Read Новый Завет на церковнославянском языке От Матфея 10 Bible Online

От Матфея 10 - Новый Завет на церковнославянском языке bible

От Матфея 10

¹И призва обанадесять ученики своя, даде им власть на дусeх нечистых, яко да изгонят их, и цeлити всяк недуг и всяку болeзнь.

²Дванадесятих же апостолов имена суть сия: первый симон, иже нарицается петр, и андрей брат его: иаков зеведеев и иоанн брат его:

³филипп и варфоломей: фома и матфей мытарь: иаков алфеев и леввей, нарeченный фаддей:

⁴симон кананит и иуда искариотский, иже и предаде его.

⁵Сия обанадесять посла Иисус, заповeда им, глаголя: на путь язык не идите и во град самарянский не внидите:

⁶идите же паче ко овцам погибшым дому Израилева:

⁷ходяще же проповeдуйте, глаголюще, яко приближися царствие небeсное:

⁸болящыя исцeляйте, прокаженныя очищайте, мертвыя воскрешайте, бeсы изгоняйте: туне приясте, туне дадите.

⁹Не стяжите злата, ни сребра, ни мeди при поясeх ваших,

¹⁰ни пиры в путь, ни двою ризу, ни сапог, ни жезла: достоин бо есть дeлатель мзды своея.

¹¹В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете:

¹²входяще же в дом цeлуйте его, глаголюще: мир дому сему:

¹³и аще убо будет дом достоин, приидет мир ваш нань: аще ли же не будет достоин, мир ваш к вам возвратится.

¹⁴И иже аще не приимет вас, ниже послушает словес ваших, исходяще из дому или из града того, оттрясите прах ног ваших:

¹⁵аминь глаголю вам: отраднeе будет земли содомстeй и гоморрстeй в день судный, неже граду тому.

¹⁶Се, аз посылаю вас яко овцы посредe волков: будите убо мудри яко змия, и цeли яко голубие.

¹⁷Внемлите же от человeк: предадят бо вы на сонмы, и на соборищих их биют вас,

¹⁸и пред владыки же и цари ведени будете мене ради, во свидeтелство им и языком.

¹⁹Егда же предают вы, не пецытеся, како или что возглаголете: дастбося вам в той час, что возглаголете:

²⁰не вы бо будете глаголющии, но дух Отца вашего глаголяй в вас.

²¹Предаст же брат брата на смерть, и отец чадо: и востанут чада на родители и убиют их:

²²и будете ненавидими всeми имене моего ради: претерпeвый же до конца, той спасен будет.

²³Егда же гонят вы во градe сем, бeгайте в другий. Аминь бо глаголю вам: не имате скончати грады Израилевы, дондеже приидет Сын человeческий.

²⁴Нeсть ученик над учителя (своего), ниже раб над господина своего:

²⁵довлeет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его?

²⁶Не убойтеся убо их: ничтоже бо есть покровено, еже не открыется, и тайно, еже не увeдeно будет.

²⁷Еже глаголю вам во тмe, рцыте во свeтe: и еже во ушы слышите, проповeдите на кровeх.

²⁸И не убойтеся от убивающих тeло, души же не могущих убити: убойтеся же паче могущаго и душу и тeло погубити в гееннe.

²⁹Не двe ли птицe цeнитeся единому ассарию? и ни едина от них падет на земли без Отца вашего:

³⁰вам же и власи главнии вси изочтени суть:

³¹не убойтеся убо: мнозeх птиц лучши есте вы.

³²Всяк убо иже исповeсть мя пред человeки, исповeм его и аз пред Отцем моим, иже на небесeх:

³³а иже отвержется мене пред человeки, отвергуся его и аз пред Отцем моим, иже на небесeх.

³⁴Не мните, яко приидох воврещи мир на землю: не приидох воврещи мир, но мечь:

³⁵приидох бо разлучити человeка на отца своего, и дщерь на матерь свою, и невeсту на свекровь свою.

³⁶И врази человeку домашнии его.

³⁷Иже любит отца или матерь паче мене, нeсть мене достоин: и иже любит сына или дщерь паче мене, нeсть мене достоин:

³⁸и иже не приимет креста своего и вслeд мене грядет, нeсть мене достоин.

³⁹Обрeтый душу свою погубит ю: а иже погубит душу свою мене ради, обрящет ю.

⁴⁰Иже вас приемлет, мене приемлет: и иже приемлет мене, приемлет пославшаго мя:

⁴¹приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет:

⁴²и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея.