Read Новый Завет на церковнославянском языке От Матфея 18 Bible Online

От Матфея 18 - Новый Завет на церковнославянском языке bible

От Матфея 18

¹В той час приступиша ученицы ко Иисусу, глаголюще: кто убо болий есть в царствии небeснeм?

²И призвав Иисус отроча, постави е посредe их

³и рече: аминь глаголю вам, аще не обратитеся и будете яко дeти, не внидете в царство небeсное:

⁴иже убо смирится яко отроча сие, той есть болий во царствии небeснeм:

⁵и иже аще приимет отроча таково во имя мое, мене приемлет:

⁶а иже аще соблазнит единаго малых сих вeрующих в мя, уне есть ему, да обeсится жернов оселский на выи его, и потонет в пучинe морстeй.

⁷Горе миру от соблазн: нужда бо есть приити соблазном: обаче горе человeку тому, имже соблазн приходит.

⁸Аще ли рука твоя или нога твоя соблажняет тя, отсeцы ю и верзи от себе: добрeйше ти есть внити в живот хрому или бeдну (без руки), неже двe руцe и двe нозe имущу ввержену быти во огнь вeчный:

⁹и аще око твое соблажняет тя, изми е и верзи от себе: добрeйше ти есть со единeм оком в живот внити, неже двe оцe имущу ввержену быти в геенну огненную.

¹⁰Блюдите, да не презрите единаго (от) малых сих: глаголю бо вам, яко ангели их на небесeх выну видят лице Отца моего небeснаго.

¹¹Прииде бо Сын человeческий (взыскати и) спасти погибшаго.

¹²Что вам мнится? Аще будет нeкоему человeку сто овец, и заблудит едина от них: не оставит ли девятьдесят и девять в горах и шед ищет заблуждшия?

¹³и аще будет (приключится) обрeсти ю, аминь глаголю вам, яко радуется о ней паче, неже о девятидесятих и девяти не заблуждших.

¹⁴Тако нeсть воля пред Отцем вашим небeсным, да погибнет един от малых сих.

¹⁵Аще же согрeшит к тебe брат твой, иди и обличи его между тобою и тeм единeм: аще тебе послушает, приобрeл еси брата твоего:

¹⁶аще ли тебе не послушает, поими с собою еще единаго или два, да при устeх двою или триех свидeтелей станет всяк глагол:

¹⁷аще же не послушает их, повeждь церкви: аще же и церковь преслушает, буди тебe якоже язычник и мытарь.

¹⁸Аминь (бо) глаголю вам: елика аще свяжете на земли, будут связана на небеси: и елика аще разрeшите на земли, будут разрeшена на небесeх.

¹⁹Паки аминь глаголю вам, яко аще два от вас совeщаета на земли о всяцeй вещи, еяже аще просита, будет има от Отца моего, иже на небесeх:

²⁰идeже бо еста два или трие собрани во имя мое, ту есмь посредe их.

²¹Тогда приступль к нему петр рече: Господи, колькраты аще согрeшит в мя брат мой, и отпущу ли ему до седмь крат?

²²Глагола ему Иисус: не глаголю тебe: до седмь крат, но до седмьдесят крат седмерицею.

²³Сего ради уподобися царствие небeсное человeку царю, иже восхотe стязатися о словеси с рабы своими.

²⁴Наченшу же ему стязатися, приведоша ему единаго должника тмою талант:

²⁵не имущу же ему воздати, повелe и господь его продати, и жену его, и чада, и вся, елика имeяше, и отдати.

²⁶Пад убо раб той, кланяшеся ему, глаголя: господи, потерпи на мнe, и вся ти воздам.

²⁷Милосердовав же господь раба того, прости его и долг отпусти ему.

²⁸Изшед же раб той, обрeте единаго (от) клеврет своих, иже бe должен ему стом пeнязь: и емь его давляше, глаголя: отдаждь ми, имже (ми) еси должен.

²⁹Пад убо клеврет его на нозe его, моляше его, глаголя: потерпи на мнe, и вся воздам ти.

³⁰Он же не хотяше, но вед всади его в темницу, дондеже воздаст должное.

³¹Видeвше же клеврети его бывшая, сжалиша си зeло и пришедше сказаша господину своему вся бывшая.

³²Тогда призвав его господин его, глагола ему: рабе лукавый, весь долг он отпустих тебe, понеже умолил мя еси:

³³не подобаше ли и тебe помиловати клеврета твоего, якоже и аз тя помиловах?

³⁴И прогнeвався господь его, предаде его мучителем, дондеже воздаст весь долг свой.

³⁵Тако и Отец мой небeсный сотворит вам, аще не отпустите кийждо брату своему от сердец ваших прегрeшения их.