Read Новый Завет на церковнославянском языке От Матфея 28 Bible Online

От Матфея 28 - Новый Завет на церковнославянском языке bible

От Матфея 28

¹В вечер же субботный (по вечери же субботнeм), свитающи во едину от суббот, прииде мариа магдалина и другая мариа, видeти гроб.

²И се, трус бысть велий: ангел бо Господень сшед с небесе, приступль отвали камень от дверий гроба и сeдяше на нем:

³бe же зрак его яко молния, и одeяние его бeло яко Сынeг.

⁴От страха же его сотрясошася стрегущии и быша яко мертви.

⁵Отвeщав же ангел рече женам: не бойтеся вы: вeм бо, яко Иисуса распятаго ищете:

⁶нeсть здe: воста бо, якоже рече: приидите, видите мeсто, идeже лежа Господь,

⁷и скоро шедшe рцыте учеником его, яко воста от мертвых и се, варяет вы в галилеи: тамо его узрите: се, рeх вам.

⁸И изшедшe скоро от гроба со страхом и радостию велиею, текостe возвeстити учеником его.

⁹Егда же идястe возвeстити учеником его, и се, Иисус срeте я, глаголя: радуйтеся. Онe же приступльшe ястeся за нозe его и поклонистeся ему.

¹⁰Тогда глагола има Иисус: не бойтеся: идите, возвeстите братии моей, да идут в галилею, и ту мя видят.

¹¹Идущема же има, се, нeцыи от кустодии пришедше во град, возвeстиша архиереом вся бывшая.

¹²И собравшеся со старцы, совeт сотвориша, сребреники доволны даша воином,

¹³глаголюще: рцыте, яко ученицы его нощию пришедше украдоша его, нам спящым:

¹⁴и аще сие услышано будет у игемона, мы утолим его и вас безпечальны сотворим.

¹⁵Они же приемше сребреники, сотвориша, якоже научени быша. И промчеся слово сие во иудеех даже до сего дне.

¹⁶Единии же надесяте ученицы идоша в галилею, в гору, аможе повелe им Иисус:

¹⁷и видeвше его, поклонишася ему: ови же усумнeшася.

¹⁸И приступль Иисус, рече им, глаголя: дадеся ми всяка власть на небеси и на земли:

¹⁹шедше убо научите вся языки, крестяще их во имя Отца и Сына и Святаго Духа,

²⁰учаще их блюсти вся, елика заповeдах вам: и се, аз с вами есмь во вся дни до скончания вeка. Аминь.