Read Новый Завет на церковнославянском языке От Матфея 16 Bible Online

От Матфея 16 - Новый Завет на церковнославянском языке bible

От Матфея 16

¹И приступиша (к нему) фарисее и саддукее, искушающе просиша его знамение с небесе показати им.

²Он же отвeщав рече им: вечеру бывшу, глаголете: ведро, чермнуетбося небо:

³и утру: днесь зима, чермнуетбося дряселуя небо. Лицемeри, лице убо небесе умeете разсуждати, знамений же временом не можете (искусити).

⁴Род лукав и прелюбодeйный знамения ищет: и знамение не дастся ему, токмо знамение ионы пророка. И оставль их, отиде.

⁵И прешедше ученицы его на он пол, забыша хлeбы взяти.

⁶Иисус же рече им: внемлите и блюдитеся от кваса фарисейска и саддукейска.

⁷Они же помышляху в себe, глаголюще: яко хлeбы не взяхом.

⁸Разумeв же Иисус рече им: что мыслите в себe, маловeри, яко хлeбы не взясте?

⁹не у ли разумeете, ниже помните пять хлeбы пятим тысящам, и колико кош взясте?

¹⁰ни ли седмь хлeбы четырем тысящам, и колико кошниц взясте?

¹¹како не разумeете, яко не о хлeбeх рeх вам внимати, (но) от кваса фарисейска и саддукейска?

¹²Тогда разумeша, яко не рече хранитися от кваса хлeбнаго, но от учения фарисейска и саддукейска.

¹³Пришед же Иисус во страны кесарии филипповы, вопрошаше ученики своя, глаголя: кого мя глаголют человeцы быти, Сына человeческаго?

¹⁴Они же рeша: ови убо иоанна крестителя, инии же илию, друзии же иеремию или единаго от пророк.

¹⁵Глагола им (Иисус): вы же кого мя глаголете быти?

¹⁶Отвeщав же симон петр рече: ты еси Христос, Сын Бога живаго.

¹⁷И отвeщав Иисус рече ему: блажен еси, симоне, вар иона, яко плоть и кровь не яви тебe, но Отец мой, иже на небесeх:

¹⁸и аз же тебe глаголю, яко ты еси петр, и на сем камени созижду церковь мою, и врата адова не одолeют ей:

¹⁹и дам ти ключи царства небeснаго: и еже аще свяжеши на земли, будет связано на небесeх: и еже аще разрeшиши на земли, будет разрeшено на небесeх.

²⁰Тогда запрети Иисус учеником своим, да ни комуже рекут, яко сей есть Иисус Христос.

²¹Оттолe начат Иисус сказовати учеником своим, яко подобает ему ити во иерусалим и много пострадати от старец и архиерей и книжник, и убиену быти, и в третий день востати.

²²И поемь его петр, начат прерeцати ему глаголя: милосерд ты, Господи: не имать быти тебe сие.

²³Он же обращься рече петрови: иди за мною, сатано, соблазн ми еси: яко не мыслиши яже (суть) Божия, но человeческая.

²⁴Тогда Иисус рече учеником своим: аще кто хощет по мнe ити, да отвержется себе и возмет крест свой и по мнe грядет:

²⁵иже бо аще хощет душу свою спасти, погубит ю: и иже аще погубит душу свою мене ради, обрящет ю:

²⁶кая бо польза человeку, аще мир весь приобрящет, душу же свою отщетит? или что даст человeк измeну за душу свою?

²⁷приити бо имать Сын человeческий во славe Отца своего со ангелы своими, и тогда воздаст комуждо по дeянием его:

²⁸аминь глаголю вам, (яко) суть нeцыи от здe стоящих, иже не имут вкусити смерти, дондеже видят Сына человeческаго грядуща во царствии своем.