Read Новый Завет на церковнославянском языке От Матфея 26 Bible Online

От Матфея 26 - Новый Завет на церковнославянском языке bible

От Матфея 26

¹И бысть, егда сконча Иисус вся словеса сия, рече учеником своим:

²вeсте, яко по двою дню пасха будет, и Сын человeческий предан будет на пропятие.

³Тогда собрашася архиерее и книжницы и старцы людстии во двор архиереов, глаголемаго каиафы,

⁴и совeщаша, да Иисуса лестию имут и убиют:

⁵глаголаху же: но не в праздник, да не молва будет в людех.

⁶Иисусу же бывшу в вифании, в дому симона прокаженнаго,

⁷приступи к нему жена, сткляницу мира имущи многоцeннаго, и возливаше на главу его возлежаща.

⁸Видeвше же ученицы его негодоваша, глаголюще: чесо ради гибель сия (бысть)?

⁹можаше бо сие миро продано быти на мнозe и датися нищым.

¹⁰Разумeв же Иисус рече им: что труждаете жену? дeло бо добро содeла о мнe:

¹¹всегда бо нищыя имате с собою, мене же не всегда имате:

¹²возлиявши бо сия миро сие на тeло мое, на погребение мя сотвори:

¹³аминь глаголю вам: идeже аще проповeдано будет евангелие сие во всем мирe, речется и еже сотвори сия, в память ея.

¹⁴Тогда шед един от обоюнадесяте, глаголемый иуда искариотский, ко архиереом,

¹⁵рече: что ми хощете дати, и аз вам предам его? Они же поставиша ему тридесять сребреник:

¹⁶и оттолe искаше удобна времене, да его предаст.

¹⁷В первый же день опрeсночный приступиша ученицы ко Иисусу, глаголюще ему: гдe хощеши уготоваем ти ясти пасху?

¹⁸Он же рече: идите во град ко онсицe, и рцыте ему: учитель глаголет: время мое близ есть: у тебе сотворю пасху со ученики моими.

¹⁹И сотвориша ученицы, якоже повелe им Иисус, и уготоваша пасху.

²⁰Вечеру же бывшу, возлежаше со обeманадесяте ученикома:

²¹и ядущым им, рече: аминь глаголю вам, яко един от вас предаст мя.

²²И скорбяще зeло, начаша глаголати ему един кийждо их: еда аз есмь, Господи?

²³Он же отвeщав рече: омочивый со мною в солило руку, той мя предаст:

²⁴Сын убо человeческий идет, якоже есть писано о нем: горе же человeку тому, имже Сын человeческий предастся: добро бы было ему, аще не бы родился человeк той.

²⁵Отвeщав же иуда предаяй его, рече: еда аз есмь, равви? Глагола ему: ты рекл еси.

²⁶Ядущым же им, приемь Иисус хлeб и благословив преломи, и даяше учеником, и рече: приимите, ядите: сие есть тeло мое.

²⁷И прием чашу и хвалу воздав, даде им, глаголя: пийте от нея вси:

²⁸сия бо есть кровь моя, новаго завeта, яже за многия изливаема во оставление грeхов.

²⁹Глаголю же вам, яко не имам пити отнынe от сего плода лознаго, до дне того, егда е пию с вами ново во царствии Отца моего.

³⁰И воспeвше изыдоша в гору елеонску.

³¹Тогда глагола им Иисус: вси вы соблазнитеся о мнe в нощь сию: писано бо есть: поражу пастыря, и разыдутся овцы стада:

³²по вскр(с)нии же моем варяю вы в галилеи.

³³Отвeщав же петр рече ему: аще и вси соблазнятся о тебe, аз никогдаже соблажнюся.

³⁴Рече ему Иисус: аминь глю тебe, яко в сию нощь, прежде даже алектор не возгласит, трикраты отвержешися мене.

³⁵Глагола ему петр: аще ми есть и умрети с тобою, не отвергуся тебе. Такожде и вси ученицы рeша.

³⁶Тогда прииде с ними Иисус в весь, нарицаемую гефсиманиа, и глагола учеником: сeдите ту, дондеже шед помолюся тамо.

³⁷И поем петра и оба сына зеведеова, начат скорбeти и тужити.

³⁸Тогда глагола им Иисус: прискорбна есть душа моя до смерти: пождите здe и бдите со мною.

³⁹И прешед мало, паде на лицы своем, моляся и глаголя: Отче мой, аще возможно есть, да мимоидет от мене чаша сия: обаче не якоже аз хощу, но якоже ты.

