Read Библия Церковнославянская Ї҆исѹ́са Наѵи́на 12 Bible Online

Ї҆исѹ́са Наѵи́на 12 - Библия Церковнославянская bible

Ї҆исѹ́са Наѵи́на 12

¹И҆ сі́и ца́рїе землѝ, и҆̀хже и҆зби́ша сы́нове ї҆и҃лєвы и҆ наслѣ́диша зе́млю и҆́хъ ѡ҆б̾ ѻ҆нѹ̀ странѹ̀ ї҆ѻрда́на, ѿ востѡ́къ со́лнца, ѿ де́бри а҆рнѡ́нскїѧ да́же до горы̀ а҆ермѡ́нъ, и҆ всю̀ зе́млю а҆́равѹ ѿ востѡ́къ:

²сиѡ́на царѧ̀ а҆морре́йска, и҆́же живѧ́ше во є҆севѡ́нѣ, ѡ҆блада́ѧй ѿ а҆рои́ра, и҆́же є҆́сть въ де́бри а҆рнѡ́нстѣй ѿ страны̀ де́бри, и҆ по́лъ (землѝ) галаа́да да́же до ї҆аво́ка, (и҆дѣ́же) предѣ́лы сынѡ́въ а҆ммѡ́нихъ:

³и҆ а҆́рава да́же до мо́рѧ хенере́ѳъ на восто́ки, и҆ да́же до мо́рѧ а҆́рава, мо́рѧ соли́щнагѡ ѿ востѡ́къ, пѹте́мъ и҆́же ко виѳсїмѡ́ѳѹ, и҆ ѿ ѳема́на и҆́же под̾ а҆сидѡ́ѳъ-фа́сгою:

⁴и҆ ѡ҆́гъ ца́рь васа́нскїй ѡ҆ста́сѧ ѿ и҆споли́нѡвъ, и҆́же ѡ҆бита̀ во а҆старѡ́ѳѣ и҆ во є҆драі́нѣ,

⁵ѡ҆блада́ѧй ѿ горы̀ а҆ермѡ́нъ, и҆ ѿ селхѝ, и҆ все́ю земле́ю васа́нъ да́же до предѣ҄лъ гесѹрї̀, и҆ махаѳї̀, и҆ по́лъ галаа́да до предѣ҄лъ сиѡ́на царѧ̀ є҆севѡ́нска.

⁶Мѡѷсе́й ра́бъ гд҇ень и҆ сы́нове ї҆и҃лєвы порази́ша ѧ҆̀: и҆ дадѐ ю҆̀ мѡѷсе́й ра́бъ гд҇ень въ наслѣ́дїе рѹви́мѹ и҆ га́дѹ и҆ полпле́мени манассі́инѹ.

⁷И҆ сі́и ца́рїе а҆морре́йстїи, ѩ҆̀же и҆збѝ ї҆исѹ́съ и҆ сы́нове ї҆и҃лєвы ѡ҆б̾ ѻ҆нѹ̀ странѹ̀ ї҆ѻрда́на, при мо́ри валга́дъ на по́ли лїва́на, и҆ да́же до горы̀ а҆ло́къ, восходѧ́щихъ въ сиі́ръ: и҆ дадѐ ю҆̀ ї҆исѹ́съ племенѡ́мъ ї҆и҃лєвымъ въ наслѣ́дїе по жре́бїю и҆́хъ,

⁸на горѣ̀ и҆ на по́ли, и҆ во а҆́равѣ и҆ во а҆сидѡ́ѳѣ, и҆ въ пѹсты́ни и҆ во наге́вѣ, хетте́а и҆ а҆морре́а, и҆ ханане́а и҆ ферезе́а, и҆ є҆ѵе́а и҆ ї҆евѹсе́а:

⁹царѧ̀ ї҆ерїхѡ́нска и҆ царѧ̀ га́йска, и҆́же є҆́сть бли́з̾ веѳи́лѧ,

¹⁰царѧ̀ ї҆ер҇ли́мска, царѧ̀ хеврѡ́нска,

¹¹царѧ̀ ї҆ерїмѹ́ѳска, царѧ̀ лахі́сска,

¹²царѧ̀ є҆глѡ́нска, царѧ̀ газе́рска,

¹³царѧ̀ даві́рска, царѧ̀ гаде́рска,

¹⁴царѧ̀ є҆рма́ѳска, царѧ̀ а҆де́рска,

¹⁵царѧ̀ ле́внска, царѧ̀ ѻ҆долла́мска,

¹⁶царѧ̀ маки́дска, царѧ̀ веѳи́лска,

¹⁷царѧ̀ а҆пфѹ́ска, царѧ̀ ѻ҆фе́рска,

¹⁸царѧ̀ а҆фе́кска, царѧ̀ хесарѡ́мска,

¹⁹царѧ̀ самврѡ́нска, царѧ̀ фѹ́вска,

²⁰царѧ̀ марѡ́нска, царѧ̀ а҆хса́фска,

²¹царѧ̀ ѳана́хска, царѧ̀ магдедѡ́нска,

²²царѧ̀ кеде́сска, царѧ̀ ї҆екона́ма херме́ла,

²³царѧ̀ а҆дѡ́рска нафеддѡ́рѧ,

²⁴царѧ̀ гѡі́мска гелге́лѧ, царѧ̀ ѳерска̀. Всѝ сі́и ца́рїе три́десѧть є҆ди́нъ.