Read Новый Завет на церковнославянском языке От Матфея 19 Bible Online

От Матфея 19 - Новый Завет на церковнославянском языке bible

От Матфея 19

¹И бысть егда сконча Иисус словеса сия, прейде от галилеи и прииде в предeлы иудейския об он пол иордана.

²И по нем идоша народи мнози, и исцeли их ту.

³И приступиша к нему фарисее искушающе его и глаголаша ему: аще достоит человeку пустити жену свою по всяцeй винe?

⁴Он же отвeщав рече им: нeсте ли чли, яко сотворивый искони, мужеский пол и женский сотворил я есть?

⁵И рече: сего ради оставит человeк отца (своего) и матерь и прилeпится к женe своей, и будета оба в плоть едину,

⁶якоже ктому нeста два, но плоть едина: еже убо Бог сочета, человeк да не разлучает.

⁷Глаголаша ему: что убо моисей заповeда дати книгу распустную и отпустити ю?

⁸Глагола им: яко моисей по жестосердию вашему повелe вам пустити жены вашя: изначала же не бысть тако:

⁹глаголю же вам, яко иже аще пустит жену свою, развe словесе прелюбодeйна, и оженится иною, прелюбы творит: и женяйся пущеницею прелюбы дeет.

¹⁰Глаголаша ему ученицы его: аще тако есть вина человeку с женою, лучше есть не женитися.

¹¹Он же рече им: не вси вмeщают словесе сего, но имже дано есть:

¹²суть бо скопцы, иже из чрева матерня родишася тако: и суть скопцы, иже скопишася от человeк: и суть скопцы, иже исказиша сами себе царствия ради небeснаго: могий вмeстити да вмeстит.

¹³Тогда приведоша к нему дeти, да руцe возложит на них и помолится: ученицы же запретиша им.

¹⁴Иисус же рече (им): оставите дeтей и не возбраняйте им приити ко мнe: таковых бо есть царство небeсное.

¹⁵И возложь на них руцe, отиде оттуду.

¹⁶И се, един (нeкий) приступль рече ему: учителю благий, что благо сотворю, да имам живот вeчный?

¹⁷Он же рече ему: что мя глаголеши блага? никтоже благ, токмо един Бог: аще ли хощеши внити в живот, соблюди заповeди.

¹⁸Глагола ему: кия? Иисус же рече: еже, не убиеши: не прелюбы сотвориши: не украдеши: не лжесвидeтелствуеши:

¹⁹чти отца и матерь: и: возлюбиши искренняго твоего яко сам себе.

²⁰Глагола ему юноша: вся сия сохраних от юности моея: что есмь еще не докончал?

²¹Рече ему Иисус: аще хощеши совершен быти, иди, продаждь имeние твое и даждь нищым: и имeти имаши сокровище на небеси: и гряди вслeд мене.

²²Слышав же юноша слово, отиде скорбя: бe бо имeя стяжания многа.

²³Иисус же рече учеником своим: аминь глаголю вам, яко неудобь богатый внидет в царствие небeсное:

²⁴паки же глаголю вам: удобeе есть велбуду сквозe иглинe ушы проити, неже богату в царствие Божие внити.

²⁵Слышавше же ученицы его, дивляхуся зeло, глаголюще: кто убо может спасен быти?

²⁶Воззрeв же Иисус рече им: у человeк сие невозможно есть, у Бога же вся возможна.

²⁷Тогда отвeщав петр рече ему: се, мы оставихом вся и вслeд тебе идохом: что убо будет нам?

²⁸Иисус же рече им: аминь глаголю вам, яко вы шедшии по мнe, в пакибытие, егда сядет Сын человeческий на престолe славы своея, сядете и вы на двоюнадесяте престолу, судяще обeманадесяте колeнома Израилевома:

²⁹и всяк, иже оставит дом, или братию, или сестры, или отца, или матерь, или жену, или чада, или села, имене моего ради, сторицею приимет и живот вeчный наслeдит:

³⁰мнози же будут перви послeднии, и послeдни первии.