Read Новый Завет на церковнославянском языке От Матфея 27 Bible Online

От Матфея 27 - Новый Завет на церковнославянском языке bible

От Матфея 27

¹Утру же бывшу, совeт сотвориша вси архиерее и старцы людстии на Иисуса, яко убити его:

²и связавше его ведоша и предаша его понтийскому пилату игемону.

³Тогда видeв иуда предавый его, яко осудиша его, раскаявся возврати тридесять сребреники архиереем и старцем,

⁴глаголя: согрeших предав кровь неповинную. Они же рeша: что есть нам? ты узриши.

⁵И поверг сребреники в церкви, отиде: и шед удавися.

⁶Архиерее же приемше сребреники, рeша: недостойно есть вложити их в корвану, понеже цeна крове есть.

⁷Совeт же сотворше, купиша ими село скудельниче, в погребание странным:

⁸тeмже наречеся село то село крове, до сего дне:

⁹тогда сбысться реченное иеремием пророком, глаголющим: и прияша тридесять сребреник, цeну цeненнаго, егоже цeниша от сынов Израилев,

¹⁰и даша я на село скудельничо, якоже сказа мнe Господь.

¹¹Иисус же ста пред игемоном. И вопроси его игемон, глаголя: ты ли еси царь иудейский? Иисус же рече ему: ты глаголеши.

¹²И егда нань глаголаху архиерее и старцы, ничесоже отвeщаваше.

¹³Тогда глагола ему пилат: не слышиши ли, колика на тя свидeтелствуют?

¹⁴И не отвeща ему ни к единому глаголу, яко дивитися игемону зeло.

¹⁵На (всяк) же праздник обычай бe игемону отпущати единаго народу связня, егоже хотяху:

¹⁶имяху же тогда связана нарочита, глаголемаго варавву:

¹⁷собравшымся же им, рече им пилат: кого хощете (от обою) отпущу вам: варавву ли, или Иисуса глаголемаго Христа?

¹⁸Вeдяше бо, яко зависти ради предаша его.

¹⁹Сeдящу же ему на судищи, посла к нему жена его, глаголющи: ничтоже тебe и првднику тому: много бо пострадах днесь во Сынe его ради.

²⁰Архиерее же и старцы наустиша народы, да испросят варавву, Иисуса же погубят.

²¹Отвeщав же игемон рече им: кого хощете от обою отпущу вам? Они же рeша: варавву.

²²Глагола им пилат: что убо сотворю Иисусу глаголемому Христу? Глаголаша ему вси: да распят будет.

²³Игемон же рече: кое убо зло сотвори? Они же излиха вопияху, глаголюще: да пропят будет.

²⁴Видeв же пилат, яко ничтоже успeвает, но паче молва бывает, приемь воду, умы руцe пред народом, глаголя: неповинен есмь от крове првднаго сего: вы узрите.

²⁵И отвeщавше вси людие рeша: кровь его на нас и на чадeх наших.

²⁶Тогда отпусти им варавву: Иисуса же бив предаде (им), да его пропнут.

²⁷Тогда воини игемоновы, приемше Иисуса на судище, собраша нань все множество воин:

²⁸и совлекше его, одeяша его хламидою червленою:

²⁹и сплетше вeнец от терния, возложиша на главу его, и трость в десницу его: и поклоньшеся на колeну пред ним ругахуся ему, глаголюще: радуйся, царю иудейский.

³⁰И плюнувше нань, прияша трость и бияху по главe его.

³¹И егда поругашася ему, совлекоша с него багряницу и облекоша его в ризы его: и ведоша его на пропятие.

³²Исходяще же обрeтоша человeка киринейска, именем симона: и сему задeша понести крест его.

³³И пришедше на мeсто нарицаемое голгофа, еже есть глаголемо краниево мeсто,

³⁴даша ему пити оцет с желчию смeшен: и вкушь, не хотяше пити.

³⁵Распеншии же его раздeлиша ризы его, вергше жребия:

³⁶и сeдяще стрежаху его ту:

³⁷и возложиша верху главы его вину его написану: сей есть Иисус, царь иудейский.

³⁸Тогда распяша с ним два разбойника: единаго о десную, и единаго о шуюю.

³⁹Мимоходящии же хуляху его, покивающе главами своими

⁴⁰и глаголюще: разоряяй церковь и треми денми созидаяй, спасися сам: аще Сын еси Божий, сниди со креста.

⁴¹Такожде же и архиерее ругающеся с книжники и старцы (и фарисеи), глаголаху:

⁴²иныя спасе, себе ли не может спасти? аще царь Израилев есть, да снидет нынe со креста, и вeруем в него:

⁴³упова на Бога: да избавит нынe его, аще хощет ему. Рече бо, яко Божий есмь Сын.

⁴⁴Тожде же и разбойника распятая с ним поношаста ему.

⁴⁵От шестаго же часа тма бысть по всей земли до часа девятаго:

⁴⁶о девятeм же часe возопи Иисус гласом велиим, глаголя: или, или, лима савахфани? еже есть, Боже мой, Боже мой, вскую мя еси оставил?

⁴⁷Нeцыи же от ту стоящих слышавше глаголаху, яко илию глашает сей.

⁴⁸И абие тек един от них, и приемь губу, исполнив же оцта, и вонзе на трость, напаяше его.

⁴⁹Прочии же глаголаху: остави, да видим, аще приидет илиа спасти его.

⁵⁰Иисус же, паки возопив гласом велиим, испусти дух.

⁵¹И се, завeса церковная раздрася на двое с вышняго края до нижняго: и земля потрясеся: и камение распадеся:

⁵²и гроби отверзошася: и многа тeлеса усопших святых восташа:

⁵³и изшедше из гроб, по воскреснии его, внидоша во святый град и явишася мнозeм.

⁵⁴Сотник же и иже с ним стрегущии Иисуса, видeвше трус и бывшая, убояшася зeло, глаголюще: воистинну Божий Сын бe сей.

⁵⁵Бяху же ту и жены многи издалеча зрящя, яже идоша по Иисусe от галилеи, служащя ему:

⁵⁶в нихже бe мариа магдалина, и мариа иакова и иосии мати, и мати сыну зеведеову.

⁵⁷Поздe же бывшу, прииде человeк богат от аримафеа, именем иосиф, иже и сам учися у Иисуса:

⁵⁸сей приступль к пилату, проси тeлесе Иисусова. Тогда пилат повелe дати тeло.

⁵⁹И приемь тeло иосиф, обвит е плащаницею чистою

⁶⁰и положи е в новeм своем гробe, егоже изсeче в камени: и возвалив камень велий над двери гроба, отиде.

⁶¹Бe же ту мариа магдалина и другая мариа, сeдящe прямо гроба.

⁶²Во утрий же день, иже есть по пятцe, собрашася архиерее и фарисее к пилату,

⁶³глаголюще: господи, помянухом, яко льстец он рече, еще сый жив: по триех днех востану:

⁶⁴повели убо утвердити гроб до третияго дне, да не како пришедше ученицы его нощию украдут его и рекут людем: воста от мертвых: и будет послeдняя лесть горша первыя.

⁶⁵Рече же им пилат: имате кустодию: идите, утвердите, якоже вeсте.

⁶⁶Они же шедше утвердиша гроб, знаменавше камень с кустодиею.