Read Новый Завет на церковнославянском языке От Матфея 21 Bible Online

От Матфея 21 - Новый Завет на церковнославянском языке bible

От Матфея 21

¹И егда приближишася во иерусалим и приидоша в виффагию к горe елеонстeй, тогда Иисус посла два ученика,

²глаголя има: идита в весь, яже прямо вама: и абие обрящета осля привязано, и жребя с ним: отрeшивша приведита ми:

³и аще вама кто речет что, речета, яко Господь ею требует: абие же послет я.

⁴Сие же все бысть, да сбудется реченное пророком, глаголющим:

⁵рцыте дщери сионовe: се, царь твой грядет тебe кроток, и всeд на осля и жребя, сына подяремнича.

⁶Шедша же ученика и сотворша, якоже повелe има Иисус,

⁷приведоста осля и жребя: и возложиша верху ею ризы своя, и всeде верху их.

⁸Множайшии же народи постилаху ризы своя по пути: друзии же рeзаху вeтви от древ и постилаху по пути.

⁹Народи же предходящии (ему) и вслeдствующии зваху, глаголюще: осанна Сыну давидову: благословен грядый во имя Господне: осанна в вышних.

¹⁰И вшедшу ему во иерусалим, потрясеся весь град, глаголя: кто есть сей?

¹¹Народи же глаголаху: сей есть Иисус пророк, иже от назарета галилейска.

¹²И вниде Иисус в церковь Божию и изгна вся продающыя и купующыя в церкви, и трапезы торжником испроверже и сeдалища продающих голуби,

¹³и глагола им: писано есть: храм мой храм молитвы наречется: вы же сотвористе и вертеп разбойником.

¹⁴И приступиша к нему хромии и слeпии в церкви: и исцeли их.

¹⁵Видeвше же архиерее и книжницы чудеса, яже сотвори, и отроки зовущя в церкви и глаголющя: осанна Сыну давидову, негодоваша

¹⁶и рeша ему: слышиши ли, что сии глаголют? Иисус же рече им: ей: нeсте ли чли николиже, яко из уст младенец и ссущих совершил еси хвалу?

¹⁷И оставль их, изыде вон из града в вифанию и водворися ту.

¹⁸Утру же возвращься во град, взалка:

¹⁹и узрeв смоковницу едину при пути, прииде к ней, и ничтоже обрeте на ней, токмо листвие едино, и глагола ей: да николиже от тебе плода будет во вeки. И абие изсше смоковница.

²⁰И видeвше ученицы дивишася, глаголюще: како абие изсше смоковница?

²¹Отвeщав же Иисус рече им: аминь глаголю вам: аще имате вeру и не усумнитеся, не токмо смоковничное сотворите, но аще и горe сей речете: двигнися и верзися в море, будет:

²²и вся, елика аще воспросите в молитвe вeрующе, приимете.

²³И пришедшу ему в церковь, приступиша к нему учащу архиерее и старцы людстии, глаголюще: коею властию сия твориши? и кто ти даде власть сию?

²⁴Отвeщав же Иисус рече им: вопрошу вы и аз слово едино: еже аще речете мнe, и аз вам реку, коею властию сия творю:

²⁵креещение иоанново откуду бe? с небесе ли, или от человeк? Они же помышляху в себe, глаголюще: аще речем, с небесе: речет нам: почто убо не вeровасте ему?

²⁶аще ли речем, от человeк: боимся народа: вси бо имут иоанна яко пророка.

²⁷И отвeщавше Иисусови рeша: не вeмы. Рече им и той: ни аз вам глю, коею властию сия творю.

²⁸Что же ся вам мнит? Человeк нeкий имяше два сына, и пришед к первому, рече: чадо, иди днесь, дeлай в виноградe моем.

²⁹Он же отвeщав рече: не хощу: послeди же раскаявся, иде.

³⁰И приступль к другому, рече такоже. Он же отвeщав рече: аз, господи (иду): и не иде.

³¹Кий от обою сотвори волю отчу? Глаголаша ему: первый. Глагола им Иисус: аминь глаголю вам, яко мытари и любодeйцы варяют вы в царствии Божии:

³²прииде бо к вам иоанн (креститель) путем првдным, и не вeровасте ему, мытари же и любодeйцы вeроваша ему: вы же видeвше, не раскаястеся послeди вeровати ему.

³³Ину притчу слышите. Человeк нeкий бe домовит, иже насади виноград, и оплотом огради его, и ископа в нем точило, и созда столп, и вдаде и дeлателем, и отиде.

³⁴Егда же приближися время плодов, посла рабы своя к дeлателем прияти плоды его:

³⁵и емше дeлателе рабов его, оваго убо биша, оваго же убиша, оваго же камением побиша.

³⁶Паки посла ины рабы множайшя первых: и сотвориша им такоже.

³⁷Послeди же посла к ним сына своего, глаголя: усрамятся сына моего.

³⁸Дeлателе же видeвше сына, рeша в себe: сей есть наслeдник: приидите, убием его и удержим достояние его.

³⁹И емше его изведоша вон из винограда и убиша.

⁴⁰Егда убо приидет господин винограда, что сотворит дeлателем тeм?

⁴¹Глаголаша ему: злых злe погубит их, и виноград предаст иным дeлателем, иже воздадят ему плоды во времена своя.

⁴²Глагола им Иисус: нeсте ли чли николиже в писаниих: камень, егоже не в ряду сотвориша (небрегоша) зиждущии, сей бысть во главу угла? от Господа бысть сие, и есть дивно во очию вашею (нашею).

⁴³Сего ради глаголю вам, яко отимется от вас царствие Божие и дастся языку творящему плоды его:

⁴⁴и падый на камени сем сокрушится: а на немже падет, сотрыет и.

⁴⁵И слышавше архиерее и фарисее притчи его, разумeша, яко о них глаголет:

⁴⁶и ищуще его яти, убояшася народа, понеже яко пророка его имeяху.