Read Новый Завет на церковнославянском языке От Матфея 4 Bible Online

От Матфея 4 - Новый Завет на церковнославянском языке bible

От Матфея 4

¹Тогда Иисус возведен бысть духом в пустыню искуситися от диавола,

²и постився дний четыредесять и нощий четыредесять, послeди взалка.

³И приступль к нему искуситель рече: аще Сын еси Божий, рцы, да камение сие хлeбы будут.

⁴Он же отвeщав рече: писано есть: не о хлeбe единeм жив будет человeк, но о всяцeм глаголe исходящем изо уст Божиих.

⁵Тогда поят его диавол во святый град, и постави его на крилe церковнeм,

⁶и глагола ему: аще Сын еси Божий, верзися низу: писано бо есть, яко ангелом своим заповeсть о тебe (сохранити тя), и на руках возмут тя, да не когда преткнеши о камень ногу твою.

⁷Рече (же) ему Иисус: паки писано есть: не искусиши Господа Бога твоего.

⁸Паки поят его диавол на гору высоку зeло, и показа ему вся царствия мира и славу их,

⁹и глагола ему: сия вся тебe дам, аще пад поклонишимися.

¹⁰Тогда глагола ему Иисус: иди за мною, сатано: писано бо есть: Господу Богу твоему поклонишися и тому единому послужиши.

¹¹Тогда остави его диавол, и се, ангели приступиша и служаху ему.

¹²Слышав же Иисус, яко иоанн предан бысть, отиде в галилею,

¹³и оставль назарет, пришед вселися в капернаум в поморие, в предeлeх завулоних и неффалимлих:

¹⁴да сбудется реченное исаием пророком, глаголющим:

¹⁵земля завулоня и земля неффалимля, путь моря об он пол иордана, галилеа язык,

¹⁶людие седящии во тмe видeша свeт велий, и сeдящым в странe и сeни смертнeй, свeт возсия им.

¹⁷Оттолe начат Иисус проповeдати и глаголати: покайтеся, приближися бо царство небeсное.

¹⁸Ходя же при мори галилейстeм, видe два брата, симона глаголемаго петра, и андреа брата его, вметающа мрежи в море, бeста бо рыбаря:

¹⁹и глагола има: грядита по мнe, и сотворю вы ловца человeком.

²⁰Она же абие оставльша мрежи, по нем идоста.

²¹И прешед оттуду, видe ина два брата, иакова зеведеева, и иоанна брата его, в корабли с зеведеом отцем ею, завязующа мрежи своя, и воззва я.

²²Она же абие оставльша корабль и отца своего, по нем идоста.

²³И прохождаше всю галилею Иисус, учя на сонмищах их и проповeдая евангелие царствия, исцeляя всяк недуг и всяку язю в людех.

²⁴И изыде слух его по всей сирии: и приведоша к нему вся болящыя, различными недуги и страстьми одержимы, и бeсны, и мeсячныя, и разслабленныя (жилами): и исцeли их.

²⁵И по нем идоша народи мнози от галилеи и десяти град, и от иерусалима и иудеи, и со онаго полу иордана.