Read Новый Завет на церковнославянском языке От Матфея 14 Bible Online

От Матфея 14 - Новый Завет на церковнославянском языке bible

От Матфея 14

¹В то время услыша ирод четвертовластник слух Иисусов

²и рече отроком своим: сей есть иоанн креститель: той воскресе от мертвых, и сего ради силы дeются о нем.

³Ирод бо емь иоанна, связа его и всади в темницу, иродиады ради жены филиппа брата своего:

⁴глаголаше бо ему иоанн: не достоит ти имeти ея.

⁵И хотящь его убити, убояся народа, зане яко пророка его имeяху.

⁶Дню же бывшу рождества иродова, пляса дщи иродиадина посредe и угоди иродови:

⁷тeмже и с клятвою изрече ей дати, егоже аще воспросит.

⁸Она же наваждена материю своею, даждь ми, рече, здe на блюдe главу иоанна крестителя.

⁹И печален бысть царь: клятвы же ради и за возлежащих с ним, повелe дати (ей)

¹⁰и послав усeкну иоанна в темницe.

¹¹И принесоша главу его на блюдe и даша дeвицe: и отнесе матери своей.

¹²И приступльше ученицы его взяша тeло (его) и погребоша е: и пришедше возвeстиша Иисусови.

¹³И слышав Иисус отиде оттуду в корабли в пусто мeсто един (особь): и слышавше народи по нем идоша пeши от градов.

¹⁴И изшед Иисус видe мног народ, и милосердова о них, и исцeли недужныя их.

¹⁵Поздe же бывшу, приступиша к нему ученицы его, глаголюще: пусто есть мeсто, и час уже мину: отпусти народы, да шедше в веси купят брашна себe.

¹⁶Иисус же рече им: не требуют отити: дадите им вы ясти.

¹⁷Они же глаголаша ему: не имамы здe токмо пять хлeб и двe рыбe.

¹⁸Он же рече: принесите ми их сeмо.

¹⁹И повелeв народом возлещи на травe, и прием пять хлeб и обe рыбe, воззрeв на небо, благослови и преломив даде учеником хлeбы, ученицы же народом.

²⁰И ядоша вси и насытишася: и взяша избытки укрух, дванадесять кошя исполнь:

²¹ядущих же бe мужей яко пять тысящ, развe жен и дeтей.

²²И абие понуди Иисус ученики своя влeзти в корабль и варити его на оном полу (предити ему на он пол), дондеже отпустит народы.

²³И отпустив народы, взыде на гору един помолитися: поздe же бывшу, един бe ту.

²⁴Корабль же бe посредe моря влаяся волнами: бe бо противен вeтр.

²⁵В четвертую же стражу нощи иде к ним Иисус, ходя по морю.

²⁶И видeвше его ученицы по морю ходяща, смутишася, глаголюще, яко призрак есть: и от страха возопиша.

²⁷Абие же рече им Иисус, глаголя: дерзайте: аз есмь, не бойтеся.

²⁸Отвeщав же петр рече: Господи, аще ты еси, повели ми приити к тебe по водам.

²⁹Он же рече: прииди. И излeз из корабля петр, хождаше по водам, приити ко Иисусови:

³⁰видя же вeтр крeпок, убояся, и начен утопати, возопи, глаголя: Господи, спаси мя.

³¹И абие Иисус простер руку, ят его и глагола ему: маловeре, почто усумнeлся еси?

³²И влeзшема има в корабль, преста вeтр.

³³Сущии же в корабли пришедше поклонишася ему, глаголюще: воистинну Божий Сын еси.

³⁴И прешедше приидоша в землю геннисарефскую.

³⁵И познавше его мужие мeста того, послаша во всю страну ту, и принесоша к нему вся болящыя:

³⁶и моляху его, да токмо прикоснутся вскрилию ризы его: и елицы прикоснушася, спасени быша.