Read Новый Завет на церковнославянском языке От Матфея 24 Bible Online

От Матфея 24 - Новый Завет на церковнославянском языке bible

От Матфея 24

¹И изшед Иисус идяше от церкве. И приступиша (к нему) ученицы его показати ему здания церковная.

²Иисус же рече им: не видите ли вся сия? аминь глаголю вам, не имать остати здe камень на камени, иже не разорится.

³Сeдящу же ему на горe елеонстeй, приступиша к нему ученицы на единe, глаголюще: рцы нам, когда сия будут? и что есть знамение твоего пришествия и кончина вeка?

⁴И отвeщав Иисус рече им: блюдите, да никтоже вас прельстит:

⁵мнози бо приидут во имя мое, глаголюще: аз есмь Христос: и многи прельстят.

⁶Услышати же имате брани и слышания бранем. Зрите, не ужасайтеся, подобает бо всeм (сим) быти: но не тогда есть кончина.

⁷Востанет бо язык на язык, и царство на царство: и будут глади и пагубы и труси по мeстом:

⁸вся же сия начало болeзнем.

⁹Тогда предадят вы в скорби и убиют вы: и будете ненавидими всeми языки имене моего ради.

¹⁰И тогда соблазнятся мнози, и друг друга предадят, и возненавидят друг друга:

¹¹и мнози лжепророцы востанут и прельстят многия:

¹²и за умножение беззакония, изсякнет любы многих.

¹³Претерпeвый же до конца, той спасется.

¹⁴И проповeстся сие евангелие царствия по всей вселеннeй, во свидeтелство всeм языком: и тогда приидет кончина.

¹⁵Егда убо узрите мерзость запустeния, реченную даниилом пророком, стоящу на мeстe святe: иже чтет, да разумeет:

¹⁶тогда сущии во иудеи да бeжат на горы:

¹⁷(и) иже на кровe, да не сходит взяти яже в дому его:

¹⁸и иже на селe, да не возвратится вспять взяти риз своих.

¹⁹Горе же непраздным и доящым в тыя дни.

²⁰Молитеся же, да не будет бeгство ваше в зимe, ни в субботу.

²¹Будет бо тогда скорбь велия, яковаже не была от начала мира доселe, ниже имать быти.

²²И аще не быша прекратилися дние оны, не бы убо спаслася всяка плоть: избранных же ради прекратятся дние оны.

²³Тогда аще кто речет вам: се, здe Христос, или ондe: не имите вeры:

²⁴востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя.

²⁵Се, прежде рeх вам.

²⁶Аще убо рекут вам: се, в пустыни есть, не изыдите: се, в сокровищих, не имите вeры:

²⁷якоже бо молния исходит от восток и является до запад, тако будет пришествие Сына человeческаго:

²⁸идeже бо аще будет труп, тамо соберутся орли.

²⁹Абие же, по скорби дний тeх, солнце померкнет, и луна не даст свeта своего, и звeзды спадут с небесе, и силы небесныя подвигнутся:

³⁰и тогда явится знамение Сына человeческаго на небеси: и тогда восплачутся вся колeна земная и узрят Сына человeческаго грядуща на облацeх небесных с силою и славою многою:

³¹и послет ангелы своя с трубным гласом велиим, и соберут избранныя его от четырех вeтр, от конец небес до конец их.

³²От смоковницы же научитеся притчи: егда уже ваия ея будут млада, и листвие прозябнет, вeдите, яко близ есть жатва:

³³тако и вы, егда видите сия вся, вeдите, яко близ есть, при дверех.

³⁴Аминь глаголю вам, не мимоидет род сей, дондеже вся сия будут:

³⁵небо и земля мимоидет, словеса же моя не мимоидут.

³⁶О дни же том и часe никтоже вeсть, ни ангели небeснии, токмо Отец мой един:

³⁷якоже (бо бысть во) дни ноевы, тако будет и пришествие Сына человeческаго:

³⁸якоже бо бeху во дни прежде потопа ядуще и пиюще, женящеся и посягающе, до негоже дне вниде ное в ковчег,

³⁹и не увeдeша, дондеже прииде вода и взят вся: тако будет и пришествие Сына человeческаго:

⁴⁰тогда два будета на селe: един поемлется, а другий оставляется:

⁴¹двe мелющe в жерновах: едина поемлется, и едина оставляется.

⁴²Бдите убо, яко не вeсте, в кий час Господь ваш приидет.

⁴³Сие же вeдите, яко аще бы вeдал дому владыка, в кую стражу тать приидет, бдeл убо бы и не бы дал подкопати храма своего.

⁴⁴Сего ради и вы будите готови: яко, в оньже час не мните, Сын человeческий приидет.

⁴⁵Кто убо есть вeрный раб и мудрый, егоже поставит господин его над домом своим, еже даяти им пищу во время (их)?

⁴⁶блажен раб той, егоже, пришед господин его, обрящет тако творяща:

⁴⁷аминь глаголю вам, яко над всeм имeнием своим поставит его.

⁴⁸Аще ли же речет злый раб той в сердцы своем: коснит господин мой приити,

⁴⁹и начнет бити клевреты своя, ясти же и пити с пияницами:

⁵⁰приидет господин раба того в день, в оньже не чает, и в час, в оньже не вeсть,

⁵¹и растешет его полма, и часть его с невeрными положит: ту будет плачь и скрежет зубом.