⁴⁰И пришед ко учеником, и обрeте их спящих, и глагола петрови: тако ли не возмогосте единаго часа побдeти со мною?

⁴¹бдите и молитеся, да не внидете в напасть: дух убо бодр, плоть же немощна.

⁴²Паки вторицею шед помолися, глаголя: Отче мой, аще не может сия чаша мимоити от мене, аще не пию ея, буди воля твоя.

⁴³И пришед обрeте их паки спящих: бeста бо им очи отяготeнe.

⁴⁴И оставль их, шед паки, помолися третицею, тожде слово рек.

⁴⁵Тогда прииде ко учеником своим и глагола им: спите прочее и почивайте: се, приближися час, и Сын человeческий предается в руки грeшников:

⁴⁶востаните, идем: се, приближися предаяй мя.

⁴⁷И еще ему глаголющу, се, иуда, един от обоюнадесяте, прииде, и с ним народ мног со оружием и дрекольми, от архиерей и старец людских.

⁴⁸Предаяй же его даде им знамение, глаголя: егоже аще лобжу, той есть: имите его.

⁴⁹И абие приступль ко Иисусови, рече: радуйся, равви. И облобыза его.

⁵⁰Иисус же рече ему: друже, (твори,) на неже еси пришел (друже, на сие ли пришел еси). Тогда приступльше возложиша руцe на Иисуса и яша его.

⁵¹И се, един от сущих со Иисусом, простер руку, извлече нож свой, и удари раба архиереова, и урeза ему ухо.

⁵²Тогда глагола ему Иисус: возврати нож твой в мeсто его: вси бо приемшии нож ножем погибнут:

⁵³или мнится ти, яко не могу нынe умолити Отца моего, и представит ми вящше неже дванадесяте легеона ангел?

⁵⁴како убо сбудутся писания, яко тако подобает быти?

⁵⁵В той час рече Иисус народом: яко на разбойника ли изыдосте со оружием и дрекольми яти мя? по вся дни при вас сeдeх учя в церкви, и не ясте мене.

⁵⁶Се же все бысть, да сбудутся писания пророческая. Тогда ученицы вси оставльше его бeжаша.

⁵⁷(Воини) же емше Иисуса ведоша к каиафe архиереови, идeже книжницы и старцы собрашася.

⁵⁸Петр же идяше по нем издалеча до двора архиереова: и вшед внутрь, сeдяше со слугами, видeти кончину.

⁵⁹Архиерее же и старцы и сонм весь искаху лжесвидeтелства на Иисуса, яко да убиют его,

⁶⁰и не обрeтаху: и многим лжесвидeтелем приступльшым, не обрeтоша. Послeжде же приступивша два лжесвидeтеля,

⁶¹рeста: сей рече: могу разорити церковь Божию и треми денми создати ю.

⁶²И востав архиерей рече ему: ничесоже ли отвeщаваеши, что сии на тя свидeтелствуют?

⁶³Иисус же молчаше. И отвeщав архиерей рече ему: заклинаю тя Богом живым, да речеши нам, аще ты еси Христос, Сын Божий?

⁶⁴Глагола ему Иисус: ты рекл еси: обаче глаголю вам: отселe узрите Сына человeческаго сeдяща одесную силы и грядуща на облацeх небесных.

⁶⁵Тогда архиерей растерза ризы своя, глаголя, яко хулу глагола: что еще требуем свидeтелей? се, нынe слышасте хулу его:

⁶⁶что вам мнится? Они же отвeщавше рeша: повинен есть смерти.

⁶⁷Тогда заплеваша лице его и пакости ему дeяху (и по ланитома бияху его): овии же за ланиту удариша (заушаху его),

⁶⁸глаголюще: прорцы нам, Христе, кто есть ударей тя?

⁶⁹Петр же внe сeдяше во дворe. И приступи к нему едина рабыня, глаголющи: и ты был еси со Иисусом галилейским.

⁷⁰Он же отвержеся пред всeми, глаголя: не вeм, что глаголеши.

⁷¹Изшедшу же ему ко вратом, узрe его другая, и глагола сущым тамо: и сей бe со Иисусом назореом.

⁷²И паки отвержеся с клятвою, яко не знаю человeка.

⁷³Помалe же приступивше стоящии, рeша петрови: воистинну и ты от них еси, ибо бесeда твоя явe тя творит.

⁷⁴Тогда начат ротитися и клятися, яко не знаю человeка. И абие пeтель возгласи.

⁷⁵И помяну петр глагол Иисусов, реченный ему, яко прежде даже пeтель не возгласит, трикраты отвержешися мене. И изшед вон плакася горько.