Read Новый Завет на церковнославянском языке От Матфея 17 Bible Online

От Матфея 17 - Новый Завет на церковнославянском языке bible

От Матфея 17

¹И по днех шестих поят Иисус петра и иакова и иоанна брата его, и возведе их на гору высоку едины,

²и преобразися пред ними: и просвeтися лице его яко солнце, ризы же его быша бeлы яко свeт.

³И се, явистася им моисей и илиа, с ним глаголюща.

⁴Отвeщав же петр рече (ко) Иисусови: Господи, добро есть нам здe быти: аще хощеши, сотворим здe три сeни, тебe едину, и моисеови едину, и едину илии.

⁵Еще (же) ему глаголющу, се, облак свeтел осeни их: и се, глас из облака глаголя: сей есть Сын мой возлюбленный, о немже благоволих: того послушайте.

⁶И слышавше ученицы падоша ницы и убояшася зeло.

⁷И приступль Иисус прикоснуся их и рече: востаните и не бойтеся.

⁸Возведше же очи свои, ни когоже видeша, токмо Иисуса единаго.

⁹И сходящым им с горы, заповeда им Иисус, глаголя: ни комуже повeдите видeния, дондеже Сын человeческий из мертвых воскреснет.

¹⁰И вопросиша его ученицы его, глаголюще: что убо книжницы глаголют, яко илии подобает приити прежде?

¹¹Иисус же отвeщав рече им: илиа убо приидет прежде и устроит вся:

¹²глаголю же вам, яко илиа уже прииде, и не познаша его, но сотвориша о нем, елика восхотeша: тако и Сын человeческий имать пострадати от них.

¹³Тогда разумeша ученицы, яко о иоаннe крестители рече им.

¹⁴И пришедшым им к народу, приступи к нему человeк, кланяяся ему

¹⁵и глаголя: Господи, помилуй сына моего, яко на новы мeсяцы бeснуется и злe страждет: множицею бо падает во огнь и множицею в воду:

¹⁶и приведох его ко учеником твоим, и не возмогоша его исцeлити.

¹⁷Отвeщав же Иисус рече: о!, роде невeрный и развращенный, доколe буду с вами? доколe терплю вам? приведите ми его сeмо.

¹⁸И запрети ему Иисус, и изыде из него бeс: и исцeлe отрок от часа того.

¹⁹Тогда приступльше ученицы ко Иисусу на единe, рeша: почто мы не возмогохом изгнати его?

²⁰Иисус же рече им: за невeрствие ваше: аминь бо глаголю вам: аще имате вeру яко зерно горушно, речете горe сей: прейди отсюду тамо, и прейдет: и ничтоже невозможно будет вам:

²¹сей же род не исходит, токмо молитвою и постом.

²²Живущым же им в галилеи, рече им Иисус: предан имать быти Сын человeческий в руцe человeком,

²³и убиют его, и в третий день востанет. И скорбни быша зeло.

²⁴Пришедшым же им в капернаум, приступиша приемлющии дидрахмы к петрови и рeша: учитель ваш не даст ли дидрахмы?

²⁵Глаголя: ей. И егда вниде в дом, предвари его Иисус, глаголя: что ти мнится, симоне? царие земстии от киих приемлют дани или кинсон? от своих ли сынов, или от чужих?

²⁶Глагола ему петр: от чужих. Рече ему Иисус: убо свободни суть сынове:

²⁷но да не соблазним их, шед на море, верзи удицу, и, юже прежде имеши рыбу, возми: и отверз уста ей, обрящеши статир: той взем даждь им за мя и за ся.