Read Новый Завет на церковнославянском языке От Матфея 12 Bible Online

От Матфея 12 - Новый Завет на церковнославянском языке bible

От Матфея 12

¹В то время иде Иисус в субботы сквозe сeяния: ученицы же его взалкаша и начаша востерзати класы и ясти.

²Фарисее же видeвше рeша ему: се, ученицы твои творят, егоже не достоит творити в субботу.

³Он же рече им: нeсте ли чли, что сотвори давид, егда взалка сам и сущии с ним?

⁴како вниде в храм Божий и хлeбы предложения Сынeде, ихже не достойно бe ему ясти, ни сущым с ним, токмо иереем единым?

⁵или нeсте чли в законe, яко в субботы священницы в церкви субботы сквернят и неповинни суть?

⁶глаголю же вам, яко церкве болe есть здe:

⁷аще ли бысте вeдали, что есть: милости хощу, а не жертвы, николиже убо бысте осуждали неповинных:

⁸господь бо есть и субботы Сын человeческий.

⁹И прешед оттуду, прииде на сонмище их.

¹⁰И се, человeк бe ту, руку имый суху. И вопросиша его, глаголюще: аще достоит в субботы цeлити? да на него возглаголют.

¹¹Он же рече им: кто есть от вас человeк, иже имать овча едино, и аще впадет сие в субботы в яму, не имет ли е и измет?

¹²кольми убо лучши есть человeк овчате? тeмже достоит в субботы добро творити.

¹³Тогда глагола человeку: простри руку твою. И простре: и утвердися цeла яко другая.

¹⁴Фарисее же шедше совeт сотвориша на него, како его погубят. Иисус же разумeв отиде оттуду.

¹⁵И по нем идоша народи мнози, и исцeли их всeх:

¹⁶и запрети им, да не явe его творят:

¹⁷яко да сбудется реченное исаием пророком, глаголющим:

¹⁸се, отрок мой, егоже изволих, возлюбленный мой, наньже благоволи душа моя: положу дух мой на нем, и суд языком возвeстит:

¹⁹не преречет, ни возопиет, ниже услышит кто на распутиих гласа его:

²⁰трости сокрушенны не преломит и лена внемшася не угасит, дондеже изведет в побeду суд:

²¹и на имя его языцы уповати имут.

²²Тогда приведоша к нему бeснующася слeпа и нeма: и исцeли его, яко слeпому и нeмому глаголати и глядати.

²³И дивляхуся вси народи глаголюще: еда сей есть (Христос) Сын давидов?

²⁴Фарисее же слышавше рeша: сей не изгонит бeсы, токмо о веельзевулe князи бeсовстeм.

²⁵Вeдый же Иисус мысли их, рече им: всякое царство раздeльшееся на ся запустeет, и всяк град или дом раздeливыйся на ся не станет.

²⁶И аще сатана сатану изгонит, на ся раздeлился есть: како убо станет царство его?

²⁷И аще аз о веельзевулe изгоню бeсы, сынове ваши о ком изгонят? сего ради тии вам будут судии.

²⁸Аще ли же аз о дусe Божии изгоню бeсы, убо постиже на вас царствие Божие.

²⁹Или како может кто внити в дом крeпкаго и сосуды его расхитити, аще не первeе свяжет крeпкаго, и тогда дом его расхитит?

³⁰Иже нeсть со мною, на мя есть: и иже не собирает со мною, расточает.

³¹Сего ради глаголю вам: всяк грeх и хула отпустится человeком: а яже на духа хула не отпустится человeком:

³²и иже аще речет слово на Сына человeческаго, отпустится ему: а иже речет на духа святаго, не отпустится ему ни в сей вeк, ни в будущий.

³³Или сотворите древо добро и плод его добр: или сотворите древо зло и плод его зол: от плода бо древо познано будет.

³⁴Порождения ехиднова, како можете добро глаголати, зли суще? От избытка бо сердца уста глаголют.

³⁵Благий человeк от благаго сокровища износит благая: и лукавый человeк от лукаваго сокровища износит лукавая.

³⁶Глаголю же вам, яко всяко слово праздное, еже аще рекут человeцы, воздадят о нем слово в день судный:

³⁷от словес бо своих оправдишися и от словес своих осудишися.

³⁸Тогда отвeщаша нeцыи от книжник и фарисей, глаголюще: учителю, хощем от тебе знамение видeти.

³⁹Он же отвeщав рече им: род лукав и прелюбодeй знамения ищет, и знамение не дастся ему, токмо знамение ионы пророка:

⁴⁰якоже бо бe иона во чревe китовe три дни и три нощы, тако будет и Сын человeческий в сердцы земли три дни и три нощы.

⁴¹Мужие ниневитстии востанут на суд с родом сим и осудят его, яко покаяшася проповeдию иониною: и се, болe ионы здe.

⁴²Царица южская востанет на суд с родом сим и осудит и, яко прииде от конец земли слышати премудрость соломонову: и се, болe соломона здe.

⁴³Егда же нечистый дух изыдет от человeка, преходит сквозe безводная мeста, ищя покоя, и не обрeтает:

⁴⁴тогда речет: возвращуся в дом мой, отнюдуже изыдох. И пришед обрящет празден, пометен и украшен:

⁴⁵тогда идет и поймет с собою седмь иных духов лютeйших себе, и вшедше живут ту: и будут послeдняя человeку тому горша первых. Тако будет и роду сему лукавому.

⁴⁶Еще же ему глаголющу к народом, се, мати (его) и братия его стояху внe, ищуще глаголати ему.

⁴⁷Рече же нeкий ему: се, мати твоя и братия твоя внe стоят, хотяще глаголати тебe.

⁴⁸Он же отвeщав рече ко глаголющему ему: кто есть мати моя, и кто суть братия моя?

⁴⁹И простер руку свою на ученики своя, рече: се, мати моя и братия моя:

⁵⁰иже бо аще сотворит волю Отца моего, иже есть на небесeх, той брат мой, и сестра, и мати (ми) есть.