Read Новый Завет на церковнославянском языке От Матфея 22 Bible Online

От Матфея 22 - Новый Завет на церковнославянском языке bible

От Матфея 22

¹И отвeщав Иисус, паки рече им в притчах, глаголя:

²уподобися царствие небeсное человeку царю, иже сотвори браки сыну своему

³и посла рабы своя призвати званныя на браки: и не хотяху приити.

⁴Паки посла ины рабы, глаголя: рцыте званным: се, обeд мой уготовах, юнцы мои и упитанная исколена, и вся готова: приидите на браки.

⁵Они же небрегше отидоша, ов убо на село свое, ов же на купли своя:

⁶прочии же емше рабов его, досадиша им и убиша их.

⁷И слышав царь той разгнeвася, и послав воя своя, погуби убийцы оны и град их зажже.

⁸Тогда глагола рабом своим: брак убо готов есть, званнии же не быша достойни:

⁹идите убо на исходища путий, и елицeх аще обрящете, призовите на браки.

¹⁰И изшедше раби они на распутия, собраша всeх, елицeх обрeтоша, злых же и добрых: и исполнися брак возлежащих.

¹¹Вшед же царь видeти возлежащих, видe ту человeка не оболчена во одeяние брачное,

¹²и глагола ему: друже, како вшел еси сeмо не имый одeяния брачна? Он же умолча.

¹³Тогда рече царь слугам: связавше ему руцe и нозe, возмите его и вверзите во тму кромeшнюю: ту будет плачь и скрежет зубом:

¹⁴мнози бо суть звани, мало же избранных.

¹⁵Тогда шедше фарисее, совeт восприяша, яко да обольстят его словом.

¹⁶И посылают к нему ученики своя со иродианы, глаголюще: учителю, вeмы, яко истинен еси, и пути Божию воистинну учиши, и нерадиши ни о комже: не зриши бо на лице человeком:

¹⁷рцы убо нам, что ти ся мнит? достойно ли есть дати кинсон кесареви, или ни?

¹⁸Разумeв же Иисус лукавство их, рече: что мя искушаете, лицемeри?

¹⁹покажите ми златицу кинсонную. Они же принесоша ему пeнязь.

²⁰И глагола им: чий образ сей и написание?

²¹(И) глаголаша ему: кесарев. Тогда глагола им: воздадите убо кесарева кесареви, и Божия Богови.

²²И слышавше дивишася: и оставльше его отидоша.

²³В той день приступиша к нему саддукее, иже глаголют не быти воскреснию, и вопросиша его,

²⁴глаголюще: учителю, моисей рече: аще кто умрет не имый чад, (да) поймет брат его жену его и воскресит сeмя брата своего:

²⁵бeша же в нас седмь братия: и первый оженься умре, и не имый сeмене, остави жену свою брату своему:

²⁶такожде же и вторый, и третий, даже до седмаго:

²⁷послeди же всeх умре и жена:

²⁸в воскресние убо, котораго от седмих будет жена? вси бо имeша ю.

²⁹Отвeщав же Иисус рече им: прельщаетеся, не вeдуще писания, ни силы Божия:

³⁰в воскрение бо ни женятся, ни посягают, но яко ангели Божии на небеси суть:

³¹о воскреснии же мертвых нeсте ли чли реченнаго вам Богом, глаголющим:

³²аз есмь Бог авраамов, и Бог исааков, и Бог иаковль? нeсть Бог Бог мертвых, но (Бог) живых.

³³И слышавше народи дивляхуся о учении его.

³⁴Фарисее же слышавше, яко посрами саддукеи, собрашася вкупe.

³⁵И вопроси един от них законоучитель, искушая его и глаголя:

³⁶учителю, кая заповeдь болши (есть) в законe?

³⁷Иисус же рече ему: возлюбиши Господа Бога твоего всeм сердцем твоим, и всею душею твоею, и всею мыслию твоею:

³⁸сия есть первая и болшая заповeдь:

³⁹вторая же подобна ей: возлюбиши искренняго твоего яко сам себе:

⁴⁰в сию обою заповeдию весь закон и пророцы висят.

⁴¹Собравшымся же фарисеом, вопроси их Иисус,

⁴²глаголя: что вам мнится о Христe? чий есть Сын? Глаголаша ему: давидов.

⁴³Глагола им: како убо давид духом Господа его нарицает, глаголя:

⁴⁴рече Господь Господеви моему: сeди одесную мене, дондеже положу враги твоя подножие ногама твоима?

⁴⁵аще убо давид нарицает его Господа, како Сын ему есть?

⁴⁶И никтоже можаше отвeщати ему словесе: ниже смeяше кто от того дне вопросити его ктому.