Read Новый Завет на церковнославянском языке От Матфея 13 Bible Online

От Матфея 13 - Новый Завет на церковнославянском языке bible

От Матфея 13

¹В день же той изшед Иисус из дому, сeдяше при мори.

²И собрашася к нему народи мнози, якоже ему в корабль влeзти и сeсти: и весь народ на брезe стояше.

³И глагола им притчами много, глаголя: се, изыде сeяй, да сeет:

⁴и сeющу ему, ова падоша при пути, и приидоша птицы и позобаша я:

⁵другая же падоша на каменных, идeже не имeяху земли многи, и абие прозябоша, зане не имeяху глубины земли:

⁶солнцу же возсиявшу присвянуша, и зане не имeяху корения, изсхоша:

⁷другая же падоша в тернии, и взыде терние и подави их:

⁸другая же падоша на земли добрeй и даяху плод, ово убо сто, ово же шестьдесят, ово же тридесять:

⁹имeяй ушы слышати да слышит.

¹⁰И приступивше ученицы (его) рекоша ему: почто притчами глаголеши им?

¹¹Он же отвeщав рече им: яко вам дано есть разумeти тайны царствия небeснаго, онeм же не дано есть:

¹²иже бо имать, дастся ему и преизбудет (ему): а иже не имать, и еже имать, возмется от него:

¹³сего ради в притчах глаголю им, яко видяще не видят, и слышаще не слышат, ни разумeют:

¹⁴и сбывается в них пророчество исаиино, глаголющее: слухом услышите, и не имате разумeти: и зряще узрите, и не имате видeти:

¹⁵отолстe бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумeют, и обратятся, и исцeлю их.

¹⁶Ваша же блаженна очеса, яко видят, и уши ваши, яко слышат:

¹⁷аминь бо глаголю вам, яко мнози пророцы и првдницы вожделeша видeти, яже видите, и не видeша, и слышати, яже слышите, и не слышаша.

¹⁸Вы же услышите притчу сeющаго:

¹⁹всякому слышащему слово царствия и не разумeвающу, приходит лукавый и восхищает всeянное в сердцы его: сие есть, еже при пути сeянное.

²⁰А на камени сeянное, сие есть слышай слово и абие с радостию приемлет е:

²¹не имать же корене в себe, но привременен есть: бывши же печали или гонению словесе ради, абие соблажняется.

²²А сeянное в тернии, се есть слышай слово, и печаль вeка сего и лесть богатства подавляет слово, и без плода бывает.

²³А сeянное на добрeй земли, се есть слышай слово и разумeвая: иже убо плод приносит и творит ово сто, ово же шестьдесят, ово тридесять.

²⁴Ину притчу предложи им, глаголя: уподобися царствие небeсное человeку, сeявшу доброе сeмя на селe своем:

²⁵спящым же человeком, прииде враг его и всeя плевелы посредe пшеницы и отиде:

²⁶егда же прозябе трава и плод сотвори, тогда явишася и плевелие.

²⁷Пришедше же раби господина, рeша ему: господи, не доброе ли сeмя сeял еси на селe твоем? откуду убо имать плевелы?

²⁸Он же рече им: враг человeк сие сотвори. Раби же рeша ему: хощеши ли убо, да шедше исплевем я?

²⁹Он же рече (им): ни: да не когда восторгающе плевелы, восторгнете купно с ними (и) пшеницу:

³⁰оставите расти обое купно до жатвы: и во время жатвы реку жателем: соберите первeе плевелы и свяжите их в Сынопы, яко сожещи я: а пшеницу соберите в житницу мою.

³¹Ину притчу предложи им, глаголя: подобно есть царствие небeсное зерну горушичну, еже взем человeк всeя на селe своем,

³²еже малeйше убо есть от всeх сeмен: егда же возрастет, болeе (всeх) зелий есть и бывает древо, яко приити птицам небесным и витати на вeтвех его.

³³Ину притчу глагола им: подобно есть царствие небeсное квасу, егоже вземши жена скры в сатeх триех муки, дондеже вскисоша вся.

³⁴Сия вся глагола Иисус в притчах народом, и без притчи ничесоже глаголаше к ним:

³⁵яко да сбудется реченное пророком, глаголющим: отверзу в притчах уста моя: отрыгну сокровенная от сложения мира.

³⁶Тогда оставль народы, прииде в дом Иисус. И приступиша к нему ученицы его, глаголюще: скажи нам притчу плевел селных.

³⁷Он же отвeщав рече им: сeявый доброе сeмя есть Сын человeческий:

³⁸а село есть мир: доброе же сeмя, сии суть Сынове царствия, а плевелие суть сынове неприязненнии:

³⁹а враг всeявый их есть диавол: а жатва кончина вeка есть: а жатели ангели суть.

⁴⁰Якоже убо собирают плевелы и огнем сожигают, тако будет в скончание вeка сего:

⁴¹послет Сын человeческий ангелы своя, и соберут от царствия его вся соблазны и творящих беззаконие

⁴²и ввергут их в пещь огненну: ту будет плачь и скрежет зубом:

⁴³тогда правдницы просвeтятся яко солнце в царствии Отца их. Имeяй ушы слышати да слышит.

⁴⁴Паки подобно есть царствие небeсное сокровищу сокровену на селe, еже обрeт человeк скры, и от радости его идет, и вся, елика имать, продает, и купует село то.

⁴⁵Паки подобно есть царствие небeсное человeку купцу, ищущу добрых бисерей,

⁴⁶иже обрeт един многоцeнен бисер, шед продаде вся, елика имяше, и купи его.

⁴⁷Паки подобно есть царствие небeсное неводу ввержену в море и от всякаго рода собравшу,

⁴⁸иже егда исполнися, извлекоша и на край, и сeдше избраша добрыя в сосуды, а злыя извергоша вон.

⁴⁹Тако будет в скончание вeка: изыдут ангели, и отлучат злыя от среды првдных,

⁵⁰и ввергут их в пещь огненную: ту будет плачь и скрежет зубом.

⁵¹Глагола им Иисус: разумeсте ли сия вся? Глаголаша ему: ей, Господи.

⁵²Он же рече им: сего ради всяк книжник, научився царствию небeсному, подобен есть человeку домовиту, иже износит от сокровища своего новая и ветхая.

⁵³И бысть, егда сконча Иисус притчи сия, прейде оттуду.

⁵⁴И пришед во отечествие свое, учаше их на сонмищи их, яко дивитися им и глаголати: откуду сему премдрость сия и силы?

⁵⁵не сей ли есть тектонов Сын? не мати ли его нарицается мариам, и братия его иаков и иосий, и симон и иуда?

⁵⁶и сестры его не вся ли в нас суть? откуду убо сему сия вся?

⁵⁷И блажняхуся о нем. Иисус же рече им: нeсть пророк без чести, токмо во отечествии своем и в дому своем.

⁵⁸И не сотвори ту сил многих за невeрство их.