Read Новый Завет на церковнославянском языке От Матфея 1 Bible Online

От Матфея 1 - Новый Завет на церковнославянском языке bible

От Матфея 1

¹Книга родства Иисуса Христа, сына Давидова, сына Авраамля.

²Авраам роди исаака. Исаак же роди иакова. Иаков же роди иуду и братию его.

³Иуда же роди фареса и зару от фамары. Фарес же роди есрома. Есром же роди арама.

⁴Арам же роди аминадава. Аминадав же роди наассона. Наассон же роди салмона.

⁵Салмон же роди вооза от рахавы. Вооз же роди овида от руфы. Овид же роди иессеа.

⁶Иессей же роди давида царя. Давид же царь роди соломона от уриины.

⁷Соломон же роди ровоама. Ровоам же роди авию. Авиа же роди асу.

⁸Аса же роди иосафата. Иосафат же роди иорама. Иорам же роди озию.

⁹Озиа же роди иоафама. Иоафам же роди ахаза. Ахаз же роди езекию.

¹⁰Езекиа же роди манассию. Манассиа же роди амона. Амон же роди иосию.

¹¹Иосиа же роди иехонию и братию его, в преселение вавилонское [Ст. 11 в нeкиих греч.: иосиа же роди иоакима и братию его. Иоаким же роди иехонию в преселение вавилонское.]

¹²По преселении же вавилонстeм, иехониа роди салафииля. Салафииль же роди зоровавеля.

¹³Зоровавель же роди авиуда. Авиуд же роди елиакима. Елиаким же роди азора.

¹⁴Азор же роди садока. Садок же роди ахима. Ахим же роди елиуда.

¹⁵Елиуд же роди елеазара. Елеазар же роди матфана. Матфан же роди иакова.

¹⁶Иаков же роди иосифа, мужа мариина, из неяже родися Иисус, глаголемый Христос.

¹⁷Всeх же родоов от авраама до давида родове четыренадесяте: и от давида до преселения вавилонскаго родове четыренадесяте: и от преселения вавилонскаго до Христа родове четыренадесяте.

¹⁸Иисус Христово рождество сице бe: обрученнeй бо бывши Матери его марии иосифови, прежде даже не Сынитися има, обрeтеся имущи во чревe от духа свята.

¹⁹Иосиф же муж ея, првдн сый и не хотя ея обличити, восхотe тай пустити ю.

²⁰Сия же ему помыслившу, се, ангел Господень во снe явися ему, глаголя: иосифе, сыне давидов, не убойся прияти мариам жены твоея: рождшеебося в ней, от Духа есть свята:

²¹родит же Сына, и наречеши имя ему Иисус: той бо спасет люди своя от грeх их.

²²Сие же все бысть, да сбудется реченное от Господа пророком, глаголющим:

²³се, дeва во чревe приимет и родит Сына, и нарекут имя ему еммануил, еже есть сказаемо: с нами Бог.

²⁴Востав же иосиф от сна, сотвори якоже повелe ему ангел Господень, и прият жену свою,

²⁵и не знаяше ея, дондеже роди Сына своего первенца, и нарече имя ему Иисус.