Read Новый Завет на церковнославянском языке От Матфея 2 Bible Online

От Матфея 2 - Новый Завет на церковнославянском языке bible

От Матфея 2

¹Иисусу же рождшуся в вифлеемe иудейстeм во дни ирода царя, се, волсви от восток приидоша во иерусалим, глаголюще:

²гдe есть рождейся царь иудеиский? видeхом бо звeзду его на востоцe и приидохом поклонитися ему.

³Слышав же ирод царь смутися, и весь иерусалим с ним.

⁴И собрав вся первосвященники и книжники людския, вопрошаше от них: гдe Христос раждается?

⁵Они же рекоша ему: в вифлеемe иудейстeм, тако бо писано есть пророком:

⁶и ты, вифлееме, земле иудова, ни чимже менши еси во владыках иудовых: из тебе бо изыдет вождь, иже упасет люди моя Израиля.

⁷Тогда ирод тай призва волхвы, и испытоваше от них время явльшияся звeзды,

⁸и послав их в вифлеем, рече: шедше испытайте извeстно о отрочати: егда же обрящете, возвeстите ми, яко да и аз шед поклонюся ему.

⁹Они же послушавше царя, идоша. И се, звeзда, юже видeша на востоцe, идяше пред ними, дондеже пришедши ста верху, идeже бe отроча.

¹⁰Видeвше же звeзду, возрадовашася радостию велиею зeло,

¹¹и пришедше в храмину, видeша отроча с мариею Материю его, и падше поклонишася ему: и отверзше сокровища своя, принесоша ему дары, злато и ливан и смирну.

¹²И вeсть приемше во снe не возвратитися ко ироду, иным путем отидоша во страну свою.

¹³Отшедшым же им, се, ангел Господень во снe явися иосифу, глаголя: востав поими отроча и Матерь его, и бeжи во египет, и буди тамо, дондеже реку ти: хощет бо ирод искати отрочате, да погубит е.

¹⁴Он же востав, поят отроча и Матерь его нощию, и отиде во египет,

¹⁵и бe тамо до умертвия иродова: да сбудется реченное от Господа пророком, глаголющим: от египта воззвах Сына моего.

¹⁶Тогда ирод видeв, яко поруган бысть от волхвов, разгнeвася зeло и послав изби вся дeти сущыя в вифлеемe и во всeх предeлeх его, от двою лeту и нижайше, по времени, еже извeстно испыта от волхвов.

¹⁷Тогда сбыстся реченное иеремием пророком, глаголющим:

¹⁸глас в рамe слышан бысть, плачь и рыдание и вопль мног: рахиль плачущися чад своих, и не хотяше утeшитися, яко не суть.

¹⁹Умершу же ироду, се, ангел Господень во снe явися иосифу во египтe,

²⁰глаголя: востав поими отроча и Матерь его и иди в землю Израилеву, изомроша бо ищущии души отрочате.

²¹Он же востав, поят отроча и Матерь его и прииде в землю Израилеву.

²²Слышав же, яко архелай царствует во иудеи вмeсто ирода отца своего, убояся тамо ити: вeсть же приемь во cнe, отиде в предeлы галилейския.

²³И пришед вселися во градe нарицаемeм назарет: яко да сбудется реченное пророки, яко назорей наречется.