ́дїе всѣ҄мъ и҆ ца́рствїе, и҆ свѧщенство и҆ ѡ҆свѧще́нїе,

¹⁸ѩ҆́коже ѡ҆бѣща̀ въ зако́нѣ: ѹ҆пова́емъ бо на бг҃а, ѩ҆́кѡ ско́рѡ на́съ поми́лѹетъ и҆ собере́тъ ѿ поднебе́сныѧ въ мѣ́сто ст҃о́е:

¹⁹и҆з̾ѧ́тъ бо на́съ ѿ вели́кихъ бѣ́дъ и҆ мѣ́сто ѡ҆чи́сти.

²⁰Дѣла́ же ї҆ѹ́ды маккаве́а и҆ бра́тїй є҆гѡ̀, и҆ це́ркве вели́кїѧ ѡ҆чище́нїе, и҆ ѡ҆бновле́нїе же́ртвенника:

²¹є҆ще́ же и҆ ѡ҆ бра́нехъ на а҆нтїо́ха є҆пїфа́на и҆ сы́на є҆гѡ̀ є҆ѵпа́тора:

²²и҆ ѡ҆ ѩ҆вле́нщхъ съ небесѐ бы́вшихъ благомѹ́жествовавшымъ ї҆ѹде́йства ра́ди любоче́стнѡ, ѩ҆́кѡ всю̀ странѹ̀ ма́ли сѹ́ще ѡ҆пѹстоша́хѹ, и҆ ва́рварѡвъ мно́жество прогонѧ́хѹ,

²³и҆ пресла́внѹю во все́й вселе́ннѣй це́рковь возсозда́ша, и҆ гра́дъ и҆зба́виша, и҆ хотѧ́щыѧ разори́тисѧ зако́ны и҆справлѧ́хѹ, гд҇ѹ со всѧ́кою кро́тостїю мл҇тивѹ быва́ющѹ и҆̀мъ:

²⁴ѩ҆̀же ѿ ї҆асѡ́на кѷрїне́а и҆звѣщє́на пѧтїю̀ кни́гами, покѹ́симсѧ є҆ди́нымъ сочине́нїемъ сократи́ти.

²⁵Созерца́юще бо мно́гое число̀ (веще́й) и҆ сѹ́щее неѹдо́бство хотѧ́щымъ пристѹпи́ти къ по́вѣсти ї҆сто́рщ мно́жества ра́ди вещества̀,

²⁶попеко́хомсѧ, дабы̀ хотѧ́щщ чита́ти и҆ме́ли дѹшѝ ѹ҆тѣше́нїе, любомѹ́дрствѹющщ же ѹ҆до́бѣе прщма́ли на па́мѧть, вси́ же чтѹ́щщ по́льзѹ.

²⁷И҆ на́мъ ѹ҆́бѡ прїѧ́вшымъ трѹ́дъ сокраще́нїѧ неѹдо́бно, по́та же и҆ бдѣ́нїѧ дѣ́ло (твори́мъ):

²⁸ѩ҆́коже ѹ҆готовлѧ́ющемѹ пи́ръ и҆ и҆́щѹщемѹ и҆́ныхъ по́льзы не легко̀ ѹ҆́бѡ, ѻ҆ба́че за благодаре́нїе мно́гихъ сла́дцѣ трѹ́дъ потерпи́мъ.

²⁹И҆спы́тность ѹ҆́бѡ ѡ҆ кі́ихждо списа́телю попѹсти́вше, послѣ́довати примѣ́рѹ сокраще́нїѧ потщи́мсѧ.

³⁰ѩ҆́коже бо но́выѧ хра́мины а҆рхїте́ктонѹ ѡ҆ все́мъ зда́нщ пещи́сѧ подоба́етъ, и҆ живописа́ти начина́ющемѹ прили́чныхъ ко ѹ҆краше́нию и҆ска́ти, та́кѡ мню̀ и҆ ѡ҆ на́съ.

³¹Е҆́же ѹ҆́бѡ глѹбоча́е и҆спы́товати и҆ ѡ҆ всѣ́хъ твори́ти сло́во и҆ любопы́тствовати ѡ҆ ко́емждо подро́бнѹ, по́вѣсти сочини́телю досто́итъ.

³²Сокраще́нїю же рѣче́нїй послѣ́довати и҆ то́нкагѡ испыта́нїѧ веще́й бѣ́гатн, сокраще́нїе творѧ́щемѹ попѹща́ти до́лжно.

³³Ѿсю́дѹ ѹ҆́бѡ начни́мъ по́вѣсть предрѣчє́ннымъ толи́ко присовокѹпи́вше: неразѹ́мно бо предисло́вїе ї҆сто́рщ ѹ҆множа́ти, са́мѹю ї҆сто́рїю сокраща́ти.