Read Новый Завет на церковнославянском языке От Матфея 11 Bible Online

От Матфея 11 - Новый Завет на церковнославянском языке bible

От Матфея 11

¹И бысть, егда соверши Иисус заповeдая обeманадесяте ученикома своима, прейде оттуду учити и проповeдати во градeх их.

²Иоанн же слышав во узилищи дeла Христова, посла два от ученик своих,

³рече ему: ты ли еси грядый, или иного чаем?

⁴И отвeщав Иисус рече има: шедша возвeстита иоаннови, яже слышита и видита:

⁵слeпии прозирают и хромии ходят, прокаженнии очищаются и глусии слышат, мертвии востают и нищии благовeствуют:

⁶и блажен есть, иже аще не соблазнится о мнe.

⁷Тeма же исходящема, начат Иисус народом глаголати о иоаннe: чесо изыдосте в пустыню видeти? трость ли вeтром колеблему?

⁸Но чесо изыдосте видeти? человeка ли в мягки ризы облеченна? Се, иже мягкая носящии, в домeх царских суть.

⁹Но чесо изыдосте видeти? пророка ли? Ей, глаголю вам, и лишше пророка.

¹⁰Сей бо есть, о немже есть писано: се, аз посылаю ангела моего пред лицем твоим, иже уготовит путь твой пред тобою.

¹¹Аминь глаголю вам, не воста в рожденных женами болий иоанна крестителя: мний же во царствии небeснeм болий его есть.

¹²От дний же иоанна крестителя доселe царствие небeсное нудится (с нуждею восприемлется), и нуждницы восхищают е:

¹³вси бо пророцы и закон до иоанна прорекоша.

¹⁴И аще хощете прияти, той есть илиа хотяй приити:

¹⁵имeяй ушы слышати да слышит.

¹⁶Кому же уподоблю род сей? Подобен есть дeтем сeдящым на торжищих, и возглашающым другом своим

¹⁷и глаголющым: пискахом вам, и не плясасте: плакахом вам, и не рыдасте.

¹⁸Прииде бо иоанн ни ядый, ни пияй: и глаголют: бeса имать.

¹⁹Прииде Сын человeческий ядый и пияй: и глаголют: се, человeк ядца и винопийца, мытарем друг и грeшником. И оправдися премудрость от чад своих.

²⁰Тогда начат Иисус поношати градовом, в нихже быша множайшыя силы его, зане не покаяшася:

²¹горе тебe, хоразине, горе тебe, вифсаидо: яко аще в тирe и сидонe быша силы были бывшыя в вас, древле убо во вретищи и пепелe покаялися быша:

²²обаче глаголю вам тиру и сидону отраднeе будет в день судный, неже вам.

²³И ты, капернауме, иже до небес вознесыйся, до ада снидеши: зане аще в содомeх быша силы были бывшыя в тебe, пребыли убо быша до днешняго дне:

²⁴обаче глаголю вам, яко земли содомстeй отраднeе будет в день судный, неже тебe.

²⁵В то время отвeщав Иисус рече: исповeдаютися, Отче, Господи небесе и земли, яко утаил еси сия от премудрых и разумных и открыл еси та младенцем:

²⁶ей, Отче, яко тако бысть благоволение пред тобою.

²⁷Вся мнe предана суть Отцем моим: и никтоже знает Сына, токмо Отц: ни Отца кто знает, токмо Сын, и емуже аще волит Сын открыти.

²⁸Приидите ко мнe вси труждающиися и обремененнии, и аз упокою вы:

²⁹возмите иго мое на себе и научитеся от мене, яко кроток есмь и смирен срдцем: и обрящете покой душам вашым:

³⁰иго бо мое благо, и бремя мое легко есть.