Read Новый Завет на церковнославянском языке От Матфея 25 Bible Online

От Матфея 25 - Новый Завет на церковнославянском языке bible

От Матфея 25

¹Тогда уподобися царствие небeсное десятим дeвам, яже прияша свeтилники своя и изыдоша в срeтение жениху:

²пять же бe от них мудры и пять юродивы.

³Юродивыя же, приемшя свeтилники своя, не взяша с собою елеа:

⁴мудрыя же прияша елей в сосудeх со свeтилники своими:

⁵коснящу же жениху, воздремашася вся и спаху.

⁶Полунощи же вопль бысть: се, жених грядет, исходите в срeтение его.

⁷Тогда восташа вся дeвы тыя и украсиша свeтилники своя.

⁸Юродивыя же мудрым рeша: дадите нам от елеа вашего, яко свeтилницы наши угасают.

⁹Оттeщаша же мудрыя, глаголюща: еда како не достанет нам и вам: идите же паче к продающым и купите себe.

¹⁰Идущым же им купити, прииде жених: и готовыя внидоша с ним на браки, и затворены быша двери.

¹¹Послeди же приидоша и прочыя дeвы, глаголющя: господи, господи, отверзи нам.

¹²Он же отвeщав рече им: аминь глаголю вам, не вeм вас.

¹³Бдите убо, яко не вeсте дне ни часа, в оньже Сын человeческий приидет.

¹⁴Якоже бо человeк нeкий отходя призва своя рабы и предаде им имeние свое:

¹⁵и овому убо даде пять талант, овому же два, овому же един, комуждо противу силы его: и отиде абие.

¹⁶Шед же приемый пять талант, дeла в них и сотвори другия пять талант:

¹⁷такожде и иже два, приобрeте и той другая два:

¹⁸приемый же един, шед вкопа (его) в землю и скры сребро господина своего.

¹⁹По мнозe же времени прииде господин раб тeх и стязася с ними о словеси.

²⁰И приступль пять талант приемый, принесе другия пять талант, глаголя: господи, пять талант ми еси предал: се, другия пять талант приобрeтох ими.

²¹Рече же ему господь его: добрe, рабе благий и вeрный: о малe был еси вeрен, над многими тя поставлю: вниди в радость господа твоего.

²²Приступль же и иже два таланта приемый, рече: господи, два таланта ми еси предал: се, другая два таланта приобрeтох има.

²³Рече (же) ему господь его: добрe, рабе благий и вeрный: о малe (ми) был еси вeрен, над многими тя поставлю: вниди в радость господа твоего.

²⁴Приступль же и приемый един талант, рече: господи, вeдях тя, яко жесток еси человeк, жнеши, идeже не сeял еси, и собираеши идeже не расточил еси:

²⁵и убоявся, шед скрых талант твой в земли: (и) се, имаши твое.

²⁶Отвeщав же господь его рече ему: лукавый рабе и лeнивый, вeдeл еси, яко жну идeже не сeях, и собираю идeже не расточих:

²⁷подобаше убо тебe вдати сребро мое торжником, и пришед аз взял бых свое с лихвою:

²⁸возмите убо от него талант и дадите имущему десять талант:

²⁹имущему бо вездe дано будет и преизбудет: от неимущаго же, и еже мнится имeя, взято будет от него:

³⁰и неключимаго раба вверзите во тму кромeшнюю: ту будет плачь и скрежет зубом. Сия глаголя возгласи: имeяй ушы слышати да слышит.

³¹Егда же приидет Сын человeческий в славe своей и вси святии ангели с ним, тогда сядет на престолe славы своея,

³²и соберутся пред ним вси языцы: и разлучит их друг от друга, якоже пастырь разлучает овцы от козлищ:

³³и поставит овцы одесную себе, а козлища ошуюю.

³⁴Тогда речет царь сущым одесную его: приидите, благословеннии Отца моего, наслeдуйте уготованное вам царствие от сложения мира:

³⁵взалкахся бо, и дасте ми ясти: возжадахся, и напоисте мя: странен бeх, и введосте мене:

³⁶наг, и одeясте мя: болен, и посeтисте мене: в темницe бeх, и приидосте ко мнe.

³⁷Тогда отвeщают ему првдницы, глаголюще: Господи, когда тя видeхом алчуща, и напитахом? или жаждуща, и напоихом?

³⁸когда же тя видeхом странна, и введохом? или нага, и одeяхом?

³⁹когда же тя видeхом боляща, или в темницe, и приидохом к тебe?

⁴⁰И отвeщав царь речет им: аминь глаголю вам, понеже сотвористе единому сих братий моих менших, мнe сотвористе.

⁴¹Тогда речет и сущым ошуюю (его): идите от мене, проклятии, во огнь вeчный, уготованный диаволу и аггелом его:

⁴²взалкахся бо, и не дасте ми ясти: возжадахся, и не напоисте мене:

⁴³странен бeх, и не введосте мене: наг, и не одeясте мене: болен и в темницe, и не посeтисте мене.

⁴⁴Тогда отвeщают ему и тии, глаголюще: Господи, когда тя видeхом алчуща, или жаждуща, или странна, или нага, или больна, или в темницe, и не послужихом тебe?

⁴⁵Тогда отвeщает им, глаголя: аминь глаголю вам, понеже не сотвористе единому сих менших, ни мнe сотвористе.

⁴⁶И идут сии в муку вeчную, првдницы же в живот вeчный.