Read Новый Завет на церковнославянском языке От Матфея 23 Bible Online

От Матфея 23 - Новый Завет на церковнославянском языке bible

От Матфея 23

¹Тогда Иисус глагола к народом и учеником своим,

²глаголя: на моисеовe сeдалищи сeдоша книжницы и фарисее:

³вся убо, елика аще рекут вам блюсти, соблюдайте и творите: по дeлом же их не творите: глаголют бо, и не творят:

⁴связуют бо бремена тяжка и бeднe носима, и возлагают на плеща человeческа, перстом же своим не хотят двигнути их.

⁵Вся же дeла своя творят, да видими будут человeки: разширяют же хранилища своя и величают воскрилия риз своих:

⁶любят же преждевозлегания на вечерях, и преждесeдания на сонмищих,

⁷и цeлования на торжищих, и зватися от человeк: учителю, учителю.

⁸Вы же не нарицайтеся учителие: един бо есть ваш учитель, Христос: вси же вы братия есте:

⁹и отца не зовите себe на земли: един бо есть Отец ваш, иже на небесeх:

¹⁰ниже нарицайтеся наставницы: един бо есть наставник ваш, Христос.

¹¹Болий же в вас да будет вам слуга:

¹²иже бо вознесется, смирится: и смиряяйся вознесется.

¹³Горе вам, книжницы и фарисее, лицемeри, яко затворяете царствие небeсное пред человeки: вы бо не входите, ни входящих оставляете внити.

¹⁴Горе вам, книжницы и фарисее, лицемeри, яко Сынeдаете домы вдовиц, и виною далече молитвы творяще (и лицемeрно на долзe молитвы творите): сего ради лишшее приимете осуждение.

¹⁵Горе вам, книжницы и фарисее, лицемeри, яко преходите море и сушу, сотворити единаго пришелца: и егда будет, творите его сына геенны сугубeйша вас.

¹⁶Горе вам, вожди слeпии, глаголющии: иже аще кленется церковию, ничесоже есть: а иже кленется златом церковным, должен есть.

¹⁷Буи и слeпии, что бо болeе есть, злато ли, или церковь, святящая злато?

¹⁸И: иже аще кленется олтарем, ничесоже есть: а иже кленется даром, иже верху его, должен есть.

¹⁹Буи и слeпии, что бо болeе, дар ли, или олтарь, святяй дар?

²⁰Иже убо кленется олтарем, кленется им и сущим верху его:

²¹и иже кленется церковию, кленется ею и живущим в ней:

²²и кленыйся небесем кленется престолом Божиим и сeдящим на нем.

²³Горе вам, книжницы и фарисее, лицемeри, яко одесятствуете мятву и копр и кимин, и остависте вящшая закона, суд и милость и вeру: сия (же) подобаше творити, и онeх не оставляти.

²⁴Вожди слeпии, оцeждающии комары, велблуды же пожирающе.

²⁵Горе вам, книжницы и фарисее лицемeри, яко очищаете внeшнее сткляницы и блюда, внутрьуду же суть полни хищения и неправды:

²⁶фарисее слeпый, очисти прежде внутреннее сткляницы и блюда, да будет и внeшнее има чисто.

²⁷Горе вам, книжницы и фарисее, лицемeри, яко подобитеся гробом повапленым, иже внeуду убо являются красны, внутрьуду же полни суть костей мертвых и всякия нечистоты:

²⁸тако и вы, внeуду убо являетеся человeком праведни, внутрьуду же есте полни лицемeрия и беззакония.

²⁹Горе вам, книжницы и фарисее, лицемeри, яко зиждете гробы пророческия, и красите раки првдных,

³⁰и глаголете: аще быхом были во дни отец наших, не быхом убо общницы им были в крови пророк:

³¹тeмже сами свидeтелствуете себe, яко сынове есте избивших пророки:

³²и вы исполните мeру отец ваших.

³³Змия, порождения ехиднова, како убeжите от суда (огня) геенскаго?

³⁴Сего ради, се, аз послю к вам пророки и премдры и книжники: и от них убиете и распнете, и от них биете на сонмищих ваших, и изженете от града во град:

³⁵яко да приидет на вы всяка кровь првдна, проливаемая на земли, от крове авеля првднаго до крове захарии сына варахиина, егоже убисте между церковию и олтарем.

³⁶Аминь глаголю вам: (яко) приидут вся сия на род сей.

³⁷Иерусалиме, иерусалиме, избивый пророки и камением побиваяй посланныя к тебe, колькраты восхотeх собрати чада твоя, якоже собирает кокош птенцы своя под крилe, и не восхотeсте?

³⁸Се, оставляется вам дом ваш пуст.

³⁹Глаголю бо вам: (яко) не имате мене видeти отселe, дондеже речете: благословен грядый во имя Господне.